[4peace]

Postimi origjinal është bërë nga Gentiani

pse a po te dhimbet, qa sa mua qikjo Ingja Hyle se e nxuna tu reputicirat me saç te flijes

Aaaaah leee, leeee edhe ti Ingja Hyl mos ja .. nanen ku e gjete reputacjon te murem me japen ne vend se me shkue tre rreshta flie qatje nelte me ja futen

Jo s'po m'dhimet hiç... ama po m'çuditë...
...me sa palë mend po flet.

Po flet sikur t' kishte qenë në ndonjë planet tjeter...



...duke harrue se me ni koleshnik osht, bashk me Thacin e Pacovin...


Ce, Pacovi, qysh ne intervisten e pare na paska premtue forcimin e multiçenticitetit...
Asnje vend ne bote qe i ka 5% pakica nuk quhet mu(l)ti(ç)entik pos Kosoves...

A e din p(ër)se?
Sepse, ne Kosove, faktikish sundon Serbia´. Kurse shqiptaret jane "pakice". Per ate :

Me ne fund, ja nje "kenge" kushtuar "mikut" tone Gadafi:


PËRKRAHJE MIKUT, NË DITË TË VËSHTIRA !

Prishtinë, 25 shkurt 2011 (Kosovapress) Koha 14:07




Behxhet Sh. SHALA
Mukit tim të dashur, me plot pozitivitet:

I dashur miku im Moamer,

Para disa muajve na prite si burrat në çadrën e beduinëve. Erdhëm si të na kishe ftuar në dasmë. Bëmë qef e zevk, pimë, hëngrëm , vallëzuam dhe kënduam! Respekti ndaj tej ishte i madh, thuaja mistik! Nga ky respekt ne nuk të shikonim dot në sy. Jo nga turpi! Sepse nuk ishte këtu çështje turpi! Ne kishim ardhur të udhëhequr nga dashuria e madhe për Kosovën dhe u përkulëm para teje në mënyrë që ta kemi përkrahjen tënde që burgu i madh në të cilin ti je kryepolici e që ti e quan shtet, ta njohë pavarësinë e Kosovës! Na quajte vëllezër dhe the se duhet ta plotësojmë një kusht të vogël për ta njohur pavarësinë e Kosovës; të lirohemi nga okupatori amerikan! Thënë të drejtën nuk ishte ky ndonjë kusht që nuk mund të realizohej. Por atëherë, unë, Behgjeti, dosti yt, nuk isha në pushtet ! As kjo Lulezeza që vallëzonte para teje e që e luante rolin e primadonës në vallëzim, këndim dhe politikë! As këta pjesëtarët e kontrabanduar të shoqërisë civile që pastaj zënë poste qeveritare dhe parlamentare! Tash kanë ndryshuar kohët, miku im i shtrenjtë dhe i paharruar! Po mirë që e nënshkruam një marrëveshje tregtare bukur të majme dhe nuk na shkojë ky ekskursion huq! Vallahi ky edhe ishte qëllimi im. Loboj për pavarësi, nënshkruaj për xhirollogari ! Jam fakir i madh unë! Punën e bëj me konstruktivitet të madh dhe në konkordancë të plotë me interesat e mia! Deri tash kam pasur shumë sukses; vet kam notuar mbi ujë ndërsa kungullin e kam zhytur nën ujë! Që të mos më thonë se :” nuk të shkon gjithmonë kungulli mbi ujë”. Me ndihmën e Zotit ( Dell ), Pushikarit, rrjeteve të telefonisë Vala dhe Ipko , njerëzve të hurit dhe të konopit, parave të Jelcinit dhe Kazakistanit, “ vetëm me ndershmëri “, u bëra Papë, Ajatollah, Xhingiskan, predsednik apo kryetar i Kosovës! Kur e pata më së shumti pisk, në ndihmë më doli motra jote dhe e imja, tetka Rada Trajkoviq. Haptasi e tha se e jep votën për zotni Pacollin si president por jo edhe votën për zotni Hashim Thaçin si kryeministër të cilin e quajti tregtar organesh dhe padre padrino të krimit të organizuar! Nuk fola asgjë në mbrojtje të kryeministrit sepse do të zbehej konstruktiviteti im! Më duhej vetëm edhe një vote andaj këtë e fitova nga Ukë Rugova, babai i të cilit nuk më ka pranuar asnjëherë në zyrë! Kam dëgjuar se shqiptarët e kanë një thënie të bukur dhe simpatike : “ prej Skenderit del beteri dhe prej beteri del Skenderi”! Nuk po dihet kush është këtu beter e kush është Skender?! Ta kisha ditur më mirë gjuhën shqipe do të mësoja më shumë thënie popullore dhe do të isha më afër popullit tim që e dua aq shumë dhe për të cilin kam sakrifikuar aq shumë! Kështu, po kam probleme edhe me folë në gjuhën shqipe por edhe me i lexuar tekstet në këtë gjuhë të vështirë e që i shkruan Mentori!

