Dardania.de - Shiko Postimin Tek - Tragjedi- 15 Kosovare Mendohen Te Vdekur Ne Lumin TISA

panta_rhei · 30-10-09, 13:23

Mbytja e ndjenjës njerëzore
Institucionet shtetërore nuk e bëjnë as hapin më të vogël të mundshëm, që disi do ta “pastronte” edhe “ndërgjegjen” e tyre: shpalljen e një Ditë Zie për këtë Tragjedi. As këtë nuk e bëjnë. Dreqi e marrtë, as këtë nuk e bëjnë!

Nga Pressing - Të Tjerë më 30.10.2009 në ora 12:59
Arben Idrizi

Fjalët që do t’i them në tërësi në këtë tekst do të mund të duken si fjalët parimisht të fundit që dikush i thotë në fillim. Dhe kësodore duket tepër skandaloz, për të mos thënë idiot. Por, kjo i ndodh, siç besoj se do ta kuptojmë në vijim, sidomos dikujt si unë që i është kallur pylli i mendjes. Dhe kur të kallet pylli i mendjes, do të thotë se je i skandalizuar nga Diçka që ka ndodhur – andaj fjalët e fundit i thua të parat.

E unë, përtej dhimbjes njerëzore, jam i skandalizuar nga qëndrimi i autoriteteve përballë Tragjedisë në lumin Tisa, në kufirin mes Serbisë dhe Hungarisë. Ndërkohë, e tërë kjo që e them në veten e parë, është ndoshta krejt e parëndësishme në krahasim me atë dhimbje dhe humbje që kanë pësuar familjarët e viktimave të lumit Tisa. Ashtu siç në fund Humbjen e Madhe e kanë pësuar vetë viktimat.

Jam i skandalizuar, sepse – me gjithë skepticizmin e bekuar që kam fituar tashmë nga njohjet dhe përvojat e mia solide në këtë vend të shkretë – s’po mund ta besoj se Autoritetit shtetëror në tërësinë e tij institucionale nuk i bën përshtypje as si ndodhi mediale kjo Tragjedi, ku kanë humbur jetën Nëntëmbëdhjetë (19) Qenie Njerëzore.

Jam i skandalizuar, sepse Autoriteti (më konkretisht, dy partitë në koalicion që e drejtojnë Qeverinë, PDK dhe LDK) janë zhytur këmbë e krye në kënetën e dasmës së tyre të fushatës zgjedhore dhe nga aty nuk kanë si t’i dëgjojnë klithmat dhe vajet e të mbyturve në lumin Tisa.

Jam i skandalizuar, sepse në të njëjtën baltë është zhytur edhe opozita, natyrisht, dhe, për qëllime aq perverse, në përfundim të këngës së tyre të fëlliqur folklorike, ngrenë zërin gjoja të dhimbjes duke e akuzuar Pushtetin që s’po bën gjë në lidhje me këtë, duke “harruar” ndërkohë se vetë ishin dikur Pushteti dhe s’bënin gjë e nesër ndoshta do të jenë prapë Pushteti e prapë s’do të bëjnë gjë. Përveç se, si Pushteti i tanishëm, do të jenë neglizhentë a indiferentë ndaj mundësive dhe gjasave krejtësisht të hapura që të ndodhin edhe më tej tragjedi të tilla, ose bile edhe të përzier në to.

Jam i skandalizuar, sepse hetuesve kosovarë, të shoqëruar nga prokurori i EULEX’it, u ka mjaftuar një ditë qëndrim në Hungari për t’i mbledhur “materialet e nevojshme” dhe për ta zbardhur rastin, mirëpo e tëra është konfidenciale.

Jam i skandalizuar, sepse Kuvendi i Kosovës nuk e sheh të arsyeshme të debatojë për tragjedinë para zgjedhjeve të 15 nëntorit. Gjë që, ndër të tjera, do të thotë: e kush mërzitet që paskan humbur jetën Nëntëmbëdhjetë Qenie Njerëzore, qytetarë të panumërueshëm të vendit tonë (që edhe ashtu nuk do të votonin), kur kemi me qindra-mijëra të tjerë shëndoshë e mirë këndej pari dhe të cilët i kemi futur tashmë në vallen tonë të zgjedhjeve!

