[sefedin]

Struktura juridike e organeve financiare

Në dhjetor të vitit 1995 u mbajt Mbledhja e Pestë e Përgjithshme e Degës. Në mbledhje u zgjodh KP i Degës. Ky zgjodhi Kryesinë e tij. Aty u bë edhe organizimi dhe plotësimi i sektorit të veçantë me Azem Sylen që i kishte fituar votat për anëtar të Kryesisë dhe me Jashar Salihin që e zgjodhi Kryesia e KP të Degës së LPK-së si përgjegjës të Fondit. Edhe përgjegjësi financiar u ndryshua në mbledhje. Bashkim Mazreku ishte përgjegjës i tërë veprimtarisë financiare pa dallim nga fusha e financimit.
Tashmë në kuadër të organeve kishim t¨rë strukturën:

• Sektori financiar i LPK-së ishte organ udhëheqës dhe përgjegjës i tërë sistemit financiar.
• Këshilli Qendror i Fondit “Vendlindja Thërret” i dalë nga KP, i miratuar në MP të Pestë dhe duhej të raportonte tek përgjegjësit financiar i organizatës.
• Këshillat e financimit dhe këshillat të cilat vepronin në terren. (Vendimet e KP dhe të Kryesisë së LPK-së 1995)

Nxjerrja këtyre organeve u bë më vonë. Por, pikërisht plotësimi i këtyre sektorëve me njerëz të rinj nxori probleme. Tani kryetari i Fondit Jashar Salihu nuk raportonte tek përgjegjësi financiar. Jashar Salihu thoshte se sipas vendimit nuk i nënshtrohet Bashkim Mazrekut, por Këshillit të Përgjithshëm, as edhe të Kryesisë. Kjo gjendje nuk u pranua nga Bashkim Mazreku dhe ai dha dorëheqje të parevokueshme. Por, kjo nuk e zgjodhi çeshtjen në financë. Ne e futëm përseri Gafurr Elshanin në përgjegjës financiar. Por, Zoti Saliu as këtij nuk i dha raportim financiar dhe as Kryesisë. Për te nuk ekzistonin organet e Degës, sipas gjoja vendimeve. Por, vendim ishte mosdhënia e mjeteve financiare miratin të Kryesisë e cila duhej të vendoste për shumën dhe vendin ku shkonin. Këtë e shkelte kryetari i Fondit. Prandaj mos dhënia e përgjegjësive, në njërën anë dhe, në anën tjetër, dërgimi i mjeteve brenda vendit pa informim të organeve të organizatës, por vetëm nëpërmjet sektorit të veçantë e vuri Kryesinë në gjendje të rëndë.
Pse, kur në dokumentet e LPK-së thuhej:
“Kryesia e KP të LPK-së Dega jashtë vendit është organ politik, ekzekutiv, administrativ e udhëheqës i i Degës brenda dy mbledhjeve të KP të LPK-së. Para tij përgjegjën të gjitha subjektet që veprojnë në kuadër të Degës, pavarësisht veprimtarisë që kryejnë”. (Statusi i LPK-së dhe Rregullorja e Kryesisë dhe e KP të LPK-së)
Kjo bazë juridike detyronte çdo përgjegjës të jepte llogari para Kryesisë. Por, ai i përkrahur nga sektori i rëndësisë së veçantë deklaronte se nuk raportonte para Kryesisë, veç para KP, pasi ai ishte sektori i veçantë dhe kryetari i tij Xhavit Haliti duhej të raportonte në Kryesi. Ky ishte arsyetimi, ndonëse i padrejtë, sepse as në KP nuk raportohej plotësisht. Ndërsa, në Kryesi Xhavit Haliti, si kryetar nuk jepte raporte të qarta. Ai tregonte shumat që dërgoheshin në Kosovë, sipas regjistrit të vet, pa sjellë prova se kush konkretisht i ka pranuar mjetet. Megjitahtë, deri në prill të vitit 1997, u pranua në heshtje nga KP kjo formë e financimit, duke u mbështetur në vullnetin se edhe çështje do të rregullohej, nëse do të arrihej të ndërtohej një ushtri çlirimtare e shtetit.