[panta_rhei]

Postimi origjinal është bërë nga ~AnnA~

Lexo me mirësi, me shpresë se do të përfitoni diçka nga kjo.
Telefoni celular - Kur'ani

A keni pyetur veten ndonjëherë se Çfarë do të ndodhte po ta bartnim në çantë apo në xhep?
Çfarë do të ndodhte po ta shfletonim disa herë në ditë?
Çfarë do të ndodhte po të ktheheshim për ta marrur në rast se e kishim harruar?
Çfarë do të ndodhte po ta shfrytëzonim për t'i marrur mesazhet nga teksti i tij?
Çfarë do të ndodhte po ta konsideronim sikur nuk mund te jetojm pa të?

Çfarë do të ndodhte po t'ia dhuronim fëmijëve si dhuratë?

Çfarë do të ndodhte po ta përdornim gjatë udhëtimit?
Çfarë do të ndodhte po ta përdornim në raste emergjente?
Kjo të bën të mendosh ....hmm..... ku është Kur'ani im?
Oh edhe një gjë.


Për dallim nga celularët nuk duhet të brengosemi se Kur'ani nuk do të ketë çasje

Të bën të ndalosh dhe mendosh ku janë prioritetet e mia? dhe nuk ka thirrje të refuzuar!

P.S Bën çfarë mendon se Zoti dëshiron të bësh...
Beso në Zot dhe gjithomonë thuaj lutje

Përshëndetje,
pyetje për ju Anna, (edhe për ata që ua thot mendja se dijnë nga këto gjëra):

Si duket një njeri i lumtur, i cili jeton në bazë të rregullave të Kuranit???
Si duket, dmth: si jeton, ku jeton, çka bën, si argëtohet, cili është kufiri i pasurisë së tij që mund të ketë në dispozicion personal, cili do të ishte fjalori i tij gjatë komunikimit,...
Le të kemi parasysh që tek feja dhe Zoti kemi të bëjmë me transcendentalen dhe me jetën e përbotshme, e cila s'para e bën dallimin në mes celularit dhe gomarit, të ferrarit me qerren e kalit...

A është përparimi shkencës dhe teknologjisë së njerëzimit, në koherencë me Kuranin? Apo, shkenca dhe teknologjia njerëzore janë zhvilluar në drejtim të kundërt me atë qe udhëzon Kurani???
A nuk ka mundësi që besimtari i mirëfilltë të bojkotojë shtetin sekularist, totalisht??? Për shembull një besimtar musliman në Izrael zbaton ligjet e shtetit hebre? Një besimtar musliman në Itali, zbaton ligjet e shtetit të krishterë!?
Ti, në të njëjtën shitore, në të njëjtin raft, zgjedh në mes të paketimit të njëjtë shkronjat ku shkruan "përmban mish derri" - "nuk përmban mish derri" (kaq është në realitet vija ndarëse, ose ajo që e dallon besimin tënd nga ai tjetri besim, që ti kurrsesi nuk bën ta zbatosh).

Në të vërtetë: Çka është sot në këtë botë 100% muslimane, dhe çka jomuslimane!
Ti e quan krenari dhe virtyt të muslimanit bartjen e Kuranit në celularin që është produkt i hebreut ose të krishterit! (a nuk është kjo tashmë një hipokrizi e llojit të vet???). Ti blen kompjuter, ose celular, dhe në këtë mënyrë ia shton pasurinë dhe jetën biznesit të një hebreu ose të krishteri. Ti e bën të fortë jobesimtarin, jomuslimanin!!!??? A nuk mund të jetosh pa këto lukse???

Mbi këtë bazë: Sa ia vlen ndarja??? Sa ia vlen të kemi dy nënforume fetare në një forum shqiptarësh??? (ku paqen mes tyre mezi arrijnë ta përmbajnë moderatorët dhe stafi )

A nuk është fyerje e rëndë dhe ofendim banal për një të rritur të shekullit 21, që dikush tjetër t'i tregojë atij se si ta trajtojë një libër të caktuar??? (shtrohet pyetja: sa libra i propozove ti në këtë forum për t'i bartë ose për t'i lexuar. Qofshin ata libra shqiptarë apo bestellerë botërorë? ...edhepse jam shum i bindur se në botë sot ka më shumë të krishterë dhe hebrej që e lexojnë Kuranin, sesa muslimanë... a e din pse: sepse askush nuk ua imponon, as nuk u thotë "lexoje se pastaj Zoti t'don ma shumë"... e lexojnë edhe, çuditërisht, vazhdojnë të jetojnë si të krishterë dhe të shkojnë në kishë... njësoj sikur me e pas lexu "Lahuten e Malcisë"...)

Feja dhe besimi shpirtëror nuk duhet të shndërrohen në produkte komerciale të reklamave banale... ("është fare e lehtë ta përdorësh... mund ta vendosësh e dhe në xhep... mund ta bartësh edhe në celularin tënd... blejeni... ju garantojmë se edhe Zoti juaj e dëshiron këtë nga ju...")

nejse:

Postimi origjinal është bërë nga ~AnnA~

Bën çfarë mendon se Zoti dëshiron të bësh...

pikërisht të njëjtën mendoj se e bëra edhe unë.