[murrizi]

Pas Prishtinës, Java e Biznesit Kosovare ka vazhduar ne Prizren


Mbi 75 kompani prodhuese kosovare sot kanë ekspozuar prodhimet e tyre në Prizren, në kuadër të javës së Biznesit Kosovarë, e cila sivjet po mbahet nën patronatin e kryeministrit të Kosovës, Hashim Thaçi....
Postuar: 15:51:40 / 03.11.2009
Në kuadër të Javës së Biznesit Kosovar, e cila sivjet po mbahet me moton “Unë konsumoj prodhime vendore”, karvani me prodhime kosovare, ditën e dytë të manifestimit, sot ka mbërritur në Prizren.

Prizreni ka patur dhe vazhdon ta ketë një eksperiencë shekullore në tregti dhe industri, tha me këtë rast kryetari i Aleancës Kosovare të Biznesit, Agim Shahini. Me qëllim që ky qytet të jetë qendër industriale në të ardhmen, ne duhet të ndihmojmë duke konsumuar prodhime vendore, ka thënë Shahini.

Edhe qytetarët tashmë e kanë kuptuar se konsumimi i prodhimeve vendore do ta ringjallë sadopak ekonominë e vendit.

Java e biznesit Kosovarë ka filluar më 2 nëntor në Prishtinë, ndërsa karvani me prodhimet vendore do të shëtisë deri më 18 nëntor nëpër 15 komuna të Kosovës.

Këtë vit ky aktivitet po mbahet nën patronatin e Kryeministrit të Kosovës, Hashim Thaçi.


Rtk.


P.s.
Duket se gjërat kan marrrë rrjedhën e duhur, dhe tonet e deridjeshme janë sinkronizuar.