[Guri i madh]

Ideja e kryetarit të Lidhjes Demokratike të Kosovës* Isa Mustafa* që të formohet një qeveri e përkohshme* gjithëpërfshirëse* mbështetet te formula e dikurshme e liderit të LDK-së dhe presidentit të ndjerë* Ibrahim Rugova* sipas të cilës qeveria mund të drejtohet edhe nga PDK-ja* por jo me Hashim Thaçin kryeministër. Kështu të paktën thonë zyrtarë nga Partia Demokratike e Kosovës.
Sipas tyre* Mustafa kishte prezantuar idenë e tij te qarqe të ndryshme vendore e ndërkombëtare* ku ai kishte propozuar që në një qeveri të tillë të gjitha partitë në Parlamentin e ardhshëm të përfaqësohen nga niveli i dytë dhe i tretë dhe jo nga niveli i kryetarëve.
Ndërkohë* liderët e partive do të ndikonin që përmes Parlamentit të bëheshin disa reforma të caktuara në Ligjin zgjedhor* përderisa Qeveria dhe faktori ndërkombëtar do të menaxhimin dhe përfundonin regjistrimin e popullsisë.
Një qeveri pa lider* sipas këtyre burimeve* sipas idesë së Mustafës* do të sillte favore të baraspeshuara për të gjitha subjektet politike dhe nuk do të krijonte avance politike për ndonjërin prej tyre* pasi që një qeveri e tillë do të vinte në shprehje pas një procesi jo të rregullt zgjedhor* nga i cili nuk do të duhej të përfitonte askush.
Disa nga zyrtarët e kontaktuar të LDK-së nuk kanë pranuar ta komentojnë këtë çështje* duke ritheksuar se Mustafa kishte kërkuar një qeveri gjithëpërfshirëse* pas zgjedhjeve të manipuluara dhe jo të rregullta* e cila do të drejtonte vendin në një proces të ri zgjedhor.
Ndërkaq* kanë refuzuar ta komentojnë nëse formula e Mustafës ishte po ajo që dikur kishte përdorur ish-presidenti Ibrahim Rugova* i cili qe pajtuar për formimin e qeverisë me PDK-në dhe AAK-në* por me kusht që kryeministër të mos ishte Hashim Thaçi* gjë që në fund pati ndodhur.
Ndërsa e hedhin poshtë mundësinë e formimit të një qeverie gjithëpërfshirëse sipas idesë së Isa Mustafës* zyrtarë të PDK-së thonë se lideri i tyre Hashim Thaçi e ka bërë të qartë se formula e ardhshme qeverisëse do të jetë shumëpërfshirëse e shumetnike dhe se ajo do të shpaloset pas certifikimit të rezultatit zgjedhor.
Burime në PDK thonë se Hashim Thaçi është i padiskutueshëm për postin e kryeministrit. Ndërkaq* e aktualisht në planin e Thaçit dhe PDK-së për koalicionin e ri thuhet se janë Aleanca për Ardhmërinë e Kosovës dhe Koalicioni për Kosovën e Re (përkatësisht AKR-ja) nga subjektet shqiptare.
Kurse pakicat besohet se do t’i marrin tri ministri edhe në qeverinë e ardhshme. Sipas planeve të PDK-së* jashtë qeverisë* nënvizojnë të njëjtat burime* duhet të mbeten LDK-ja dhe Vetëvendosja.
Për PDK-në* megjithatë mbetet diskutabile nëse oferta qeverisëse do t’u ofrohet si AAK-së së Ramush Haradinajt ashtu edhe AKR-së së Behxhet Pacollit* apo të dyjave bashkë. Një numër i konsiderueshëm i zyrtarëve të PDK-së* sipas këtyre burimeve* mbështet idenë që PDK dhe AAK bashkë me pakicat të ndërtojnë formulën qeverisëse* duke besuar se edhe disa deputetë të LDK-së do t’i bashkohen më pas koalicionit përmes “Listës dr.Ibrahim Rugova”.
Ndërkaq* zyrtarë të tjerë* nënvizon ky burim* pavarësisht se një koalicion më i gjerë me AAK-në dhe AKR-në do ta rriste pazarin* që do ndikonte që PDK të humbte disa ministri* besojnë më shumë në këtë formulë* ngase e shohin qeverinë e ardhshme më të qëndrueshme.
Lidhur me gjasat e lidhjes së njërit apo tjetrit koalicion* këto burime nga PDK thonë se janë të vetëdijshëm që çmimi që do ta paguajë PDK-ja do të jetë më i lartë krahasuar me rezultatin që kanë korrur qoftë* AAK apo AKR* në zgjedhjet e 12 dhjetorit.
PDK dhe mandatari i saj për kryeministër Hashim Thaçi janë zotuar se do ta bëjnë qeverinë e re diku nga mesi i shkurtit. Përveç arritjes së një marrëveshjeje koalicioni që siguron numra dhe qëndrueshmëri në Kuvend* partia fituese dhe mandatari për kryeministër kësaj radhe sikur i kanë edhe disa vija të kuqe nga faktori ndërkombëtar për ministrat që do t’i përfshijnë në ekzekutivin e ardhshëm.
Ata duhet të jenë me dosje të pastra dhe të mos jenë nën hetime* është një nga kërkesat e ndërkombëtarëve. Mbase* Thaçi dhe PDK do të kenë një dyjavësh intensiv pas certifikimit të rezultatit zgjedhor të gjetjes fillimisht të formulës qeverisëse e më pas edhe të njerëzve kredibilë që do të drejtonin ministrinë e qeverisë së vendit* duke ruajtur gjithnjë edhe numrat dhe mbështetjen në Parlament.