[Tomori]

Ekzekutimi ishte një sport, për ushtarët serbë.

Ushtria serbe lë pas një lumë gjaku.

Mijëra burra, gra dhe fëmijë të masakruar, sipas raportimeve hungareze.

Genocid i tmerrshëm, pasojë e politikave që kishin për qëllim të shfarosnin myslimanët (shqiptarët).

Londër, E enjte, 31 Dhjetor 1912
Korrespondenti i Dejli Telegraf në Budapest, ka marrë disa të dhëna dhe detaje mbi gjenocidin në Shqipëri dhe ka siguruar edhe raportin e përgatitur nga vëzhguesit për Mbretërinë Austro-Hungareze:

“Në mars duke kaluar përmes Shqipërisë për të dalë në det, Serbët jo vetëm bënë masakra të shëmtuara, duke vrarë burra të armatosur, por si të ishin bisha, me një mizori të pangopur, masakruar njerëz të paarmatosur dhe popullsi pa mbrojtje, burra të vjetër, gra, fëmijë dhe foshnje gjiri.
Oficerët serbë të entuziazmuar nga fitoret ë tyre thonë se e vetmja paqe që mund të arrihej, ishte të zhdukej e gjithë popullsia muhamedane shqiptare. Ky urdhër dite u adoptua menjëherë nga ushtria pushtuese serbe që menjëherë filloi zbatimi i tij.

Nga Kumanova deri në Shkup, u masakruan 3 mijë njerëz, afër Prishtinës 5 mijë shqiptarë ranë pre e thikave serbe, jo në një betejë të ndershme, por në një vrasje masive të pajustifikueshme.

Për të kryer këto krime ushtarët e çmendur shpikën edhe metoda të reja mizorie, për të kënaqur pasionin e tyre për gjak. Në shumë fshatra shtëpive iu vu zjarri, dhe kur banorët dilnin jashtë ekzekutoheshin si minj. Burrat qëlloheshin në sy të grave dhe fëmijëve, ndërsa nënat e pa zonja për të reaguar detyroheshin të shihnin fëmijët e tyre teksa copëtoheshin nga bajonetat.