[shfletuesi_]

Postimi origjinal është bërë nga Gentiani

Av, aaaaav vehte qita kane thene: së pari Kosova... atehere pra, së pari Kosova, a qitina Hashes po ja trusin edhe murriz mus rrej se nuk ban, se tu Kosova nuk eshte Hasha, vetem nese e keni sose edhe fare kombi te ri me ndreqen - kombin Hashe.

Bile qita Zhvicranat jane shume preciz edhe me shume precizitet e ka shkruajtur ne raport per qita, qita, qita, qita edhe qita.

per me shume lixo qiknenaj:

Hajnia dhe korrupsioni nuk janë vlera

21 DHJETOR 2010 - E Martë 20:06
Kreu i Shoqatës së Veteranëve të UÇK-së i doli prapë në ndihmë Hashim Thaçit. Sa herë që Thaçi ka nevojë, pranë e ka Muharrem Xhemajlin, i cili zellshëm e keqpërdorë pozitën e vet si kryetar i Shoqatës për t’ia vendosur atë si mburojë të gjallë Hashim Thaçit. Dhe atë me arsyetimin se po i mbronë vlerat e luftës së UÇK-së. Paçka që si udhëheqje e Organizatës kurrë nuk bënë asgjë për ta mbrojtur UÇK-në e përjashtuar nga Kushtetuta e Kosovës, flamurin kombëtar të përjashtuar nga institucionet e Kosovës, dinjitetin e Kosovës të përdhosur përmes secilës negociatë të kaluar a të ardhme të Hashim Thaçit me pushtetin e Serbisë.


Nuk është hera e parë që këto organizata dalin kundër Lëvizjes VETËVENDOSJE! Para çdo demonstrate të njëjtët udhëheqës pas takimit paraprak me Hashim Thaçin e kanë sulmuar Lëvizjen VETËVENDOSJE! edhe pse protestonim për të njëjtat vlera për të cilat ka luftuar UÇK-ja. Akti i fundit, kur gjatë procesit zgjedhor të 12 dhjetorit vet Muharrem Xhemajli i ka mbushur kutitë me vota të PDK-së në Krajkovë të Drenasit, tregon se cilat vlera në të vërtetë i mbron ai.


Hashim Thaci thirret në UÇK dhe luftën çlirimtare e i përmend ato vetëm atëherë kur rrezikohet personalisht.


Pse Hashim Thaçi nuk e përfshiu UÇK-në në Deklaratën e Pavarësisë e në Kushtetutën e Republikës së Kosovës? Pse ai e ndërroi flamurin dhe himnin kombëtar shqiptar me flamurin lara-lara dhe me himnin pa tekst? Pse ai pranon që sërish të shkojë të takohet me Boris Tadiqin për të folur me të për Kosovën? Pse Hashim Thaçi për tri vjet qeverisje nuk e dërgoi në botë asnjë punim shkencor e historik për krimet e Serbisë ndaj shqiptarëve? Pse ai nuk financoi sa ishte kryeministër botime akademike për të vërtetën e luftës së lavdishme çlirimtare të UÇK-së?


Raporti i Dick Marty-t nuk paraqet diçka të re, por shqetësimi i Hashim Thaçit është i ri. Çdo njeri normal e di që e ashtuquajtura ‘Shtëpi e verdhë’ nuk ekziston. Se ajo është shpikje e Serbisë dhe se diplomatët e zyrtarët proserbë e kanë propaganduar atë. Hashim Thaçi nuk është shqetësuar për atë akuzë. Mirëpo, në atë raportin e Dick Marty-t ka edhe shumë akuza të tjera për korrupsion e kontrabandë kundër Thaçit dhe shpurës së tij që duket se e kanë brengosur Thaçin andaj edhe erdhi ky reagim i panikosur i tij. Disa prej këtyre akuzave i referohen informatave të shërbimit sekret shtetëror gjerman BND.


Në fakt, Dick Marty ia ka bërë një shërbim të shkëlqyeshëm Thaçit. Ai në raportin e tij ia ka përzier akuzat për korrupsion e kontrabandë me akuzën për 'Shtëpinë e verdhë' që askush nuk e beson por me të cilën po merren të gjithë këto ditë.


Hashim Thaçi është gjithsesi i korruptuar dhe i shantazhuar. Ai nuk e ka hall njollosjen e UÇK-së por veten e tij. Është vetë Hashim Thaçi ai që e ka shpërfillur UÇK-në institucionalisht dhe politikisht dhe kësisoj i ka hapur rrugë qarqeve proserbe për sulme në opinionin publik ndërkombëtar ndaj UÇK-së.


Mediet që i kontrollon Thaçi vetëm tash na i shfaqin pamjet e pasojave të luftës dhe hallet e robërve të luftës. Vetëm tash që Thaçit po i lëkunded pozita. Tani është koha që lufta jonë e drejtë t'i shfaqet opinionit publik ndërkombëtar e jo qytetarëve të Kosovës përmes mediave qeveritare. Sikur të shfaqeshin nëpër mediet tona në vazhdimësi storiet e luftës çlirimtare dhe humbjeve dhe sakrificave të popullit tonë, ne nuk do të ishim në këtë gjendje të rëndë tash.


Për Lëvizjen VETËVENDOSJE!, Hashim Thaçi dhe UÇK-ja fare nuk janë e njëjta gjë. Për Lëvizjen VETËVENDOSJE!, UÇK-ja është UÇK e Adem Jasharit me flamurin e kuq e shkabën dykrenare dhe jo e Hashim Thaçit me flamurin e kaltër me lara. Për Lëvizjen VETËVENDOSJE!, UÇK-ja është UÇK e 2.500 dëshmorëve të kombit dhe e veteranëve e invalidëve të luftës, e jo e këtyre që u bënë pjesë e regjimit si puna e Hashim Thaçit që ditën është politikan e natën biznesmen. Vetëm me këtë diskurs mbrohet UÇK-ja e shpëtohet Kosova. Kurrsesi ndryshe.


Lëvizja VETËVENDOSJE!

Vetvendosja qysh ne formimin e levizjes se vete ka pas per synim te arrij deri te kjo pike ku eshte sot , si Vetvendosja si Marty te njejtin qendrim e japin, edhe me kete qendrim te vetvendosjes na jep te mendojm qe jan dirigjuar nga dikush jashte kufijve te kosoves ndoshta prapa vetvendosjes fshihet edhe sherbimi secret serb e as vet vetvendosja nuk e dijn.

Por do behet mire :D Me krimi - jiminin e qeveris se ardheshme AAK ose AKR- dhe pak minoritete qaty.