[Guri i madh]

Postimi origjinal është bërë nga bert

“Telefonata e Mediut për Gërdecin”
» Dërguar më: 03/04/2010 - 13:18
Klodiana Lala

Ish-ministri i Mbrojtjes, Fatmir Mediu urdhëroi përmes një telefonate, që ish-reparti i tankeve në Gërdec të kalonte në varësi të ndërmarrjes MEICO, që drejtohej nga Ylli Pinari, një nga të pandehurit kryesorë në procesin “Gërdeci”. Një fakt i tillë u zbulua dje nga ish-gjeneral major Shpëtim Spahiu, ish-komandant i Forcës së Komandës së Bashkuar. Përmes një deklarate në seancë, ish-gjenerali i akuzuar si një nga përgjegjësit kryesorë për tragjedinë e 15 marsit 2008, tha se “ish-reparti i tankeve në Gërdec kaloi nga varësia e Komandës së Bashkuar në varësi të MEICO-s, me urdhër të ministrit të Mbrojtjes”. Spahiu u shpreh se ishte vënë në dijeni se në Gërdec kishte pasur incidente mes një nënoficeri dhe rojeve të firmës private, për shkak se municionet shkarkoheshin në territorin e ish-repartit që nuk ishte marrë në përdorim nga firma private. Për këtë ka biseduar me Ylli Pinarin, ish-kreun e MEICO-s, për t’i dhënë zgjidhje situatës, në të kundërt, një batalion me ushtarë nuk do të lejonte hyrjen e asnjë personi në fabrikë. “Ylli Pinari më kërkoi kohë për ta zgjidhur këtë problem. Për dy ditë më telefonoi ministri i Mbrojtjes. Më tha se ‘kam Ylli Pinarin në zyrë dhe firmosa kalimin e ish-repartit nga varësia e Komandës së Bashkuar në varësi të MEICO-s’. Urdhri i ministrit ka qenë në nëntor të 2007-ës. Tri ditë më vonë unë i kalova pronën e ish-repartit të Gërdecit, ndërmarrjes MEICO”, - theksoi Spahiu.
Përplasja
Zenel Kuçana, komandanti i Detashmentit provizor ka vënë në dijeni ish-komandantin e FKB-së, Shpëtim Spahiu, se në Gërdec kishte pasur përplasje mes një nënoficeri të ushtrisë me rojet private të fabrikës së demontimit. Këtë fakt Kuçana e bëri të ditur edhe dje në seancën gjyqësore ndaj të akuzuarve për tragjedinë e Gërdecit. Fill pas dëshmisë së tij reagoi përmes një deklarate i pandehuri Shpëtim Spahiu. “Është e vërtetë që më ka telefonuar komandanti i Detashmentit provizor, Zenel Kuçana. E mbaj mend për shkak se kam urdhëruar që policia ushtarake të shkojë në Gërdec për të analizuar një incident mes firmës private që punonte në ish-repartin e tankeve në Gërdec dhe një nënoficeri. Në bisedën që kam pasur me Kuçanën më ka thënë se “në Gërdec kemi probleme”.
Marrëveshja
Ish-gjenerali deklaroi më tej se fill pas këtij informacioni ka takuar ish-drejtorin e MEICO-s, Ylli Pinarin, të cilin e kishte vënë në dijeni për shqetësimin e ngritur nga vartësit. “Meqë nuk ishte parashikuar, ne ramë dakord me anë të aktmarrëveshjes. Sipas kësaj aktmarrëveshjeje, ruajtja e fabrikës i caktohej MEICO-s”, - tha Spahiu. Sa i përket faktit se municionet vendoseshin në ambientet e ish-repartit por që firma private nuk e kishte marrë në përdorim, Spahiu sqaroi se “për MEICO-n ishte një praktikë, që me urdhër të ministrisë së Mbrojtjes, kontenierët me municione vendoseshin në ambiente të reparteve ushtarake. Veç rastit të fabrikës së Gërdecit, asnjëherë MEICO nuk merrte toka me qira, pasi operonte brenda sistemit”. Ai sqaroi më tej se gjatë bisedës me Pinarin, ky i fundit e kishte vënë në dijeni se nuk ishte hera e parë që ndodhte një gjë e tillë. “Në rastin e fabrikës së demontimit të municioneve në Gërdec i thashë që çështja ishte ndryshe, pasi në mes është një firmë private. Duke parë refuzimin e tij, e vura në dijeni se do të urdhëroja një togë ushtarësh të bllokonin hyrjen e fabrikës dhe të mos lejonin askënd të futej brenda. Pinari më kërkoi dy ditë kohë. Pas këtyre dy ditëve më mori ministri i Mbrojtjes dhe më vuri në dijeni se kishte urdhëruar që ish-reparti i tankeve me urdhrin e tij kishte kaluar në varësi të MEICO-s”, - përfundoi Spahiu. Ai deklaroi se këtë urdhër e ka zbatuar për tri ditë.

ooo bert i kena bisedue kto ngjarje para nji viti




Bert fol sinqerisht ,a je adhurus i Edvinit