[Gentiani]

Lajme taze prej Muçibape

Ueli Leuenberger: Disa pika në raportin e Martyt janë horrore

31/12/2010 15:47:00


Intervistë ekskluzive me z. Ueli Leuenberger, kryetar i Partisë të të Gjelbërve (Grüne Partei) dhe deputet në parlamentin zviceran, i cili ka 22 deputetë në dhomën e madhe dhe në 50 qytet bashkëqeverisë

Bashkatdhtarët tanë që jetojnë dhe veprojnë në këtë shtet mik të kombit tonë, pra siç është Zvicra, me të marrur lajmin përmes mediave të shkruara dhe ato elektronike për raportin tashmë të "famshëm" të Dick Martytit, mbetën të shokuar dhe ky lajm ishte si një "atom", edhe pse thuajse të gjithë këta bashkatdhetarë, pritshin që të përfundojnë këtë vit si është më së miri dhe ti festojnë festat e fundëvitit. Sido që të jetë, është diskutuar dhe po diskutohet edhe sot e kësaj dite edhe në Zvicër, kuptohet në Shqipëri, Kosovë dhe në gjithë botën ky raport. Kemi parë komente nga më të ndryshmet dhe bashkatdhetarët tanë, janë lënduar shumë, duke menduar, se tash do të prishet imazhi i shkëlqyer i tyre drejt zviceranëve, ku bashkëkombasit tanë, me dekada kanë krijuar një imazh të mrekullueshëm me këtë shtet me traditë të demokracisë. Mirëpo, ashtu siç na tha edhe vetë ambasadori i Kosovës në Zvicër, z.Naim Malaj, gjatë një interviste që e realizuam ditë më parë, se ky raport nuk është raporti i popullit e as qeverisë zvicerane, pra është një raport, që e ka publikuar një person me emër dhe mbiemër dhe imazhi ynë nuk prishet lehtë, sepse zviceranët dinë se si i mbasin gjëra, dhe këto gjëra apo top lajme, duhet të kenë argumente. Për të mësuar më shumë në lidhje, se a është vërtetë, imazhi ynë po ai që ka qenë edhe më herët, dëshmonë edhe kjo intervistë, e cila u realizua menjëherë pas intervistës me z. Christoph Darbelley, kryetar i Partisë Popullore Demokristiane në Zvicër (CVP), e cila ka dy ministri në qeverinë zvicerane, si dhe 57 deputetë në dhomën e madhe. Se çka ka thënë z.Darbelley kemi lexuar ditë më parë dhe jemi dëshmitarë, se zviceranët presin edhe më shumë nga kombi ynë dhe miqësia asesi nuk është prishur. Bashkëbiseduesi ynë i radhës, z.Ueli Leuenberger, gëzon autoritet të madhë thuajse tek të gjithë bashkëkombasit tanë, ku i pari i të Gjelbërve në Zvicër, na mirëpriti shumë ngrohtësisht dhe bashkëbisedimi ishte shumë miqësorë. Të përcjellim bashkëbisedimin tonë, të realizuar ditë më parë në selinë e kësaj partite në qendër të Gjenevës.


Si e komentoni raportin e Dick Martit?

Ueli Leuenberger: Është një raport shumë i rëndësishëm, raport që nga Këshilli Europian është kërkuar. janë akuza të rënda në këtë raport, tash është me rëndësi, që të gjitha gjërat që pa kurrfarë kushtesh të paraqiten në tavolinë, që në të ardhmen, gjërat të jenë të qarta. Dua të them, se Marti është një koleg serioz, tash e disa dekada punon për të drejtat e njeriut dhe kundër kriminalitetit të madh, por për këto gjëra, që kanë ndodhur në Kosovë, ai nëse ka dëshmi duhet të dëshmojë ose ti paraqes.

Pse sërish të hapet kjo çështje?

Ueli Leuenberger: Ky raport është bërë nga një person shumë i rëndësishëm dhe nga institucion shumë i rëndësishëm. Tani duhet të kemi qartësi, për dëshmi serioze për këtë raport. Kjo është shumë me rëndësi për Kosovën, Serbinë, gjithashtu për Shqipërinë, Zvicrën dhe Bashkësinë Ndërkombëtare. Të pafajshmit, duhet të lirohen nga këto akuza, mirëpo, ata që kane bërë faj, duhet patjetër të dënohen.


Mediat kosovare kanë publikuar fakte të fuqishme vizuelle, që tregojnë, se agjentët e shërbimeve intelegjente serbe kanë tentuar të blejnë dëshmi të rrejshme për kinse shitjen e organeve në shtëpinë e verdhë në Shqipëri. Si e konsideroni këtë?

Ueli Leuenberger: Nuk jam në gjendje që të gjykojë për këtë gjë. Nuk kam informacione për këtë.


Pse ky raport vjen tash mu në kohën e pas zgjedhjeve dhe në kohën kur duhet të fillonin bisedimet me Serbinë?

Ueli Leuenberger: Kjo është një pyetje interesante dhe me rëndësi, por më së miri është që të pyesni Këshillin Europian për këtë gjë.


A mund të konsiderohet se kjo është bërë për të dobësuar pozitën e palës kosovare në bisedime karshi palës serbe?