Jam i skandalizuar, sepse njëri prej anëtarëve të Kryesisë së Kuvendit deklaron për media se “nuk janë për atë që kjo çështje të debatohet gjatë fushatës për shkak të implikimeve që mund të ketë ky rast edhe në proceset e Kosovës drejt liberalizimit të vizave”. Pra, ç’analizë t’i bëjmë kësaj deklarate? Gjuhësore, psikanalitike? Gjuhësisht, të mjaftohesh që një Tragjedi ta quash “çështje”, është më tepër se eufemizëm. Do të mund të thoshim se është një shndërrim për fare i domethënies së termit. Eliminim i së vërtetës që përmban dhe tenton të manifestojë ai term. Ndërsa, në analizë të dytë, duke kërkuar ndjesë për diletantizmin tim psikanalitik, do të mjaftohem të them se ta quash “çështje” (abstrakte) një Tragjedi (konkrete) është skizofreni.

Pastaj: çka nënkuptohet me “implikim në procesin e liberalizmit të vizave”? A nuk është pikërisht kjo politikë në tërësi dhe ky Pushtet, përtej politikës së BE’së, ai që nuk po tregohet i zoti t’i plotësojë disa nga kushtet themelore që do ta mundësonin liberalizimin e vizave? A nuk është pikërisht për shkak të atyre vizave që ata 19 vetë kanë humbur jetën? Liberalizimi i vizave u arritka duke injoruar dhe harruar Tragjedinë që e shkaktoi mungesa dhe pamundësia e marrjes legale të vizave? Liberalizmi ndodhka duke e lënë ligjin të pafuqishëm përballë rrjeteve kriminale të trafikimit të qenieve njerëzore?

Jam i skandalizuar, sepse po e kuptoj atë që e kam kuptuar tashmë: vdekjen tragjike të një qenieje njerëzore nuk e regjistrojnë as në shpirtin as në mendjen e tyre (n’i paçin!). Ashtu siç nuk kanë pikë respekti, dashurie, nderimi fillimisht për Qenien Njerëzore, (bashkë)qytetarin e tyre.

Jam i skandalizuar, sepse atë Tragjedi e ka shkaktuar edhe vetë shoqëria jonë, me në krye Pushtetin. Për arsye shumë të thjeshta dhe të qarta: për arsye të mjerimit ekonomik në të cilin vazhdojmë të vdesim për çdo ditë nga pak; për arsye të mossuksesit të Pushtetit për ta luftuar trafikimin e qenieve njerëzore; për arsye të zhgënjimit qytetar që vjen si pasojë e mosperspektivës në këtë vend të humbur; për arsye të mashtrimeve, korrupsionit, keqpërdorimeve, burokracisë dhe injorancës që e identifikojnë politikën, përkatësisht Pushtetin.

Jam i skandalizuar, sepse këto institucione shtetërore që na përfaqësojnë nuk e bëjnë as hapin më të vogël të mundshëm, që disi do ta “pastronte” edhe “ndërgjegjen” e tyre: pra, ta shpallin një Ditë Zie për këtë Tragjedi. As këtë nuk e bëjnë. Dreqi e marrtë, as këtë nuk e bëjnë! Sepse një Ditë Zie për njerëzit tonë të humbur do t’ua prishte imazhin e lumturisë së tyre egoiste e perverse të fushatës zgjedhore dhe etjes (instinktit) për Pushtet.
Jam i skandalizuar, sepse për herë të parë e pashë Pushtetin të jetë i sinqertë: meqë në esencë nuk shqetësohet aspak për këtë Tragjedi, as që e përmendë. Tregon qartë se s’dëshiron t’ia dijë për të. Kurrë më s’do ta shoh kaq të sinqertë, pa maskë, me surratin e tij të vërtetë.

Jam i skandalizuar, sepse (na) i kanë përdhosur edhe vlerat më elementare njerëzore të të qenit në këtë vend, në këtë kohë. Dhe kjo përdhosje do të trashëgohet.

Jam i skandalizuar, sepse (na) e kanë neveritur ekzistencën.

Jam i skandalizuar, sepse nuk shoh as dritën më të mekët të optimizmit për të mos e ngrehur edhe gishtin e mesëm tok me zërin.

