[Dani11]

Pacolli takohet me Shimon Peresin
Lideri i AKR-së është takuar me presidentin izraelit me të cilin ka biseduar për njohjen e Kosovës.
E enjte, 02 Korrik 2009 23:52




Gazeta Lajm shkruan se lideri i AKR-së, Behgjet Pacolli, paralajmëroi njohje të reja. Të enjten, Pacolli është lajmëruar nga Izraeli ku është takuar me presidentin izraelit, Shimon Peres, me të cilin ka biseduar për njohjen e Kosovës.

Pacolli më herët kishte deklaruar se El Salvadori më 2 qershor e ka njohur Kosovën, por pritet që vendimi për njohje të bëhet sipas procedurave të këtij vendi – nëpërmjet Parlamentit.

"Njohja nga El Salvadori dhe nga Republika Domenikane është çështje procedurale. Ju siguroj se shumë shpejt do të ketë edhe njohje të reja. Në Izrael, ndërkaq, jam takuar me presidentin izraelit, me të cilin edhe kam darkuar. Natyrisht, temë e bisedimeve ishte njohja e pavarësisë së Kosovës nga Izraeli, dhe sinjalet janë pozitive", tha Pacolli për "Lajm".

Muajin e kaluar, disa media të huaja kishin raportuar se Kosova do të njihet nga Izraeli gjatë muajit gusht, por kjo ishte hedhur poshtë nga Ministria e Jashtme e këtij vendi.

Para disa muajve, Kosova ishte vërshuar nga deklaratat pompoze për njohje të reja, që proklamoheshin nga përfaqësues të institucioneve të Kosovës dhe nga disa liderë të partive politike. Por, kaluan një muaj e gjysmë që nga njohja e fundit dhe Kosova nuk u njoh nga asnjë vend. /GaetaLajm/mesazhi/

---------------------------------------

Pacolli nuk ka te ndalur ne rrugen e Lobimit per njohje te reja, ky jo vetem qe ia ka kalu qeveris Kosovare ne kete drejtim po besa edhe Amerikes.

TE LUMT BEHGJET PACOLLI!

TURP PER QEVERIN E HASHIM THAQIT!