[sefedin]

Cila ishte pyetja ime për Gani Gecin?

Për ata që do t’i lexojnë këta rreshta kam edhe një “borxh”, pasi e përmenda Gani Gecin. Sigurisht kanë dëshirë ta dinë se çfarë kam dashur ta pyes kur e kërkova në telefon, e nuk e mora dot. Thjeshtë, kam dashur ta pyes pse gjatë kohës sa fliste në Parlament iu drejtua Thaçit duke i thënë “Kryeministër, ti nuk je ai që ke urdhëruar, por bashkëpunëtorët tu kanë urdhëruar vrasje ... ”.


Edhe pse Ganiun nuk arrita ta marrë në telefon, më vonë mësova se: Me ftesë të Hashim Thaçit, nga numri i telefonit 049 771 766, më 19 nëntor 2009, me të vëllanë Nebih Gecin, në orën 17:00 e paska vizituar kryeministrin , në zyrën e tij.
Në paradhomën e zyrës i paska pritur Haradin Kuçi dhe derisa e paska kryer një takim Thaçi, Kuçi u paska ofruar çaj e kafe Ganiut dhe të vëllait. Pas pak, Thaçi e paska mbaruar takimin dhe i paska ftuar të hyjnë në zyrë. Pasi i paskan marrë çaja dhe kafe në dorë, Ganiu e paska ftuar edhe Haradin Kuçin t’i shoqërojë në zyrën e kryeministrit Thaçi, por ky nuk paska pranuar me arsyetimin se “këto tema janë të nxehta për mua”! Haradin Kuçi, si duket, nxehet veç në Zanzi Bar!

Pasi qenkan rehatuar në kolltukët e butë dhe pas evokimit të kujtimeve nga lufta, në bisedë e sipër, takimin që paskan pasur në fshatin Likofc, gjatë luftës, Thaçi e paska cilësuar si “një budallallëk” të tij, të rastit etj., sepse paska qenë në rrezik. Ganiu paska dashur të informohet se kush e kishte lëshuar komunikatën 57 e cila e ngarkonte Gani Gecin, por Thaçi iu paska përgjigjur: “Jam i gatshëm të bëj bé me 24 pleq se nuk di gjë lidhur me këtë komunikatë”, të cilën Ganiu e trajton edhe në librin e tij “Lufta pa maska”. Por, Thaçi i paska dhënë një informatë të çmuar. Në librin që e paska në dorëshkrim, e paska cilësuar Ganiun si luftëtar të ditëve të para dhe autor të sulmeve të para në Drenicë kundër forcave represive të Millosheviqit.

Në vazhdim, Thaçi e paska pyetur Ganiun “për temën e nxehtë”. Ganiu pasi i paska rrëfyer përmbajtjen e CD-s, i paska kërkuar një DVD për t’ia dëshmuar të gjitha faktet me një regjistrim filmik. Thaçi në mungesë të DVD-s, e paska e pyetur: “A jam unë aty”. Ganiu iu paska përgjigjur:
- Jo, por shumë nga shokët tu janë , e unë do t’i qes në Parlament”
Thaçi iu paska përgjigjur “Qiti e .... nanën me rend”!!!

Kah ora 19:30, takimin e paskan përfunduar dhe burimi bënë të ditur se tërë biseda, pa asnjë dyshim, nga të dy palët qenka regjistruar! Kështu e ka kur “pyka e rreh pykën”

Porosia ime:

Nëse doni të dini: Kush ishte Kadri Veseli, Azem Syla, Xhavit Haliti, Hashim Thaçi në të kaluarën, roli i tyre gjatë luftës etj, nuk do ta dini kurrë nëse nuk e lexoni librin e Muhamet Kelmendit “Pse nuk u ndërtua fronti i përbashkët për çlirimin e Kosovës”?


Dhe jo vetëm kaq!

· Nëse doni të kuptoni se kush i lëshonte komunikatat e UÇK-së nga Zvicra dhe Tirana (49 sosh) duhet ta lexoni librin në fjalë.


· Dhe jo vetëm kaq!

Nëse doni të dini se, kush kë e akuzonte dhe kush nga kush akuzohej për vrasjet e shqiptarëve gjatë luftës në Shqipëri (Mërgimi – Ilir Konushevci), duhet vërtetë ta lexoni librin në fjalë.


· Dhe jo vetëm kaq!

Nëse doni të dini kush i linte refugjatët nga Kosova në Tropojë pa bukë dhe kush i kthente vullnetarët e UÇK-së nga Kosova pa armatime të cilët shpesh, kur ktheheshin me duar thatë, binin në kufi në minat serbe, duhet sinqerisht ta lexoni librin në fjalë.


· Dhe jo vetëm kaq!

Nëse doni të dini se kush e kontrollonte Fondin “Vendlindja Thërret” e nuk i jepte askujt raport financiar, duhet ta lexoni librin në fjalë.
Dhe nëse doni të dini kush e ka emëruar zëdhënës të UCK-së Jakup Krasniqi e kush Adem Demaçin, patjetër duhet të lexoni librin në fjalë.

· Edhe më shumë se kaq!

Nëse doni t’i gjeni përgjigjet në pyetjet e juaja që ia keni bërë vetvetes dhe të tjerëve, lexoni librin në fjalë

Pra lexoni këtu http://etnik.wifeo.com