30-10-09, 13:23	#80
panta_rhei Anëtarësuar: 16-03-06 Postime: 3,153	Titulli: Tragjedi- 15 Kosovare Mendohen Te Vdekur Ne Lumin TISA Mbytja e ndjenjës njerëzore Institucionet shtetërore nuk e bëjnë as hapin më të vogël të mundshëm, që disi do ta “pastronte” edhe “ndërgjegjen” e tyre: shpalljen e një Ditë Zie për këtë Tragjedi. As këtë nuk e bëjnë. Dreqi e marrtë, as këtë nuk e bëjnë! Nga Pressing - Të Tjerë më 30.10.2009 në ora 12:59 Arben Idrizi Fjalët që do t’i them në tërësi në këtë tekst do të mund të duken si fjalët parimisht të fundit që dikush i thotë në fillim. Dhe kësodore duket tepër skandaloz, për të mos thënë idiot. Por, kjo i ndodh, siç besoj se do ta kuptojmë në vijim, sidomos dikujt si unë që i është kallur pylli i mendjes. Dhe kur të kallet pylli i mendjes, do të thotë se je i skandalizuar nga Diçka që ka ndodhur – andaj fjalët e fundit i thua të parat. E unë, përtej dhimbjes njerëzore, jam i skandalizuar nga qëndrimi i autoriteteve përballë Tragjedisë në lumin Tisa, në kufirin mes Serbisë dhe Hungarisë. Ndërkohë, e tërë kjo që e them në veten e parë, është ndoshta krejt e parëndësishme në krahasim me atë dhimbje dhe humbje që kanë pësuar familjarët e viktimave të lumit Tisa. Ashtu siç në fund Humbjen e Madhe e kanë pësuar vetë viktimat. Jam i skandalizuar, sepse – me gjithë skepticizmin e bekuar që kam fituar tashmë nga njohjet dhe përvojat e mia solide në këtë vend të shkretë – s’po mund ta besoj se Autoritetit shtetëror në tërësinë e tij institucionale nuk i bën përshtypje as si ndodhi mediale kjo Tragjedi, ku kanë humbur jetën Nëntëmbëdhjetë (19) Qenie Njerëzore. Jam i skandalizuar, sepse Autoriteti (më konkretisht, dy partitë në koalicion që e drejtojnë Qeverinë, PDK dhe LDK) janë zhytur këmbë e krye në kënetën e dasmës së tyre të fushatës zgjedhore dhe nga aty nuk kanë si t’i dëgjojnë klithmat dhe vajet e të mbyturve në lumin Tisa. Jam i skandalizuar, sepse në të njëjtën baltë është zhytur edhe opozita, natyrisht, dhe, për qëllime aq perverse, në përfundim të këngës së tyre të fëlliqur folklorike, ngrenë zërin gjoja të dhimbjes duke e akuzuar Pushtetin që s’po bën gjë në lidhje me këtë, duke “harruar” ndërkohë se vetë ishin dikur Pushteti dhe s’bënin gjë e nesër ndoshta do të jenë prapë Pushteti e prapë s’do të bëjnë gjë. Përveç se, si Pushteti i tanishëm, do të jenë neglizhentë a indiferentë ndaj mundësive dhe gjasave krejtësisht të hapura që të ndodhin edhe më tej tragjedi të tilla, ose bile edhe të përzier në to. Jam i skandalizuar, sepse hetuesve kosovarë, të shoqëruar nga prokurori i EULEX’it, u ka mjaftuar një ditë qëndrim në Hungari për t’i mbledhur “materialet e nevojshme” dhe për ta zbardhur rastin, mirëpo e tëra është konfidenciale. Jam i skandalizuar, sepse Kuvendi i Kosovës nuk e sheh të arsyeshme të debatojë për tragjedinë para zgjedhjeve të 15 nëntorit. Gjë që, ndër të tjera, do të thotë: e kush mërzitet që paskan humbur jetën Nëntëmbëdhjetë Qenie Njerëzore, qytetarë të panumërueshëm të vendit tonë (që edhe ashtu nuk do të votonin), kur kemi me qindra-mijëra të tjerë shëndoshë e mirë këndej pari dhe të cilët i kemi futur tashmë në vallen tonë të zgjedhjeve! Jam i skandalizuar, sepse njëri prej anëtarëve të Kryesisë së Kuvendit deklaron për media se “nuk janë për atë