[Guri i madh]

IPOL: Kosova ndërton autostradë me paratë që nuk i ka Kosova është zotuar që të ndërtojë një autostradë me paratë që nuk i ka, konstaton Instituti Ballkanik i Politikave - IPOL.... Postuar: 04:13:32 / 16.02.2011
Kosova është zotuar që të ndërtojë një autostradë me paratë që nuk i ka dhe që nuk ka garancion për përmirësim ekonomik drastik, me çmimin e mosmirëmbajtjes së infrastrukturës që tashmë e ka, konstaton Instituti Ballkanik i Politikave - IPOL në analizën e titulluar “Autostrada e re e Kosovës dhe perspektivat për zhvillim ekonomik”, të cilën e publikoi sot.

Në një deklaratë të IPOL theksohet se Qeveria e Kosovës nuk ka justifikuar si duhet kostot e benefitet për këtë projekt dhe ende nuk ka paraqitur ndonjë plan konkret për implementimin e këtij projekti. Gjithashtu plani për këtë projekt ende nuk është bërë plotësisht transparent. Kjo analizë ka për qëllim që të diskutojë beneficionet që do të sjellë ky projekt për Kosovën, si dhe pikëpamjet se sa është i nevojshëm ky projekt duke marrë parasysh situatën ekonomike dhe politike në vend. Analiza konstaton se me nënshkrimin e kontratës ndërmjet Qeverisë së Kosovës dhe konzorciumit amerikano-turk “Bechtel-Enka” për të ndërtuar autostradën Morinë-Prizren-Prishtinë-Merdare, u bë bujë e madhe duke e parë këtë autostradë si një hap drejt rritjes ekonomike së Kosovës.