[Llapjani_HH]

Jashari: Akuzohem pse zbatova Marrëveshjen e Ohrit

Ish drejtori i spitalit të qytetit të Kumanovës Selver Jashari duke komentuar padinë penale të ngritur ndaj tij për keqpërdorim të detyrës zyrtare, e cilëson atë revanshizëm të BDI-së. Ai sqaroi se ka respektuar ligjin për përdorimin e gjuhës shqipe, ka punësuar shqiptarë dhe se nuk ka lejuar keqpërdorimin e tenderave nga funksionarët e lartë të BDI-së. Ish drejtori i spitalit të Kumanovës, Jashari në padinë penale akuzohet se në tetor të vitit të kaluar në mënyrë të paligjshme ka realizuar furnizime publike për vendosjen e mbishkrimeve dy gjuhësore në institucionin që drejtonte.
“Kjo është hakmarrje politike, po unë nuk pendohem aspak. Kam pas nderin të jem drejtor i vetëm që në Kumanovë ka zbatuar Marrëveshjen e Ohrit. Sot në spital edhepse unë nuk jam drejtor, aty gjuha shqipe edhe mbishkrimet ekzistojnë, mburrem me atë që në spital arritëm të festojmë 28 nëntorin… Për fat të keq ka gisht partia shqiptare këtu. Në cdo kohë jam në gjendje të ballafaqohem me drejtësinë nëse ka drejtësi, po edhe nëse nuk ka s’mërzitem… le të urdhërojnë”, deklaroi Selver Jashari – ish drejtor i spitalit të Kumanovës.
Nga Ministria e Shëndetësisë thonë për ALSAT se shkarkimi i Selver Jasharit është bërë në bazë të rezultateve të treguara.
Ndryshe në njoftimin e MPB-së thuhet se Sektori për punë të brendshme në Kumanovë ka ngritur padi penale kundër Selver Jasharit pasi në periudhën nga shtatori 2008 deri në shkurt 2009, në gjashtë raste duke vepruar në kundërshtim me ligjin për vullnetarë. Ai ka paguar në formë kompensimi me ushqim dhe transport rreth 460 mijë denarë, dhe ka dëmtuar buxhetin e spitalit prej rreth 705 mijë denarë. Gjithashtu, në tetor të vitit 2008, në kundërshtim me vendimin për furnizim publik, ka realizuar procedurë për furnizimin e mbishkrimeve dygjuhësore, tabela nga kompania “NeonDesign” – Shkup në vlerë prej rreth 100 mijë denarë, duke shkaktuar një dëm financiar prej rreth 800 mijë denarësh.
ALSAT M