[Fshatari]

Postimi origjinal është bërë nga Fshatari

Moti ju kam thene more njerez qe keta banditet e euleshit po e kercenojne
sigurine e pergjithshme ne shtetin e pavarur e plotesisht sovran te Kosoves
po ju si duket nuk me besonit.
Nuk do te kete pushime verore sivjet per Xhorxh Washingtonin. Me tu kethyer ne kryeqytet
nga kryeqyteti amerikan e jo nga brukselthi, kryeministri do te duhet te veproje energjikisht
kunder veprimeve destruktive dhe terroriste te kesaj bande te ndyre hajdutesh euleshjan.
Provat e meposhtme zhdukin definitivisht skepticizmin tuaj:
_________________________________

Policia prangos pesë policë të EULEX-it në mision të fshehtë
Prishtinë, 24 gusht – Shyqyri Haxhës i kishin “hyrë ethet në bark” të martën e javës së kaluar. Kryeshefi ekzekutiv i Postë-Telekomit të Kosovës, derisa po udhëtonte me veturë, është ndjekur të martën në orët e pasdites në Prishtinë nga dy xhipa të bardhë të tipit “Toyota”, në të cilët ndodheshin pesë persona. Duke e parë se këto vetura po e ndiqnin vazhdimisht, Shyqyri Haxha kishte njoftuar Policinë e Kosovës se po ndiqej nga persona të panjohur.
“Drejtori i PTK-së, z. Shyqyri Haxha ka thirrur Policinë se është duke u përcjellë nga këto vetura. Policia i ka kërkuar Haxhës vendndodhjen e tij dhe e ka udhëzuar që të mos largohej nga sheshi ‘Bill Clinton’ në Prishtinë, por të lëvizte nëpër ato rrugë derisa të arrinte policia”, ka thënë për Kohën Dtore një burim brenda Policisë së Kosovës.
Sipas burimeve, Haxha i ka thënë Policisë së këta persona po ua ndërronin veturave tabelat e regjistrimit dhe po parakalonin njëra-tjetrën.
Burimi ka thënë se Policia ka arritur t’i ndalte këto dy vetura, në të cilat ndodheshin pesë persona, dhe t’ua vinte prangat në duar, por në momentin e fundit ata kanë treguar se janë policë të EULEX-it.
“Policia ka arritur t’i ndalte ata, t’i mbështeste për vetura dhe disave prej tyre t’ua vinte prangat. Por pas pak njëri nga ta ka treguar se janë zyrtarë të EULEX-it dhe i kanë treguar distinktivin e Policisë së EULEX-it”, ka thënë burimi.
Sipas burimit, Haxha po përcillej pas nisjes së hetimeve në PTK, të cilat rezultuan një ditë më vonë, më 15 gusht, me bastisje në tetë lokacione në Prishtinë dhe në Pejë për të marrë informacione rreth nënshkrimit të një kontrate për bartjen e licencës për telekomunikim në rrjetin mobil virtual, e nënshkruar në vitin 2007-2008, mes kompanisë “DardaPhone” dhe PTK-së.
Cak i bastisjeve të EULEX-it kanë qenë zyrat e “DardaPhone”, “Devolli Group”, “Z-Mobile”, banesa e kryeshefit ekzekutiv të PTK-së, Shyqyri Haxha, si edhe shtëpia e pronarit të kompanisë “Devolli”, Shkëlqim Devolli.
Policët që kishin zbarkuar me 12 automjete të EULEX-it tek pas katër orësh të bastisjeve kanë filluar të nxjerrin materiale nga PTK-ja. Ata kanë marrë me vete edhe shumë kompjuterë, kontrata e materiale të tjera që lidhen me dyshimet. Bastisjen e këtyre lokacioneve e ka konfirmuar EULEX-i dhe zyrtarët e kompanive nën hetim.
Gazeta ka kontaktuar të premten Shyqyri Haxhën, zyrtarët e EULEX-it dhe të Policisë së Kosovës, por asnjëri prej tyre nuk kanë folur.
Kryeshefi i PTK-së, Shyqyri Haxha, nuk ka dashur të fliste për këtë rast. Zëdhënësi i Policisë së Kosovës, Arbër Beka, ndërkaq ka thënë se policia as nuk e pohon e as nuk e mohon “incidentin”, ndërkaq zëdhënësja e EULEX-it, Karin Limdal, ka thënë se nuk di asgjë për këtë, andaj s’mund të jepte kurrfarë komenti.
____________________________________
http://www.kohaditore.com/index.php?cid=1,7,29108

___________________________________
___________________________________
Qëllimi i SHBA-ve: Kosova të jetë tërësisht e pavarur
Ideale do të ishte që Kosova të ishte një vend ku nuk do të ishte e nevojshme, as prania ushtarake, as ajo civile- ka thënë në një intervistë për Radion Evropa e Lirë, Philip Gordon, ndihmëssekretar i Shtetit për çështjet evropiane dhe të Euro-Azisë.
Duke folur për ndihmën që administrata amerikane jep për të sjellë njohje të reja, Gordon ka thënë se SHBA-të kanë biseduar me miqtë e tyre që nuk e kanë pranuar ende Kosovën dhe kanë pritur opinionin e GJND-së, ashtu që shpresojnë që ata do ta marrin hapin e duhur për ta bërë këtë.
“Deri tani 69 vende e kanë marrë këtë hap, përfshi shumicën e vendeve fqinje të Kosovës dhe shumicën dërrmuese të vendeve anëtare të BE-së. Një numër i konsiderueshëm shtetesh ishin në pritje të opinionit të Gjykatës, një pjesë e të cilave e kanë pritur me kërkesën e vetë Serbisë”, ka thënë Gordon.
Ai ka shfaqur shpresën që vendimi i GJND-së do çojë në përmirësimin e gjendjes së sigurisë në mënyrë që KFOR-i të zvogëlohet deri në largimin e plotë, dhe po ashtu, sipas tij, SHBA-të do të vazhdojnë ta mbështesin Kosovën në vendosjen e shtetit ligjor në të gjithë territorin, në mënyrë që EULEX-i të mos jetë më i nevojshëm.
“Qëllimi ynë është ta shohim Kosovën tërësisht të pavarur, që funksionon pa nevojën e pranisë ndërkombëtare. Opinioni i Gjykatës na ndihmon në përmbushjen e synimit”, ka thënë Gordon. /Telegrafi/
___________________________________
Qe kçyrne mire çka po thot Filipi:
Kosova te jete teresisht e pavarur.Me fjale tjera superfuqia po iu tregon spirihucave
te disa vendeve evropjane se pranie e milicve te tyre ne shtetin e pavarur e absolutisht sovran
nuk eshte e mirepritur nga shtetasit e fuqishem te shtetit tone te perbashket.
Deri dje e kam pas ndrrue adresen; tash e tutje do t'a ndrroj edhe emnin!
Due me u pagezue Filip-Fshatari(kurre s'mujta me u çkoç prej qityne F...F)!
____________________________________
http://www.telegrafi.com/?id=2&a=9624