[Fshatari]

Sejdiu dhe Thaçi sërish për vizitë në Washington
Kryetari i Republikës së Kosovës Fatmir Sejdiu dhe kryeministri Hashim Thaçi, të hënën në Washington do të nënshkruajnë anëtarësimin e Kosovës në Fondin Monetar Ndërkombëtar dhe në Bankën Botërore.
Në këtë vizitë ata shoqërohen edhe me ministrin e Jashtëm, Skënder Hyseni dhe atë të Ekonomisë dhe Financave, Ahmet Shala, ndërkaq ndër takimet e tyre te rëndësishme janë me numrin dy të diplomacisë amerikane, zëvendëssekretarin e Shtetit, James Steinberg si dhe me zëvendëssekretarin e Departmentit të Financave, Eric Meyer. Në Washington ata do takohen edhe me presidentin e Bankës Botërore, Robert Zoellick.
Në Washington do të nënshkruhet edhe një marrëveshje me të ashtuquajturën Korporatë e Investimeve Private Jashtë shtetit, ose OPIC, që është një agjenci e Qeverisë amerikane që u ndihmon bizneseve amerikane duke u ofruar shërbime në investimet e tyre jashtë vendit, njofton Radio Televizioni i Kosovës.
Marrëveshja me këtë agjenci si dhe anëtarësimi i Kosovës në Bankën
Botërore dhe në Fondin Monetar Ndërkombëtar krijon mundësi dhe perspektiva të reja investuese dhe mbështetje të projekteve zhvillimore të Kosovës.