[Idila]

Postimi origjinal është bërë nga panta_rhei

Kisha hipur në një dardhë. Në fakt, tip dardheje të egër. Janë të ashpëra, dardhat e egra. Kanë një dru që të zhvoshkë(zhveshë) lëkurën. Po rrija aty, në një si degë të këthyer korube, dhe isha mirë.
Kur papritur, afrohet një mace dhe më shikon nga poshtë. Më thotë: "Ç'po bën aty"? "Hiç", - i them, "po rri", qenka mirë". "Të vij dhe unë?" -vazhdon macja prapë. "Po mirë moj", - i them unë, "hajde". "Dëgjo", - më thotë, "mos m'a përmend miun sepse bëhem keq pastaj". "Po ti sapo e përmende vetë", - i them unë dhe i bëra një vend.
Kur pastaj, ç'të ju them?! Duke i bërë një vend diku, shoh që nuk jam më në dardhë por kam filluar një rënie të tmerrshme teposhtë. Shoh tokën që më afrohet, shoh dardhën që më largohet, shoh dhe sytë e tmerruar të maces që më thërriste: "Mooooooooooos"!!!
Pastaj, nuk di më. Di që zbarkova në një vend të bardhë, shumë të bardhë, gjithçka ishte e pastër, si dëborë, dhe një qetësi e madhe, tejet e thellë,. Aasgjë s'pipëtinte. "Me siguri, parajsa," -them me vete. Në fakt, isha i gëzuar. Jo të gjithë mund të shkojnë në parajsë. Megjithëse jo për faj të parajsës. Në këto mendime, shoh një gjë të bardhë që më afrohet, duke u zmadhuar derisa u bë pothuaj mbytëse. Dhe kam ndjerë një pickim të tmerrshëm.! "Vallë, të jetë kështu parajsa?" mendova dhe u dëshpërova shumë.
"Me shëndet", më tha gjëja e bardhë. Sapo më kishin bërë një injeksion. Gjendesha në spital.

Dhe si kalove me sfidën e kaluar, kush, kë sfidoi?