[Legend]

NJË YELL QË NUK SHUHET KURR
(shkruar nga shkrimtari, autor i : « Lufta pa maska » prof.S Krasniqi)

Duke ditur që kudo që paraqitet Adelina,nëse nuk shkon në fillim të shfaqjës,është vështirë ta gjesh një vend te lirë për tu ulur.Shpesh edhe në këmbë e ke ngushtë.Me mikun tim,u nisëm drejt Lozanës,më herët se zakonisht.Posa arritëm para « Insomnia Club »,na u deshtë të bëjmë disa lëvizje dhe rrotullime poshtë e lartë,duke kërkuar vend që ta parkonim veturën tonë.Në parkingun e diskotekës nuk kishte më asnjë vend.Pas një ecjeje këmbë,që na bëri mirë,u gjendem para « Insomnia Club »,ku një grumbull njerëzish,të të gjitha moshave,në disa kolona,prisnin me disiplinë për të blerë biletën.Përveq një zëri të humbur,që mbeti pa përgjigje,askush nuk pyeste për cmimin jo të zakonshëm prej CHF 30-.

Adelina do t’i identifikoj fansat e vet të vërtetë
Pasi u akomoduam mirë, në lokalin e rinovuar, pa tym duhani, prisnim të shohim edhe ndonjë këngëtar apo këngëtare, të cilët, pak për t’u afirmuar vet, ,pak për të rritur numrin e publikut,bëjnë shpesh një atmosferë të mirë dhe ngrohin të pranishmit para daljes së artistit kryesor. Por jo ! Nga zëri i DJ Naimit, lehtë kuptohej se në program, në këtë mbrëmje, ishte vetëm Adelina Show. Nga kureshtja e pyeta një zyrtar të lokalit, pse ndodhte kështu ? Rrudhi krahët dhe nuk foli. Megjithatë arritëm të kuptojmë se ishte insistimi i vetë Adelinës. Kjo më bëri përshtypje dhe më shtyri të mendoj se artistja, si duket, dëshiron të dijë cilët janë fansat e saj të vërtetë,dhe jo të « tërhiqet si vagon» i ndonjë këngetari apo këngetareje tjetër.
Dikur, menjëherë, pasmesnatës, në skenë u shfaq Adelina. Adelinë, Adelina, prapë Adelina, brohorit publiku ! Pa pritur, nxjerrin qindra e qindra celularë nga xhepat dhe në parter fillon një shtyrje e paparë - secili mundohet t’i afrohet skenës.Skenë mjaft e ngjashme sikur shikojmë MTV Music Awards,por me fansa të vërtetë dhe jo të montuar.
Por kot ! Parteri ishte i stërmbushur dhe vetëm ata më me fat që kishin blerë biletat të parët,edhepse pak të shtypur,rezistuan dhe mbetën aty afër skenës.Bie në sy një fanse zezake që bën të pamunudrën dhe depërton afër skenës me kamerë ne dorë.Të tjerët u deshtë të pajtohen që të filmojnë artisten edhe nga 50 metra larg.Ajo,ende pa filluar këngën,me plot elegancë ,duke përshëndetur nga skena,elektrizon publikun.Duke dashur të përshëndes të gjithë,nuk harron të përkulet herë majtas,herë djathtas.Ndërsa,ndonjë të njohshëm e përshëndet special duke ia drejtuar dorën,por nuk ia përmend emrin : nuk do dallim mes fansave të vet.Miku më thotë : « Adelina po shpalos më në fund zotnillëkun e vet,e sheh ?Eh,megjithatë është e rritur me tradita dhe e shkolluar për këtë që bën. »

