[Qorri]

Më 25 qershor 1946, krahas Enver Hoxhës, që i akordohej Urdhri i “Heroit Kombëtar”, Asambleja Popullore e Republikës Federative Popullore të Jugosllavisë ridekoron dhe dekoron edhe personalitete të tjera të larta të shtetit shqiptar, si dhe kuadro të nivele të ndryshme:
Ministrin e Ekonomisë, Nako Spirun, me Urdhrin “Ç.P”; Gjeneral-Major Bedri Spahiun, Gjeneral-Major Myslim Pezën, Ministrin e Drejtësisë, Manol Konomin, Ministrin Fuqiplotë në Beograd, Hysni Kapon, Kolonel Manush Myftiun, Kolonel Nesti Kerenxhin, Nënkolonel Vasil Konomin dhe Major Ferit Hadon me Urdhrin “Ylli Partizan i Kl.I”; Sadik Bekteshin, shefin e kabinetit të Kryeministrit, me Urdhrin “V.B i Kl. I”; Kapiten Shpend Degën, me Urdhrin “Ylli Partizan i Kl.II”; Këshilltarin Sofo Çomorra, Sekretarin e Legatës “Vasil Nathanaili” dhe drejtorin e Protokollit Sterio Gjokoreci me Urdhrin “M.P. i Kl.II”; Toger Vangjel Rrëmbeci dhe Nëntoger Halim Zaus me Urdhrin “Ylli Partizan Kl.III”; Kolonel Nesti Kerenxhi, Kolonel Manush Myftiu dhe Nënkolonel Vasil Konomi me Urdhrin e Trimërisë; Korin Central të Republikës Popullore të Shqipërisë dhe Brigadën e Rinisë Shqiptare “Alqi Kondi” me Urdhrin “V.B i Kl. I” (17/ VIII/ 1946); Qamil Buxhelin me Urdhrin “V.B.i Kl.II”; Miho Drazho, Sadik Hyseni, Nikolla Kambusi, Kron Gorsa dhe Vlash Beka me Urdhrin “U.P. i Kl. III”( 5 XI/ 1946); Koço Trako e Besim Levonja me Urdhrin “V.B. i Kl.II”; Kristaq Antoni, Xheladin Malta, Qefser Keci, Kol Hoti, Milen Cicko, Fatmir Kastrati, Donat Pali, Llazar Filipi, Hysen Pelingu, Behije Çela, Belul Hatibi, Akile Dilo, Stavri Rafaeli me Urdhrin “M.P. i Kl. III” (14/XII/1946); Gjeneral-Leitnant Koçi Xoxe, Gjeneral-Major Kristo Themelko dhe Gjeneral- Major Mehmet Shehu me Urdhrin Ylli Partizan i Kl. I; Kolonelët: Gjin Marku, Nesti Kerenxhi,Tahir Kadareja e Beqir Balluku; Nënkolonelët: Pëllumb Dishnica, Rrahman Perllaku e Teki Kolaneci me Urdhrin “M.P. i Kl. I”; Nënkolonelët: Arif Hasko, Gafur Çuçi, Gjeli Argjiri, Lefter Kasneci, Panajot Plaku, Riza Kodheli; Majorët: Vangjo Mitrojorgji, Vaskë Koleci e Zoi Themeli me Urdhrin “M.P. i Kl. II”; Majorët: Iljaz Ahmeti, Sali Ormëni, Teme Sejko; Kapitenët Mitat Goskova, Pertef Pumo dhe Myslym Keta me Urdhrin “V.B. i Kl. II”; Kolonel Shefqet Peçi, N/Kolonelët: Myzafer Spaho e Hito Çako; Majorët: Hasan Selenica dhe Kadri Hazbiu me Urdhrin e Trimërisë (8/X/1947); Brigadën Sulmuese “Qemal Stafa” me Urdhrin “V.B.i Kl. I”; Klimi Misja me Urdhrin “V.B.i Kl.II-të” dhe Jani Keçin, Petro Currilën e Ismet Minardin me Urdhrin “U.P. i Kl. III”(14/XI/1947)

Prishja e marrëdhënieve politike midis PKSH e PKJ dhe qeverive përkatëse në vitin 1948, i dhanë shkas udhëheqjes së shtetit shqiptar, që gjithë dekoratat e marra nga Asambleja Popullore e Republikës Federative Popullore të Jugosllavisë të grumbulloheshin dhe të inkasoheshin në kasafortat nga kishin dalë, duke kryer kështu një “rokadë” imponuese, si tregues i qartë i distancimit të plotë nga çdo virus, praktikë dhe simbolikë titiste.