[lirik]

20 nëntor 2008

Çfarë ndodhi me shqiptarët në Auschvtz-at serbo-çetnike

- Nga Sejdi Veseli

Shqiptarët e internuar nga soldateska serbo-çetnike nepër auschvitz-at, anekënd Serbosllavisë dhe të IRJM-së, për të cilët edhe sot pas disa vjetësh nuk dihet gjë zyrtarisht, u torturuan deri në vdekje. Në kuadër të këtyre torturave vandale, sipas të gjitha gjasave ata iu ekspozuan për së gjalli edhe eksperimenteve nga neomengelat e medicinës ushtarake të ultrashovenizmit serbomadh.

Sipas të gjitha gjasave, nga neo-Jozef Mengelet serbo-çetnikë atyre u nxirrej gjaku, sikurse më parë kroatëve dhe bashnjakëve të internuar, me destinacion: plotësimin e nevojave emergjente të transfuzionit, nëpër spitalet serbe në përgjithësi dhe ato ushtarake në veçanti.Pesha e këtyre krimeve të mengelave serbo-çetnike ndaj të internuarëve kroatë, boshnjakë dhe shqiptarë, rritet në përmasa tronditëse, kur ballafaqohemi me dyshimin e bazuar, se sipas të gjitha gjasave, me organet vitale të këtyre robërve të luftës bëhej tregti shumë profitabile, me rrjetën kriminale të trafikantëve ndërkombëtarë me këtë "mall" të ndaluar.Çka është edhe më keq, me kapitalin financiar të fituar nga kjo tregti me organet edhe të shqiptarëve të interrnuar të të gjitha gjinive dhe moshave, kriminelët serbo-çetnikë siguronin armatime moderne për shfarosje në masë të shqiptarëve.

Dyshimin e bazuar, se vërtet ka ndodhur kështu e vërtetojnë shumë dëshmi, si p.sh. dorëzimi i të mbeturave të trupave të viktimave nga Serbia, vetëm pas putrifikimit dhe denatyralizimit të plotë të tyre ( kur u ka mbetur vetëm skeleti, edhe ai i gjymtuar). S'ka si mendohet ndryshe, me siguri ky marifet nga zyrtarët ultrashovenistë serbë, nuk bëhet nga mosdia e tyre, por përkundrazi, me qëllim të mbulimit të krimeve të tyre, të cilat u ushtruan ndaj viktimave nga neomengelat serboçetnike të drejtuara prej tyre. Por, është për t'u "çuditur" se nga ekspertët ndërkombëtarë në Morgun e Rahovecit, përveç zbulimit të identitetit të viktimave të riatdhesuara, në bazë të ADN-së, nuk bëhen hulumtime tjera.

Është për t'u "çuditur", si është e mundur që vartësit e "kremës" së drejtësisë ndërkombëtare, znj. Karla del Ponte, hetuesit e "paanshëm" ndërkombëtarë, sa dihet deri më sot nuk ndërmorën asnjë veprim, për të zbuluar mënyrën se si dhe nga kush u kidnapuan, internuan dhe torturuan deri në vdekje këto viktima shqiptare, pa dallim moshe dhe gjinie. Pra, kush ishin "SS"-ët, neogestapo-ja dhe neomengelat serboçetnike. Ndërsa janë aq të zellshëm, për zbulimin e "ekstremistëve" , "të dhunuesve të Rezolutës 1244" dhe të "armiqve" të Kosovës, kryesisht nga radhët e Famëmadhes Ushtria Çlirimtare e Kosovës.

Përkundër faktit se këta hetues, sidomos ata të mjekësisë ligjore, të cilët vijnë nga vende demokratike dhe nën petkun e "miqve" të "paanshëm", me veprimet e tyre, duhet të konstatohet me keqardhje, se janë dorë e zgjatur për të mbuluar dhe amortizuar krimet fashizoide të cilat u bënë ndaj popullatës civile shqiptare, në formë të organizuar nga Beogradi zyrtar, i drejtuar dje nga Millosheviqi, sot nga bashkëmendimtarët besnikë të tij.

Thënë me sinqeritetin më të madh, përderisa vazhdohet me këto sjellje të segmenteve përgjegjëse, me pa të drejtë i bëhet një shërbim shumë i keq edhe popullit serb, sepse përderisa nuk ndahet farmaku prej sheqerit, populli serb nuk mund të lirohet nga përgjegjësia kolektive për gjenocidin e ushtruar ndaj fqinjëve të tyre të pafajshëm shqiptarë. Me zbulimin e urdhërdhënësve dhe kryerësve të këtyre krimeve ndaj shqiptarëve dhe nxjerrjen e tyre para drejtësisë, atëherë populli serb do të lirohej nga kjo përgjegjësi e rëndë kolektive. Përveç tjerash, zbulimi dhe nxjerrja para drejtësisë të "SS"-ve, neogestapovcave dhe neomengelave serbo-çetnik, do të krijoheshin premisat fillestare për ndërtimin e një paqeje dhe stabiliteti të qëndrushëm edhe në Ballkanin tonë, të lodhur nga armiqësitë konfliktuoze.Por, sa u pa deri sot, disa segmente ndërkombëtare të instaluara në Kosovë, në kuadër të UNMIK-ut, KFOR-it dhe OSBE-së, sikur nuk janë të interesuar për ndryshime kualitative. Këtë e dëshmojnë me sjelljet dhe veprimet dyfytyrëshe, në vend se të ndërmarrin veprime konkrete për shërimin e plagëve të vjetra dhe të reja, me të cilat është lodhur Ballkani, ata shërbehen me terapi e cila ndikon në përkeqësimin e këtyre varrëve, të cilat janë shumë të rrezikshme jo vetëm për regjionin, por edhe për Evropën Plakë në tërësi.

Nuk mund të kuptohet ndryshe, se sjellja e këtyre hetuesve është pjesë përbërëse e neglizhencës së UNMIK-ut dhe të subjekteve më relevante ndërkombëtare në raport me fatin e shqiptarëve të kidnapuar, internuar dhe të zhdukur.


e solla ktu edhe nje shkrim te sejdi veselit