[Shpati]

Postimi origjinal është bërë nga BACALOKU

Bashkëshortja e Abedin Rexhës ngre padi kundër deputetit Geci

Deputeti Geci tha se është i gatshëm të ballafaqohet me drejtësinë ndërkombëtare edhe në Hagë dhe shtoi se se e gjithë kjo tani është kundërpërgjigje e SHIK-ut ndaj CD-së që e zbuluar aid he deputeti Adem Salihaj..
Prishtinë 5 dhjetor  Sanie Rexha, bashkëshortja e Sabedin Regjës-Sandokani, ka ngritur padi penale pranë EULEX-it kundër deputetit të Lidhjes Demokratike të Dardanisë (LDD) Gani Geci, për vrasjen e bashkëshortit të saj Sabedin Regjës më 8 tetor të vitit 1998. E pyetur se pse nuk ka ngritur padinë deri më tash, Rexha ka thënë se ka pasur tjera qëllime, ndërsa ngritjen e padisë e ka bërë vetë dhe jo nën ndikimin e askujt. Për më tepër, Rexha ka pranuar se ka lidhje të afërt familjare me Gani Gecin, ndaj të cilit ka ngritur padinë për vrasjen e bashkëshortit të saj, andaj tash gjykata duhet të merret me këtë çështje. Duke mohuar të ketë pasur ndonjë konflikt të mëhershëm, Rexha ka thënë se sipas saj arsyeja e vetme e vrasjes së bashkëshortit të saj ka qenë se Gani Geci ka qenë kundër UÇK-së. Rexha ka kërkuar nga krerët e institucioneve të Kosovës, presidenti Fatmir Sejdiu, kryeministri Hashim Thaçi, kryeparlamentarit Jakup Krasniqi që ta zbardhin rastin këtë rast dhe të mos lejojnë, siç u shpreh ajo, që një kriminel të jetë pjesë e parlamentit të Kosovës. Reagim i vëllezërive Geci Ndaj akuzave të Sanije Rexhës,ka reaguar deputeti i Lidhjes Demokratike të Dardanisë,Gani Geci,i cili ka thënë se nuk e din nëse ai është vrasës i Abedin Rexhës ,pasi që në këtë konflikt ka pasur shumë persona të involvuar. Deputeti Geci tha se është i gatshëm të ballafaqohet me drejtësinë ndërkombëtare në Hagë nëse vërtetohet se ai e ka vrarë Abedin Rexhën. Geci tha se " e gjithë kjo tani është kundërpërgjigje e SHIK-ut ndaj CD-së që e zbulova". Në ndërkohë, në emër të familjes Geci nga Llausha e Skënderajt ka reaguar Halil Geci, vëllau i madh i vëllezërve Geci, ndaj një shkrimit të botuar një ditë më parë ngë gazetën “Infopress”. “Në kërkim të mbetjeve jugosllave matematika jone del ndryshe. Unë dhe familja ime e kemi pritur Serbinë dhe komunizmin me grykë të pushkës prandaj familjes tonë i janë vrarë nga serbi babë e babagjysh. Ndërkaq ju që tash shani familjen tonë, jeni “pjellë” e atij komunizmi që Amerikën time e quajtët imperializëm amerikan, kurse unë Amerikën e kisha Bibël. A i quani ju mbetje të Jugosllavisë ata që të parët ia kanë kthyer pushkën Jugosllavisë, apo i quani ata që amanetin e jugosllavëve po ia kryeni duke i vrarë figurat dhe shqiptarët e mëdhenj. A jeni ju ata që me veprimet tuaja ia keni zgjatur jetën dhunës dhe Jugosllavisë. A jeni ju ata që mbanit armët pa leje të Jugosllavisë si të besueshmit e shtetit. A jeni ju ata që ju dhe fëmijët kanë qenë të privilegjuarit e shtetit, ndërsa fëmijët tanë nuk kanë pasur mundësi dhe as të drejtë shkollimi e as punësimi.. E tash mos t’ju dhemb shumë pushka e Nazim Bllacës. Atë nuk e ka lënë ndërgjegjja të hesht, sepse varret i kanë mbetur prapa. Neve që na i kanë vrarë djemtë, natyrisht se do t’i kërkojmë a të jemi gjallë, sepse na i kanë vrarë në Kosovën e lirë. Dallimi i vrasjeve të pas luftës në Kosovën e lirë dhe në kohën e Rankoviqit dallon shumë. Aleksandër Rankoviqi na i merrte djemtë për një bisedë informative dhe i qitke te kufiri se gjoja po dëshirojnë me ik dhe me leshu Jugosllavinë, dhe i vriste. Ndërsa ju i vrisni në Kosovën e lirë, në dert ë shtëpisë para fëmijëve, grave të tyre. Dikujt i keni bërë atentat duke u kthye në shpi, dikujt duke shkuar në shkollë. Ne do ti kërkojmë djemtë. Na nuk i adresohemi askujt me emër, por Nazim Bllaca e ka treguar realitetin. Gani Geci dhe Adem Salihaj nuk kanë bërë asgjë tjetër vetëm se kanë treguar se është dikush me emrin Nazim Bllaca i cili thotë se ka vrarë njerëz. Nëse është e vërtet dëshmia e Nazim Bllacës ju e dini ku e keni vendin kurtha e krimit, thuhet në reagimin vëllezërve Geci nga Llausha e Skënderajt

Perfekt Vllezer Geci !
Vllau juaj esht fute ne UQK te vras Komandantin e saj.