[Legend]

Adelina të flet me çiltërsinë e një adoloshenteje, kur përmend emra apo histori mes njerëzish, nis dhe i imiton më mirë se një aktore komike. Biseda jonë ndërpritet 10-tra herë nga tema të tjera jashtë temës kryesore dhe ajo mund të flasë pafund. Nuk është bukuroshja e zakonshme dhe naive. Aspak, madje ka të sjellurin tipik të dikujt që i është dashur të luftojë më shumë me intelektin në mungesë të pamjes. Vetëm se ajo i ka të dyja, dhe të ndërthurura aq perfekt. " Nuk vetë-kënaqem kurrë me faktin se jam këngëtare dhe mjafton të kem para të blej atë apo këtë gjë. Dua të mësoj. Përshembull një herë u fiksova me të gjitha librat që shpjegonin psikologjinë e masave, sepse doja të dija se kujt po i këndoja, të kuptoja turmën që kisha përpara meje. Kam mësuar shumë edhe nga udhëtimet në botë apo nga vizitat në muze. Vetë-edukohesha për etiketën, si të haja, si të qëndroja drejt, si të sillesha në situata të ndryshme". Çfarë dukej një përpjekje e sinqertë drejt perfeksionimit shpirtëror, në sytë e mediave dhe njerëzve të tjerë, ishte një tentativë për t'u sjellë si divë. "Nuk mund t'ua shpjegoja atyre që kisha përballë se të rrish drejt kur ha, nuk është mendjemadhësi por sepse ushqimi tretet më mirë. Ndodhte që kompleksohesha aq shumë sa më vinte turp të ndaja njohuritë e mia, apo eksperiencat e mia nga udhëtime në pë r botë me të tjerë që nuk më kuptonin. Ndaj shumë gjëra i bëja në shtëpi.” Dhe të mendosh që femra më e guximshme e show -bizit vetëm dy vitet e fundit e kuptoi se gjithçka çfarë kishte bërë në jetë nuk kishte qenë gabim. " Kam pasur luhatje të vetë-besimit. Në një periudhë , pas vitit 2000, fillova t'i them vetes,-Ndoshta ata kanë të drejtë , ndoshta kjo që po bëj është gabim, dhe unë duhet të primitivizohem si ta. Më vjen turp për disa videoklipe e veshje, madje aq shumë u bëra konservatore, sa vetë familja nisi të tallej me mua e të më quante "parahistorikja e shtëpisë”. Ata që e kritikonin ishin ata me kujtesë të shkurtër apo injorantë ndaj karrierës së saj. Siç ndodhi gjatë performancës tek “Kë nga Magjike 2009”. Veshja me body, geta dhe çizme mbi gju, nuk përbënte asnjë çudi për ata që e kanë parë edhe kur ka dalë me zhartierë disa vite më parë, por aq më tepër, kur ka dalë me të brendshme në 1996-ën në Festivalin e Fundvitit. Pavarësisht kësaj, ajo u quajt si “kopjace” e stilit të Lady Gagws. "U jap të drejtë të kritikojnë perfomancën. Unë koncerteve u përkushtohem shumë, madje edhe një koncerti në fshat të Kosovës, por ardhja ime në Shqipëri u vendos shumë shpejt dhe nuk isha e përgatitur. Por nuk u jap të drejtë të më krahasojnë me dikë tjetër që fatmirësisht për hir të së vërtetës, ka dalë në skenë shumë më vonë se mua." Ajo qesh, ashtu sicc qeshte të nesërmen e Këngës Magjike, kur Arditi shprehej me habi se si një artiste e vërtetë si Adelina, mund të votohej ose me pikë maksimale ose me 0 nga kolegët. Një analogji me jetën e saj. “E kam kuptuar që në momentin e parë kur hyra në show-biz se nuk doja të isha një këngëtare e zakonshme. Dua të mos harrohem. Nuk dua të jem mesatare, do të bëj atë që kam dëshirë dhe njerëzit ose e urrejnë ose e pëlqejnë jashtë mase”. Por pëlqimi duket se është më i madh. Nëse heqim ata 5-6 gazetarë që e përndjekin, sepse me Adelinën bëhet lajm dhe shiten gazeta, mijëra të tjerë e duan. Sot ajo është artistja më e paguar shqiptare, publiku i saj ka pasur raste që ka arritur në 15.000 vetë. Ndërsa në festën me rastin e Pavarësisë së Kosovës, ekzaltimi dhe brohoritjet disa-minutëshe të qindra-mijëra njerëzve në shesh kur ajo u ngjit në skenë, e bën të qajë dhe të kuptoj se pavarësisht dhjetëra këngëtarëve që kanë dalë pas saj, pavarësisht sulmeve të medias, ajo nuk i kishte humbur fansat. “Them se e kam merituar suksesin. Punoj shumë , punoj tej mase për të bërë një show të vërtetë. Përpara disa kohësh, në një koncert bëra 10 performanca të ndryshme. Dua të performoj flamengo, bëj kurs, dua të bëj një pjesë me belly-dancing, marr mësime për muaj të tërë , madje edhe për vallen shqiptare bëj prova. Çdo gjë e mendoj deri në detaje”. Me 11 albume në CV-në e saj, me koncerte të rezervuara deri në 2011-ën, dhe me numrin më të madh të klikimeve në internet nga artistët shqiptarë (rreth 3 milionë), Adelina në çdo moment të tërhiqet nga vëmendja, sepse tashmë e ka të vulosur emrin e saj ndër emrat protagonistë të historisë së Kosovës. “Por ajo nuk është gati: “Kam edhe pak punë këtu, dhe kur të tërhiqem do të krijoj familjen time. Dua shumë fëmijë ” A thua të jetë ajo një ditë nëna normale me këmishë Burberry dhe këpucë të sheshta Tod’s? E ç’rëndësi ka kjo? Edhe kështu siç është, do tw ishte një ideale. Për çdo mbrëmje do të kishte gati nga një rrëfim, për një vajzë të bukur dhe të guximshme, që jo vetëm e provoi por e jetoi lirinë, kohë përpara se të çliroheshim të gjithë ne. Dhe "ndoshta vetëm atëherë do t’i përsëritej ndjesia që provoi gjatë photo-shoot-it" Mes atyre që nuk më duan dhe më paragjykojnë, gjithmonë do të jetë dikush që më pranon dhe më shtyn t’i qëndroj besnike Adelinës.”