Dardania.de - Shiko Postimin Tek

jonuzi · 03-10-09, 23:26

Zbrazëtia ligjore - hapësirë për fushatën para kohës

Nga Express më 03.10.2009 në ora 13:17
Drejtues të “Koalicionit demokracia në veprim”, e certifikuar për monitorimin e procesit zgjedhor në Kosovë, në një konferencë për gazetarë të shtunën, premtuan mbështetje të plotë për të gjithë aktorët që merren me procesin e zgjedhjeve, por i kërkuan Komisionit Qendror të Zgjedhjeve (KQZ) të jetë më e angazhuar.

Por, “Demokracia në veprim”, gjatë kësaj konference ka shprehur shqetësimin e saj lidhur me angazhimin e Komisionit Qendror të Zgjedhjeve (KQZ) në procesin parazgjedhor, si dhe për fenomenin se disa parti faktikisht e kanë filluar fushatën më herët se sa është paraparë fillimi i fushatës parazgjedhore zyrtarisht.

“Ne, pas konsultimeve me Ligjin dhe ekspertët tanë, vlerësojmë se fillimi i fushatës nga disa parti nuk është shkelje e ligjit, mirëpo kjo nuk i bënë mirë procesit”, ka thënë Ismet Kryeziu, udhëheqës i koalicionit, duke shtuar se kjo e vë në pah nevojën për ndryshimin e ligjit dhe rregulloreve në mënyrë që të gjitha subjektet politike të kenë mundësinë të garojnë në kohën e njëjtë gjatë fushatës parazgjedhore.

Kryeziu ka bërë thirrje që duke ditur rëndësinë e këtyre zgjedhjeve, për shkak se janë zgjedhjet e para pas pavarësisë, Komisioni Qendror Zgjedhor (KQZ) të jetë sa më profesional në punë.

Ndërsa, Veton Muja nga “Demokracia në veprim”, ka folur për problemet që karakterizojnë Komisionet Komunale Zgjedhore.

“Vëzhguesit tanë kanë hasur në vështirësi për të marrë pjesë në mbledhjet e Këshillave Komunale Zgjedhore (KKZ). Ka vërejtje nga subjekte të ndryshme se zyrtarë të KKZ-ve nuk e respektojnë orarin e punës dhe ka raste kur dyert e zyrave të KKZ-ve janë të mbyllura gjatë orarit të punës”, ka deklaruar Muja.

Një çështje tjetër shumë e rëndësishme që ka ngritur “Demokracia në veprim”, është përditësimi i listës së votuesve dhe sipas tyre, Ligji qartazi thotë se KQZ është përgjegjëse për azhurimin e listës së votuesve.

“Demokracia në veprim” bënë thirrje që KQZ duhet të ndërmarrë hapat e nevojshëm për të siguruar se nuk do të ketë probleme me listën në ditën e zgjedhjeve.

“Demokracia në veprim”, vetëm ka filluar aktivitetin me 76 vëzhgues në terren, përfshirë edhe KQZ-në, numër ky që gjatë procesit të fushatës parazgjedhore dhe zgjedhjeve do të jetë 2250 vëzhgues. /KosovaLive/

03-10-09, 23:26	#172
jonuzi jonuzi Anëtarësuar: 27-01-06 Vendndodhja: Gjithandej Postime: 347	Titulli: Zgjedhjet lokale në Kosovë Zbrazëtia ligjore - hapësirë për fushatën para kohës Nga Express më 03.10.2009 në ora 13:17 Drejtues të “Koalicionit demokracia në veprim”, e certifikuar për monitorimin e procesit zgjedhor në Kosovë, në një konferencë për gazetarë të shtunën, premtuan mbështetje të plotë për të gjithë aktorët që merren me procesin e zgjedhjeve, por i kërkuan Komisionit Qendror të Zgjedhjeve (KQZ) të jetë më e angazhuar. Por, “Demokracia në veprim”, gjatë kësaj konference ka shprehur shqetësimin e saj lidhur me angazhimin e Komisionit Qendror të Zgjedhjeve (KQZ) në procesin parazgjedhor, si dhe për fenomenin se disa parti faktikisht e kanë filluar fushatën më herët se sa është paraparë fillimi i fushatës parazgjedhore zyrtarisht. “Ne, pas konsultimeve me Ligjin dhe ekspertët tanë, vlerësojmë se fillimi i fushatës nga disa parti nuk është shkelje e ligjit, mirëpo kjo nuk i bënë mirë procesit”, ka thënë Ismet Kryeziu, udhëheqës i koalicionit, duke shtuar se kjo e vë në pah nevojën për ndryshimin e ligjit dhe rregulloreve në mënyrë që të gjitha subjektet politike të kenë mundësinë të garojnë në kohën e njëjtë gjatë fushatës parazgjedhore. Kryeziu ka bërë thirrje që duke ditur rëndësinë e këtyre zgjedhjeve, për shkak se janë zgjedhjet e para pas pavarësisë, Komisioni Qendror Zgjedhor (KQZ) të jetë sa më profesional në punë. Ndërsa, Veton Muja nga “Demokracia në veprim”, ka folur për problemet që karakterizojnë Komisionet Komunale Zgjedhore. “Vëzhguesit tanë kanë hasur në vështirësi për të marrë pjesë në mbledhjet e Këshillave Komunale Zgjedhore (KKZ). Ka vërejtje nga subjekte të ndryshme se zyrtarë të KKZ-ve nuk e respektojnë orarin e punës dhe ka raste kur dyert e zyrave të KKZ-ve janë të mbyllura gjatë orarit të punës”, ka deklaruar Muja. Një çështje tjetër shumë e rëndësishme që ka ngritur “Demokracia në veprim”, është përditësimi i listës së votuesve dhe sipas tyre, Ligji qartazi thotë se KQZ është përgjegjëse për azhurimin e listës së votuesve. “Demokracia në veprim” bënë thirrje që KQZ duhet të ndërmarrë hapat e nevojshëm për të siguruar se nuk do të ketë probleme me listën në ditën e zgjedhjeve. “Demokracia në veprim”, vetëm ka filluar aktivitetin me 76 vëzhgues në terren, përfshirë edhe KQZ-në, numër ky që gjatë procesit të fushatës parazgjedhore dhe zgjedhjeve do të jetë 2250 vëzhgues. /KosovaLive/ __________________ Bahet mire pas 50 viteve!!!!!!!!