[premium]

Shkatërrimi i Perandorisë Osmane, si shtetit më të madh dhe më me ndikim në botën islame, bëri ndërrime historike në gjeografinë islame, posaçërisht në Lindjen e afërt dhe në pjesën e Gadishullit arabik. Deri në fund të shek. XX, shtetet nacionale të vendosura nga depërtimet e fuqive Evropiane, mbetën burim i tensioneve dhe të pakënaqësive regjionale. Bota islame, e cila kishte dhënë shumë për përparimin e civilizimeve të mëdha, filloi tërheqjen brenda saj. Myslimanët e Lindjes së afërm, si dhe të Afrikës veriore dhe Azisë jugore, nga sundimi kolonialist vuajtën dhe u shtypën shumë. Shumica e këtyre vendeve arritën ta fitojnë pavarësinë tek në gjysmën e dytë të shek. XX. Lufta për pavarësi në disa vende solli shumë gjakderdhje, si p.sh. ajo në Algjeri. Në këtë shtet vdiqën miliona njerëz të pafajshëm, kurse nga pasojat e ndjekjeve torturave dhe mundimeve që ushtroheshin ndaj tyre, një numër i konsiderueshëm i njerëzve mbetën invalid të përjetshëm. Edhe pas arritjes së pavarësisë dhe tërheqjes së forcave kolonialiste, në ato vende nuk u vendos paqja dhe liria. Shkurt, pjesa e madhe e botës islame në shek. XX jetoi duke toleruar luftëra, konflikte, varfëri, dhe pikëllime e mjerime. Ndërkaq që duhet ditur se bota islame nuk ishte çdoherë kështu.
Historia, në XIV shekujt e fundit në tërësi, zbulon një fotografi tjetër: përparimi më i ndritshëm i kulturës dhe shkencës njerëzore u mundësua falë paraqitjes së islamit. Në kohën kur Evropa ishte në errësirë të plotë, myslimanët ishin ata që në rruzullin tokësor vendosën një civilizim të pabesueshëm, ndërsa morali islam ndriçonte botën.

"Lexo, me emrin e Zotit tënd, i cili krijoi. Krijoi njeriun prej një gjaku të ngjizur. Lexo! Se Zoti yt është më bujari! Ai që e mësoi të shkruaj me pendë…" (El Alak,1-4).

Feja islame, të cilin ne sot e njohim, lindi para 14 shekujve në Gadishullin arabik, të Azisë jug-perëndimore. Zbulimi i fundit i librit të shenjtë Kuranit nga Allahu xh. sh. të Dërguarit të Zotit Muhamedit a. s. qoftë Allahu i lumtur me te, pjesë përbërëse e së cilës është morali islam, bëri që njerëzit e pakulturuar, të padijshëm dhe të dhunshëm të këtij regjioni, të mësojnë për mirëkuptim, paqe kulturë dhe civilizim. Në fillim të shekullit VII, Arabia ishte njëra nga vendet më kaotike në botë. Në këto territore jetonin shumë fise, nga të cilat secila për veti kishte nga një idhuj të cilin e adhuronin. Ata i shpallnin luftë njëra tjetrës, derdhën shumë gjak, dhe shkuan aq larg me krime sa që i mbytnin edhe fëmijët e vet, e tërë kjo ndodhte për shkak të idhujtarisë dhe besimeve të shtrembëruara. Mënyra e besimit të tyre nënkuptonte barbarizëm, urrejtje, dhe dhunë, në vend të dashurisë, mëshirës dhe mirësisë. Femrat i konsideronin qenie për të kënaqur epshet seksuale, kurse të varfëritë dhe robërit shfrytëzoheshin në mënyrë më mizore.