Ueli Leuenberger: Deri sa këto gjëra që të mos dihen saktësisht, sigurisht, që ky raport i jep një jehonë të keqe Kosovës dhe përgjegjësve politikë atje. Ata, pra kriminelat e luftës dhe njerëzit që i kanë keqpërdorur të drejtat e njeriut, janë një gjë shumë e rëndësishme. Çka thuhet në këtë raport, disa pika, natyrisht se janë horor. Për të sjellur këtë në dritë, duhen të gjithë seriozisht të ndihmojnë edhe Kosova, por edhe Bashkësia Ndërkombëtare, sepse edhe kosovarët kanë të drejtë të kërkojnë fajtorin.


Por ky raport ka hidhëruar shumë palën kosovare dhe kjo mund të rrezikojë që pala kosovare ta humb interesimin për bisedime. Ku çon kjo situatë pastaj?


Ueli Leuenberger: Për mua është me rëndësi që këto biseda të planifikuara të ndodhin nëmes Kosovës dhe Serbisë dhe me rëndësi, që gjendja në Ballkan të jetë e mirë dhe qetësia të vjenë në vend e të rinjtë në Ballkan të kenë perspektivë të mirë dhe për këtë kohë, që ky raport është aktiv, për të gjihtë është një problem. Gjithashtu edhe për një zhvillim demokratikë të shoqërisë dhe zhvillim ekonomikë të sjellë më në fund një perspektivë të mirë për të rinjët. Do të ishte për mua shumë e pakuptimtë, sikur Kosova dhe Serbia të mos zhvillojnë bisedime. Dëshiroj, që pas këtyre bisedimeve, me rëndësi është që popujt në Ballkan, të jetojnë paqe me njëri tjetrin.


Shqiptarët në Zvicër janë komuniteti i katërt për nga madhësia. Sa i ka tensionuar raportet mes komunitetit kosovar dhe atij zviceran ky raport?


Ueli Leuenberger: Mirë, sigurisht që nuk do ia prish imazhin e shqiptarëve në diasporë në shoqërinë zvicerane.Raporti nuk e sjell në atë pikë që kosovarët në Zvicër në një dritë të ndriçuar të tregohen, por me rëndësi është, që kjo gjë të rregullohet posaqërisisht në Zvicër, sepse çdo i katërti në këtë vend e flet gjuhën shqipe.


Si parti parlamentare në Zvicër çfarë bashkëpunimi keni me shqiptarët ?


Ueli Leuenberger: Partia e të Gjelbërve në Zvicër, ka gjithashtu anëtarë me prejardhje shqiptarë, që janë shumë aktiv në politikë dhe në drejtësi. Të drejtat e njeriut dhe të drejtat themelore, në një zhvillim demokratikë i përkasin edhe politikës të të gjelbërve.

Sa është i nevojshëm bashkëpunimi i partive politike zvicerane me shqiptarët në Zvicër?

Ueli Leuenberger: Mijëra shqiptarë e kanë shtetësinë e dyfishtë dhe kanë të drejtë të marrin pjesë në zgjedhje. Shumë parti këtë ende unk e kanë kuptuar. Për fat të keq, ka edhe shumë shqiptarë që zgjedhin partitë, që punojnë kundër tyre dhe kundër interesave të tyre. Këtu vërehet një diskriminim ndaj kosovarëve, në rastet kur ata kërkojnë ndonjë punë, ndonjë shkollë profesionale, apo ndonjë zeje të fushave të ndryshme.


Marti në raport akuzon edhe SHBA-të për ndihmën që i kanë dhënë Kosovës. A mund të jetë edhe kjo pjesë e prapavijës së këtij raporti, që të bëhet presion te SHBA në mënyrë që roli i saj të dobësohet në proceset e ardhshme në Ballkan dhe posaqërisht në Kosovë?

Ueli Leuenberger: Unë nuk besoj që Dick Marty, do të dëshirojë që të dobësojë ndikimin e SHBA-së.

Pala kosovare ka paralajmëruar se do të ngre padi kundër Martit. Si e komentoni?

Ueli Leuenberger: Mirë. Pjesa kosovare duhet ta dijë vetë se çka dëshiron e çka të bëjë, është me rëndësi, që ata të ndimojnë, të ndimojnë EULEX, Parlamenti Europian. Unë e kam parë, se edhe kosovarët, si dhe Shqipëria, janë të gatshëm, që të ndihmojnë në ndriçimin e këtij raporti.


Ambasadori i Kosovës në Zvicër ka dhënë disa intervista në mediat zvicerane. Sa kanë ndikuar në opinion e këtushëm?


Ueli Leuenberger: Natyrisht që roli i ambasadorit është që të përfaqësojë interesat e shtetit të tij, këtë ai e ka bërë pra z.Malaj, korrekt dhe shumë mirë.


Ju flm dhe ju jemi shumë mirënjohës për këtë bashkëbisedim. Në emër të stafit tonë gëzuar festat e fundvitit.


Ueli Leuenberger: Urime edhe juve dhe suksese.

Intervistoi: Dashnim HEBIBI, Gjenevë

presheva.com