[premium]

Profeti Muhammed s.a.v.s ashtu si edhe Profetët tjerë Hyjnor, posedonte disa mrekulli. Mrekullia e tij më e madhe dhe kryesore ishte Kur'ani famëlartë ku jo besimtarët nuk mundën që të sjellin as një ajet të vetëm si ajetet e Kur'anit. Por, idhujtarët duke vazhduar me pretekstet e tyre të kota, çdo ditë Profetit i kërkonin që atyre tu sjellë mrekulli të reja të cilat i dëshironin vet ata. Kurse Profeti në përgjigje u thoshte: Mrekullitë janë në dorën e Zotit e jo timen dhe sa herë që Zoti të dojë dërgon mrekulli, kurse atë që ju kërkoni nuk është gjë tjetër përveç një pretekst. Nuk duhet të harrojmë se kërkesat e idhujtarëve ishin shumë të palogjikshme dhe ashtu siç u përmend në ajetet e mëparshme, ata në një vend i kërkuan Profetit që të sjellë një Kur'an tjetër, të fluturojë në qiell apo të ketë një pallat prej ari.