Jarani im Gadaf,

Edhe mua po më donë populli sikur ty! Për zgjedhjen time president kanë votuar 37 deputetë kosovarë kurse kundër kanë qenë 53 deputetë shqiptarë. Më kanë shpëtuar votat e posllanikave të Radës e të Sllobodanit se pisk do ta kisha punën. Për këtë arsye kam vendosur që ta bëjë kombin kosovar multietnik ! Kësi masllahati nuk ke dëgjuar e as që mund ta dëgjosh! Po bëhet puna , lesh marie ! Argati im Nexhi që i mbushi grazhdin me taxhi kohë pas kohe po thotë se është baba i kombit kosovar! Unë po bëhem baba i kombit kosovar multietnik! Kam vendosur gjithashtu që t’i mësojë kosovarët që më mos t’i urrejnë serbët por t’i duan ata aq më parë kur dihet se çfarë dashurie kanë shfaqur serbët ndaj shqiptarëve, këtu e 100 vjet! Dua t’i pajtojë serbët dhe shqiptarët. Në luftë kanë bërë krime të dyja palët e që do të thotë se jemi barabar në krime! Ta harrojmë të kaluarën dhe të shkojmë përpara. Mendoj t’i bëjë disa reforma ekonomike në veri! Veriun do ta shndërrojë në zonë doganore të lirë ose ta bëjë një kombinim; zonë doganore dhe kriminale të lirë! Unë jam si Profeti prandaj nuk më duan në vendin tim ! sikur që as ty nuk të duan në vendin tend! Mua më kanë gozhduar si Krishtin në aspektin moral ( kinse kam blerë vota me para ) kurse ti ke gjasa të mëdha vërtetë ta pësosh si Krishti, që të gozhdojnë edhe fizikisht!

Dosti im Moamer,

E di se nuk e ke lehtë. Prandaj edhe po të shkruaj sepse :” miku i mirë të gjindet në ditë të vështira “. Mund të vish te unë lirisht. Të pres duarhapur dhe me pozitivitetin më të madh! Në fund të fundit, nëse vetëm nga një natë e kalon në shtëpitë e anëtarëve të delegacionit për lobim që të vizituam o Humanisti Ynë I Madh , e ke siguruar strehën thuaja për 7-8 muaj. Kërkoj falje që nuk mund ta plotësojë dëshirën që t’i sjellësh këtu karvanin e deveve sepse nuk ka kushte për to! Mirëpo po propozoj, nëse pajtohesh ti që në vend të deveve ta sigurojë një karvan me gomarë. Të tillë ka sa të duash! Muzikë me dajre do të kesh sa të duash. Tash Lulebora u bë e madhe ! Të gatuan edhe flija që nuk i ke ngrënë kurrë në jetën tënde! Kur të teket shkojmë në Serbi ku i kemi miqtë e dikurshëm! Madje edhe zyrtarisht. Tash po i nisim bisedimet me Serbinë prandaj i kemi dyert e hapura. Unë si kryetar kurse ti si këshilltar imi për të drejtat e njeriut! Ku ka person më kompetent për të drejtat e njeriut se që je ti, Humanisti Ynë I Madh! Po ta japë një këshillë, miku im! Mos u dorëzo! Unë nuk u dorëzova dhe fitova! Ti mos u dorëzo dhe fiton; të trashët e Surlës! Menjëherë të lidhi tash me argatin tim që më është besnik si të ishte banor i Sharrit! Quhet Mitronexhi. Është mjeshtër i konspiracionit, varianti kosovar i Rasputinit! Edhe mua më këshillonte! I qet diçka në gushë dhe ai menjëherë del në fushë! Sikur bajlozi! Nëse të bjen rasti ta takosh njëfarë Behxheti, mos u ndal! Mos i fol! Është qafir, ibret, besharet, i pafe, bënë iftire, mashtrues etj. Me një fjalë nuk është i tarafit tonë. Mos ta preftë rrugën se ta prapton kerrin në tah të rrafshit!

Kam filluar t’i luaj gurët ashtu si kam dëshirë. Dje isha në vizitë te varri i babës së Ukës që ma dha votën. Isha edhe në shtëpi ! M’u bë qefi sepse baba i Ukës kurrë nuk më ka lënë me hy brenda! Isha edhe te familja Haradinaj ! Më pritën si burrat që e presin burrin! Edhe baca Rifat Jashari më priti burrërisht. Më ka bërë të qesh sepse tërë kohën më guduliste me ato mustaqet kilometrike. Më tha të bëhem i pari i Kosovës!

Miku im i dashur Moamer el Gadafi,

Jam besimtar mysliman. E di çka është burrëria, ndershmëria, bujaria, sakrifica, trimëria, atdhedashuria, sinqeriteti, konstruktiviteti dhe pozitiviteti prandaj në akordancë të plotë me këto virtyte dhe në konkordancë me miqtë e mi, të ftoj miqësisht të vish këtu , në Kosovë! Është e vërtetë se nuk kemi shkretëtirë e që nuk do të thotë se nuk do ta bëjmë shkretihane! Nëse Kuba, Venezuela, Kazakistani apo Sudani i Mulla Omar Bashirit nuk të ofrojnë strehë, eja këtu te ne ! Këtu mund të ndjehesh shumë i sigurt! Sidomos në veriun e Mitrovicës ku kriminelët e të gjitha ngjyrave mbrohen nga UNMIK-u, policia e EULEX-it, KFOR-i, BIA, Milicia e Serbisë dhe krahu i Serbisë i Policisë së Kosovës. Në fund të fundit, aty është bota jote! Unë do të vizitojë, kohë pas kohe!

Krejt në fund. Kam vendosur t’i çojë në vend amanetet e Ibrahim Rugovës dhe Adem Jasharit ! Nëse doni besoni, nëse doni mos besoni! Unë jam njeri i fjalës!

Ke shumë të fala nëse ende je në këtë botë!



***