[Fshatari]

Shqetesimet e mesueses(Sevdije Jaha) nuk gjejne mbeshtetje te psikolinguistet.Eshte pikerisht mosha e mitur periudha me e pershtatshme per mesimin e drejte te nje gjuhe te huaj qe ndryshon nga gjuha amtare.

Kjo ide me pelqen shume sepse nuk barte me vete kurfare prapaskene politike.
Edhe zgjedhja e kesaj gjuhe duke perjashtuar te tjerat duhet te pershendetet.
__________________________________________________ ________


Anglisht në klasë të parë


Nga shtatori, sistemi arsimor parashkollor, fillor dhe i mesëm në Kosovë, do të pësojë disa ndryshime. Disa lëndë do të hiqen, e disa të reja do të shtohen. Paralelisht me gjuhën shqipe, nga klasa e parë, do të mësohet edhe anglishtja.

Nga Jetmira Rexhepi më 02.08.2010 në ora 8:20

Viti i ri shkollor në Kosovë, pritet të nisë me shumë ndryshime në planprogramet mësimore, në atë parashkollor, fillor dhe të mesëm.
Ndryshimet e titulluara, të mësosh për të ditur, vepruar, për të qenë dhe të mësosh për të jetuar së bashku me të tjerët, do t’i shtohet edhe shtylla e pestë, që është, të mësuarit për ta transformuar vetveten dhe shoqërinë.
Megjithatë, jo të gjithë i mirëpresin këto ndryshime. Të paktën kështu mendon mësuesja Sevdije Jaha. Ajo thotë se këto ndryshime vetëm sa do të sjellin vështirësi për nxënësit.
“Fëmijët sa fillojnë të mësojnë shqip, u duhet të mësojnë anglisht, madje në klasë të parë. Jam kundër këtij ndryshimi. Për ne si mësuese, është e papranueshme. Ky është një dështim për fëmijët e Kosovës, sepse ata nëpër fshatra nuk shkojnë fare në mësimin parashkollor”, thotë mësuesja Sevdije për Express.
Por sa u përket pjesëve të plan programit ku është paraparë pakësimi i lëndëve mësimore, kjo mësuese thotë se kjo është në favor të nxënësve.
“Më në fund çanta e tyre do të lehtësohet, dhe nëse ka pakësim të lëndëve, kjo padyshim që do t’i ndihmojë fëmijët që të zhvillojnë aftësitë e tyre në lënde, të cilat janë më me interes për ta”, thotë mësuesja Sevdije Jaha.
Por ndryshe mendon udhëheqësi i ekipit të Kornizës së Korrikulumit të Kosovës, Armend Tahirsylaj. Sipas tij, Korniza e Korrikulumit të Kosovës, ka për qëllim të ristrukturojë sistemin arsimor në Republikën e Kosovës, në strukturë dhe përmbajtje.
“Ndryshimet që do t’i sjellë Korniza e Korrikulumit do të avancojë praktikat e mësimdhënies dhe mësimnxënies në shkollat e Kosovës, në mënyrë që nxënësit të përfitojnë kompetenca, dije, shkathtësi e vlera që janë relevante për ta dhe për shoqërinë kosovare”, thotë Tahirsylaj për Express.
Po ashtu me këto ndryshime, synohet të zhduket mësimi përmendsh, kurse arsimi parashkollor, fillor dhe i mesëm, do të jetë i obligueshëm, si dhe do të ketë më pak pushim veror. Shkollat do të kenë kompetencat e tyre në menaxhimin e buxhetit, xhirollogarinë e tyre, hartimin e plan programeve shkollore, e shumë risi të tjera.
Sipas Korrikulumit, përveç të tjerash, sqarohet se të gjitha këto ndryshime do të bëjnë që shkollat e Kosovës të kalojnë nga institocione edukative ku transmetohet dija, në shkolla ku transformohet dhe zhvillohet dija dhe kompetencat të cilat janë kuptimplote dhe relevante për secilin nxënës.
Hartimin e Kornizës së re të Korrikulumit të Kosovës e ka bërë Këshilli Shtetëror për Korrikulumin e Kosovës (KSHKK) me mbështetjen e UNICEF-it në Kosovë dhe të Zyrës Ndërkombëtare të Arsimit të UNESCO-së.
Gjashtë kompetencat
1. Kompetencat e komunikimit dhe të shprehurit  Komunikues efektiv
2. Kompetencat e të menduarit  Mendimtar kritik
3. Kompetencat për të mësuar  Nxënës i suksesshëm
4. Kompetencat për jetë, punë dhe mjedis  Kontribuues produktiv
5. Kompetencat personale  Individ i shëndetshëm
6. Kompetencat qytetare  Qytetar i përgjegjshëm
_________________________________________
http://www.gazetaexpress.com/web/ind.../35765/C4/C15/