[Dardani_K1]

Edhe nje firme e shiti Thaqi edhe do miliona i shtini ne gjep para se me i skadu mandati i tina si kryeminister edhe mos me u zgjedhen ma pare ka ba si dreqi tashe ashte radha qe ky fare prokurori special edhe Thaqit me ja shti hetimet.

Ejupi: Hashim Thaçi e manipuloi koncesionimin e Aeroportit Prishtinë, 14 maj - Vetëm pak minuta pas hapjes së ofertave ku është shpallur fituesi i koncesionimit të Aeroportit Ndërkombëtar të Prishtinës, pronari i kompanisë “Euro Koha”, Remzi Ejupi e ka quajtur këtë proces të manipuluar dhe jotransparent. Ai ka akuzuar kryeministrin e Kosovës Hashim Thaçi se ka dorë, siç thotë ai “në manipulime dhe pazare në këtë proces”. Ejupi i ka thënë Ekonomisti-t se ai dhe partnerët e tij të konzorciumit “Bouyges Batiment Egis” janë tërhequr paraprakisht nga gara për koncesionimin e Aeroportit Ndërkombëtar të Prishtinës, pasi që kanë kuptuar se ky proces është i manipuluar. “Ky proces është i manipuluar. Jemi tërhequr nga gara para se të behët hapja e ofertave. Arsyja ka qenë se kemi kuptuar së procesi është i manipuluar nga nivelet e larta të shtetit. Pra kemi kuptuar se nuk është proces i rregullt dhe transparent. Në këtë proces ka pasur manipulime nga niveli i lartë i shtetit. Ata e kanë përcaktuar paraprakisht se kush do të jetë fitues. Unë dhe partneret e mi, nuk kemi bërë pazare. Kemi konkurruar fer dhe kur e kemi kuptuar së këtu janë bërë pazare jemi tërhequr”, ka thënë për Ekonomisti Remzi Ejupi. Kryeministri Thaçi, sipas pronarit të “Euro Kohës”, është personi kyç i cili ka ndërhyrë në këtë proces dhe ka ndikuar që kjo kompani të jetë fituese e tenderit për koncesionimin e Aeroportit për 20 vjetët e ardhshme. “Kryeministri Thaçi është ai që ka pasur dorë dhe ka ndikuar në këtë proces”, ka thënë ai i pyetur se kush është niveli i lartë i shtetit, që ka ndikuar dhe ka bërë pazare në tenderin për koncesionim të Aeroportit. Konsorciumin “Limak, Aeroport de Lyon”, sot është shpallur fitues i tenderit për koncesionimin e Aeroportit. Kjo kompani sipas kritereve të përcaktuara nga Qeveria Kosovës do t’i investojë 100 milion euro dhe për 20 vitet e ardhshme dhe do t’i japë shtetit të Kosovës prej 23 deri në 55 për qind në vit të fitimit që do të gjenerojë nga Aeroporti i Prishtinës. / Zhurnal /