që kjo çështje të debatohet gjatë fushatës për shkak të implikimeve që mund të ketë ky rast edhe në proceset e Kosovës drejt liberalizimit të vizave”. Pra, ç’analizë t’i bëjmë kësaj deklarate? Gjuhësore, psikanalitike? Gjuhësisht, të mjaftohesh që një Tragjedi ta quash “çështje”, është më tepër se eufemizëm. Do të mund të thoshim se është një shndërrim për fare i domethënies së termit. Eliminim i së vërtetës që përmban dhe tenton të manifestojë ai term. Ndërsa, në analizë të dytë, duke kërkuar ndjesë për diletantizmin tim psikanalitik, do të mjaftohem të them se ta quash “çështje” (abstrakte) një Tragjedi (konkrete) është skizofreni. Pastaj: çka nënkuptohet me “implikim në procesin e liberalizmit të vizave”? A nuk është pikërisht kjo politikë në tërësi dhe ky Pushtet, përtej politikës së BE’së, ai që nuk po tregohet i zoti t’i plotësojë disa nga kushtet themelore që do ta mundësonin liberalizimin e vizave? A nuk është pikërisht për shkak të atyre vizave që ata 19 vetë kanë humbur jetën? Liberalizimi i vizave u arritka duke injoruar dhe harruar Tragjedinë që e shkaktoi mungesa dhe pamundësia e marrjes legale të vizave? Liberalizmi ndodhka duke e lënë ligjin të pafuqishëm përballë rrjeteve kriminale të trafikimit të qenieve njerëzore? Jam i skandalizuar, sepse po e kuptoj atë që e kam kuptuar tashmë: vdekjen tragjike të një qenieje njerëzore nuk e regjistrojnë as në shpirtin as në mendjen e tyre (n’i paçin!). Ashtu siç nuk kanë pikë respekti, dashurie, nderimi fillimisht për Qenien Njerëzore, (bashkë)qytetarin e tyre. Jam i skandalizuar, sepse atë Tragjedi e ka shkaktuar edhe vetë shoqëria jonë, me në krye Pushtetin. Për arsye shumë të thjeshta dhe të qarta: për arsye të mjerimit ekonomik në të cilin vazhdojmë të vdesim për çdo ditë nga pak; për arsye të mossuksesit të Pushtetit për ta luftuar trafikimin e qenieve njerëzore; për arsye të zhgënjimit qytetar që vjen si pasojë e mosperspektivës në këtë vend të humbur; për arsye të mashtrimeve, korrupsionit, keqpërdorimeve, burokracisë dhe injorancës që e identifikojnë politikën, përkatësisht Pushtetin. Jam i skandalizuar, sepse këto institucione shtetërore që na përfaqësojnë nuk e bëjnë as hapin më të vogël të mundshëm, që disi do ta “pastronte” edhe “ndërgjegjen” e tyre: pra, ta shpallin një Ditë Zie për këtë Tragjedi. As këtë nuk e bëjnë. Dreqi e marrtë, as këtë nuk e bëjnë! Sepse një Ditë Zie për njerëzit tonë të humbur do t’ua prishte imazhin e lumturisë së tyre egoiste e perverse të fushatës zgjedhore dhe etjes (instinktit) për Pushtet. Jam i skandalizuar, sepse për herë të parë e pashë Pushtetin të jetë i sinqertë: meqë në esencë nuk shqetësohet aspak për këtë Tragjedi, as që e përmendë. Tregon qartë se s’dëshiron t’ia dijë për të. Kurrë më s’do ta shoh kaq të sinqertë, pa maskë, me surratin e tij të vërtetë. Jam i skandalizuar, sepse (na) i kanë përdhosur edhe vlerat më elementare njerëzore të të qenit në këtë vend, në këtë kohë. Dhe kjo përdhosje do të trashëgohet. Jam i skandalizuar, sepse (na) e kanë neveritur ekzistencën. Jam i skandalizuar, sepse nuk shoh as dritën më të mekët të optimizmit për të mos e ngrehur edhe gishtin e mesëm tok me zërin. __________________ O shpirti im, mos ëndërro për jetën e pavdekshme, por shterro fushën e së mundshmes.