[4peace]

***

Ti me qëllim nuk don të kuptosh... normal, sepse nuk po të përshtatet ajo çka unë po aludoj.
A e din ti çka është sistemi, sepse këtu për sistemet po flasim e jo për dy tre injorantë të dashur. Unë i përmenda kriteret, dhe thashë se nëse pajtohemi të gjithë që si kriter për suksesin e një sistemi të konsiderohet mirëqenia dhe lumturia e qytetarëve, atëherë mund të thërrasim këtu disa nga modelet:
Hyn ti në Kosovë edhe pyete popullsinë se sa janë të kënaqur me kushtet dhe me ato që u ka ofruar shteti, nxirri rezultatet dhe mesataren, pjesën ku ankohen për papunësi, për varfëri të skajshme, për padrejtësi e korrupsion, për mungesë kushtesh elementare, infrastrukturë...

Hyn ti në Danimarkë, dhe bëje të njëjtin hulumtim...

...pastaj nxirr krahasimet

Bëje këtë edhe në të gjitha vendet e botës dhe do ta kesh "glass klar" të vërtetën e të mirave që u sjell njerëzve secili sistem qeverisës.

Si kriter duhet të merret plotësimi dhe përmbushja e kushteve që kërkojnë qytetarët nga shteti, pra plotësimi i kërkesave të tyre si komunitet.

Një person i vetëm mund të mos jetë i kënaqur edhe nëse ti e qon në parajsë. Por kjo nuk hyn tek kriteret për sistemet. Kriteri është mesatarja e përgjithshme e popullsisë së një vendi.

Meqë jemi në këtë temë, nxirre ti mesataren e përgjithshme të mirëqenies së qytetarëve në vendet ku sundon kuranokracia, pastaj bëji edhe krahasimet me ato ku sundon komunizmi dhe demokracia liberale... shih cilat përngjajnë më shumë me njëra tjetrën.

O ti njeri!

Unë nuk shërbehem me fjalor gazetarucas kosovarë e as me fjalor shkollash kosovare.
Dhe duhet ta dish se ka dhe fjalorë tjerë, për të cilët as ke dëgjuar ndonjëherë.
Sikur që duhet ta dish se unë nuk shërbehem me një burim të vetëm. Sikur që nuk shërbehem me një pikëvështrim a botëkuptim të vetëm, siç bën ti e pastaj nuk më kupton.

Unë i përmenda kriteret. Sipas cilave kritere është zgjedhur, ta zëmë, Norvegjia? Sipas kritereve perëndimore, kineze, indase, australiane, zelandeze, zimbabveze? Pra, sipas kritereve perëndimore. Kurse kriteret perëndimore nuk janë të vetmet që vlejnë. Nëse vlejnë për ty, ja që ka njerëz që nuk mbështeten në kriteret perëndimore si të vetmet.

Unë fola para ca kohe për preferencat e mija, të cilat i kishe kuotuar sot për me e nisë (dhezë) muhabetin. Aty thash se nuk më intereson etiketa/ambalazha. Nuk e thash kotnakoti atë.

Sistem demokratik nuk ka askund. Të gjitha vendet që quhen demokratike, në realitet, janë vende kapitaliste.

Sikur që nuk ka pasur as nuk ka sisteme komuniste, gjgjs socialiste. Ashtu si nuk ka as vende islame në kuptimin e plotë të fjalës „ISLAM“.

Mirëqenia sociale është në ato vende ku ka barazi sociale. Atje ku ka barazi sociale s’mund të quhet demokraci, gjgjs kapitalizëm por, të pëlqeu ty apo jo, kam ë shumë socializëm. Nëse e përkthejmë këtë në parti me orientime të djathta apo të majta, na del se aty ku sundojnë apo janë opozitë e madhe partitë e majta ka edhe më shumë socializëm. Pra, Norvegjia, Danimarka, Suedia…pastaj Franca, Gjermania…Kurse, në Amerikë (SHBA) kemi sistem me mbi 95% kapitalist. Atje, nëse je i ri, i shëndoshë…mund ta realizosh ëndërren amerikane („American dream“…prej pjatalarësit në milioner). Mirëpo, nëse të ndodhë e sëmuresh…vaj halli për ty!

Mirëqenie, megjithëse kriteret perëndimore, me të cilat po shërbehesh ti, nuk përfshihen në to ka edhe në Gadishullin Arabik. Ke shtet si Katari (p.sh.) ku 80% jetojnë e punojnë të huajt kundrej 20% popullsie vendase që vetëm rrijnë e bëjnë seri, sepse e kanë të siguruar jetën me cullë e me mullë…

E ke në Azi Nepalin ku sundon Monarku, për të cilin nuk flitet kurrë nëpër media, dhe bëhet jetë e mirë, e lumtur dhe pa fërkime…Mirëpo, nëse i marrim kriteret perëndimore, jeta e tyre s’ka vlerë.

Në Kinë ende është në krye të vendit Partia Komuniste, por Kina është duke ndryshuar shumë drejt mirëqenies.

Me rëndësi më të madhe është motivi (nijeti) i një udhëheqësie shteti se sa etiketa/ambalazhi. Nëse don t’i ndihmosh popullit, këtë mund ta bësh si demokrat, si komunist, si diktator, si monark… Nëse më me rëndësi është si quhesh (komunist, demokrat, monark a diktator) se sa ajo se çfarë bën, atëherë po ua lë juve të merreni me to. Sepse mua nuk më interesojnë fort.


***