[Fshatari]

Postimi origjinal është bërë nga bert

Raporti i DASH për Kosovën, Dell: Luftoni korrupsionin


PRISHTINË- Ambasadori amerikan në Prishtinë, Kristofer Dell, ka kërkuar që korrupsioni të luftohet nga kosovarët dhe të mos pritet gjithçka nga ndërkombëtarët. Komentet e Dellit vijnë pak ditë pas kritikave që iu bënë institucioneve nga Departamenti Amerikan i Shtetit.
“Shoqëria juaj ende shikon kah bashkësia ndërkombëtare për të kërkuar drejtësi. Duhet të jetë Përfaqësuesi Civil Ndërkombëtar, Kuinti apo trupa tjerë ndërkombëtarë ata që kërkojnë që Qeveria juaj t’i mbajë përgjegjës zyrtarët e saj”.

“Kjo s’do të shkojë gjatë. Nëse ju vareni në ne, që ne të bëjmë atë thirrje - kjo nuk do të jetë e shëndetshme për Kosovën. Kjo është shenjë e moszhvillimit. Kjo thirrje duhet të vijë nga brenda, nga njerëzit”, ka thënë Dell.

Ambasadori amerikan ka përçuar mesazhin se askush nuk duhet të jetë mbi ligjin. Ai ka theksuar se sundimi i ligjit duhet t’iu mundësojë qytetarëve qasjen në drejtësi dhe është shenjë se ku është Kosova dhe ku duhet të shkojë.
“Një nga gjërat që ne kemi mësuar për më se 200 vjet është se nuk mund ta luftoni korrupsionin, nuk mund t’ua kufizoni pushtetin atyre që mbajnë poste qeveritare nëse themelet e institucioneve tuaja, të shoqërisë suaj, nuk janë të fuqishme dhe nëse nuk balancojnë njëra-tjetrën”.

Ai ka kërkuar një bashkëpunim më të ngushtë mes hallkave të gjyqësorit, në mënyrë që besimi i qytetarëve në këtë sistem të rritet.
“Nëse njerëzit shikojnë përreth dhe nuk shohin se liderët e tyre po japin përgjegjësi, nëse e shohin se s’mund të kenë qasje në drejtësi, në gjykata, ata shumë shpejt do të humbasin besimin në proces dhe do të ndalen së kërkuari drejtësinë dhe ju do të hyni në një spirale të korrupsionit dhe abuzimit me pushtetin”, është shprehur Dell.

Qe ku ndodhet ilaçi:
Sa e kuptova une, gjykatesit e Karolines veriore do te perqendrohen ne problemet e pazgjidhura te Kosoves veriore:te gjitha problemet e shoshitura nga ambasadori amerikan e kane burimin ne kete pjese te patjetersueshme te Republikes se Kosoves.
Eshte fakt se qytetaret e Republikes kosovare nuk kane pasur qasje ne drejtesi.Eshte rast jashtzakonisht i volitshem qe çdo qytetar i ketij shteti qe ndihet si viktime, te ngre padi, individualisht, kuptohet.
Psh, ftoj te gjitha vajzat dhe grate e dhunuara gjate luftes ne Kosove (jane mbi 2000) te ngrene padi penale prane gjykatave kombtare ne Republiken e Kosoves.
Ftoj te gjitha familjet qe kane qene viktime e masakrave te ushtrise serbe(me ushtri nenkupto edhe milicine, paramilicine, te gjitha bandat e armatosura terroriste serbe) te ngrene padi penale, individualisht, prane gjykatave shtetrore ne Republiken e Kosoves.
Ftoj Vetvendosjen te ngre padi penale per vrasjen e dy manifestuesve dhe plagosjen e 85 te tjerve ne qendre te kryeqytetit.Edhe ketu individualisht, u mor vesh.
Ftoj te gjitha ato familje te cilave iu eshte mohuar e drejta e rintegrimit te shtepive dhe banesave te tyre ne pjesen veriore te Mitrovices.
Ftoj te gjitha familjet viktime qe te ngrene padi penale, individualisht, per moskethimin e trupave te pajete te mijera shqiptareve te zhdukur gjat luftes ne vitet 1997-99 ne Kosove.
Ambasadori amerikan ka plotesisht te drejte kur kritikon strukturat juridiko-policore per pasivitet te skajshem.Pra mos e leshoni shansin historiik:
- Viktima ben padi;
- Policia e shtetit e heton rastin dhe e dergon lenden individuale ne gjykate;
- Gjykata gjykon e ndeshkon.
I gjithe procesi duhet te kryhet konform "lekcionit" te ambasadorit amerikan ne menyre qe fajtoret te ndeshkohen e viktimat te shperblehen.
Kjo eshte e vetmja aresye e te qenit te Drejtesise.