[jadore]

Postimi origjinal është bërë nga Fshatari

I hapet rruga drejt Nobelit
Shkrimtari shqiptar Ismail Kadare është shpërblyer me çmimin letrar të Spanjës Prince of Asturias të mërkurën, duke u vlerësuar për angazhimin social në veprën e tij.
Lajmin e kanë bërë të ditur agjencitë spanjolle të lajme, por po ashtu edhe agjenci të tjera botërore.
Duke e përshkruar atë si një prej autorëve më të mëdhenj të letërsisë botërore, organizatorët e çmimit kanë thënë se Kadare ‘përfaqëson kulmin e letërsisë shqiptare dhe pa i harruar rrënjët e tij, ka kaluar kufij për t’u ngritur si zë universal kundër totalitarizmit.’
Çmimi i vitit 2009 i shpallur të mërkurën është një prej tetë çmimeve Asturias të ndarë çdo vit në fusha si artet, shkencat, bashkëpunimi dhe komunikimi ndërkombëtar etj.
Veprat e Kadaresë së pari kanë zgjuar vëmendjen gjatë viteve të regjimit shtypës komunist të Enver Hoxhës.
Romancier, eseist dhe poet, vepra e tij ka arritur famë ndërkombëtare pasi që i ishte pranuar azili politik në Francë në vitin 1990.
Ai është lindur në vitin 1936 në Gjirokastër të Shqipërisë, qyteti jugor ku ishte lindur edhe Enver Hoxha. Në mesin e romaneve më të popullarizuara të Kadaresë janë edhe “Gjenerali i ushtrisë së vdekur”, “Pallati i ëndrrave”, “Koncert në fund të dimrit” etj.
Kandidat i rregullt për çmimin Nobel për letërsi, Kadare ka fituar çmimin e parë Man Booker International në vitin 2005. librat e tij janë përkthyer në më shumë se dyzetë gjuhë.
Çmimi Asturias ka vlerë prej 50 mijë euro si dhe një skulpturë të artistit Joan Miro. Çmimi është i emëruar sipas princit Felipe të Spanjës, titulli formal i të cilit është Princ i Asturias, rajon i Spanjës veriore.
Vitin e kaluar këtë çmim e kishte fituar shkrimtarja kanadeze Margaret Atwood.
___________________________________________
Gazeta Express
Nga Alfred Beka më 24.06.2009 në ora 15:11

Me ne fund-a , hajde bre se na qiti fare per kete titull ...