Filloi me vallëzimin Flamenco Dance dhe përfundoi me kolazh popullor shqip.
Shfaqjet e saj janë gjithmonë premierë. Sa herë që i kam parë, në vende të ndryshme, si këtu, sikur sivjet verës në Ulqin, ndryshojnë gjithmonë nga njëra tjetra. Derisa herën e fundit, këtu, u paraqit me një trupë valltaresh zvicerane shumë profesionale, gjë të cilën e kishte praktikuar edhe gjatë verës, në mëse 15 koncerte, për vetëm 5 javë, gjithandej trojeve shqiptare, sonte kishte përgatitur një program me skenografi krejt tjetër. Me ketë, Adelina me gjithë shpirt dëshiron të ushqej të pranishmit me pika e zhanre të ndryshme muzikore. Dhe, nuk i mbetet borxh askujt...
Gjatë gjithë kohës së shfaqjes, në secilën pjesë, sipas përmbajtjes së valles apo këngës ndërron veshjen, ndërron stilin e këndimit, ndërron dhe përshtat lëvizjet në skenë. Veç kësaj, ajo u jap rast edhe artistëve të rinj të fushave tjera që në spektaklet e saj të paraqiten me artin e tyre, sikur artistit zvicrran me flakadanë dhe një grupi të rinjsh të cilët luajtën disa valle shqip me veshje kombëtare. Ndërsa, për fillim të show-t të saj kishte zgjedhur të vallëzojë Flamenco,është hera e parë që një këngëtare shqiptare e shoh të bëj zgjidhje kaq të zorshme në koncert.Pas disa lëvizjeve,të të bëjë të harrosh që jemi në një atmosferë shqipe.Gracioziteti i saj në skenë lë përshtypjen që po shikon festën e toreadorit i cili e di që gjithmonë fiton. Iu deshën vetëm dyzet sekonda që të kthehet me pike vallëzimi Belly Dance,që quditerisht,asnjëhere nuk la pershtypje vullgare tek publiku,gjë që përkrah thënien që Adelina është profesioniste deri në përsosmëri.Tërheqja e saj elegante nga skena,dhe aktivizimi i Video Beemer-it gjigant ne skenë ku silleshin fotot e saj me efekte speciale muzikore te punuara enkas vetëm për këtë Show,paralajmëronte befasinë e rradhës.Mijëra duar u ngriten lart dhe brohorimat nuk po ndaloni dot,kur ne skenë hynë vallëtarë te valleve popullore shqipe dhe u degjuan tingujt e parë të « Vallja e Rugovës ».Djem dhe vajza të reja që po iu jipej shansi të dëshmonin talentin e tyre para një audience aq të madhe,u liruan nga emocionet kur në valle u bashkëngjit Adelina me veshje origjinale shqipe.Hapat e saj te koordinuar në perfeksion me ritmin shqiptar,përkujtojnë pikturat më të bukura te artit shqip ku piktorët tonë ndër shekuj kishin portretizuar hijeshinë e femrës shqiptare në vallëzim.Menjëherë vazhdoi me këngën kushtuar kryeheroit “Skënderbeu”,ku flakët në skenë lenin përshtypjen e ndonjë spektakli të punuar për San-Remo…apo yvertyrën imagjinuese artistike për kthimin e Skendërbeut. Po me këngën, unë mendoj, më hit nga hitet e saj, “ Ushtrinë time do ta bëj me Ibrahim Rugovën”, Adelina e ndez publikun si gjithmonë, të cilët me një dorë e filmojnë, me tjetrën e përshëndesin duke e ngritur lartë dhe këndojnë bashkë me të. Ndonjë fans, pak më emocional, në atë rrëmujë të elektrizuar edhe mundohet ta prekë edhe pse ajo është lartë në skenë dhe brohorisin Adelina, Adelina, Rugova, Rugova! Me këngën “Urdhër i Ri Illyric”, artistja i stolisi kryeheronjtë e periudhave të ndryshme që u sakrifikuan për trojet shqiptare.E mësuar që të mos e lënë të largohet lëhtë,priti me respekt derisa zërat qe brohorisnin « Edhe një,edhe një » të qetësoheshin,dhe premtoi kthimin e saj në skenë pas pak minutash.
Në pjesën e dytë, Adelina ashtu qysh nuk e harron asnjë fans të vetin, pas këngës së heroit të saj, për të mbushi zemrën e secilit me përkushtim shumë të madh e këndon këngën, “Uragan çohen krenarët” që u kushtohet të gjithë dëshmorëve të të gjitha kohërave të shqiptarëve, të cilën e përfundon me dy fishekzjarrë gjigante mu në mes të skenës. Brohoritje dhe duartrokitje shumë të gjata pasuan pas kësaj skene. Madje, disa të njohshëm, vizitorë të përhershëm, më flisnin se nuk mbanin mend që dikush të ketë ndezur fishekzjarrë në Insomnia Club. Duke vazhduar me disa nga hitet e saj të zhanreve pop,rock,hip-hop,parodi,Adelina adhuruesit e vet i kalon nga një gjendje shpirtërore në tjetrën,si një dramë dashurie që nis pa fjalë,vetëm me lëvizje-vallëzim,për të kaluar tek respekti i thënë deri tek zhvillimi i kënaqëshëm i kënduar asaj që të gjithë e dashurojnë marrëzisht-një jetë përrallore ,e kënduar dhe vizuelizuar në vetëm një koncert .

Pjesa e tretë prap solli nje tjetër Adelinë.Këngët e lehta qytetare te ndërthurura mjeshtërisht me kënge burimore shqipe,bëne që salla këtë herë vërtet të quhet e « elektrizuar ».Edhe ata që tërë mbrëmjen s`kishin futur asnjë pikë alkooli në gojë, vallëzonin dhe këndonin,pa përjashtim.Me flokët e mbledhura pas shpine,një fustan të gjatë që është parë deri më sot vetëm në tepihun e kuq te Hollywood-it,lëvizje prej balerine dhe zë sa melankolik,aq i fuqishëm,mbi tre qerek ore nuk ndaloi asnjëherë dhe prap…publiku po kërkonte këngë tjetër.Këtë herë Adelina nuk tërhiqej dot,publiku nuk po ndalej.Filloi këngën « Kosovë nena ime » me një intonim pak më ndryshe…e ktheu në « Kosovë,dhëmbja ime,dashurinë tende zemra kurr s`ka me harrua ». Publiku,njejt si vet Adelina,dukeshin ashtu siq duken shqiptarët gjithmonë.Mes dhëmbshurisë për realitetin kosovar dhe lumturisë së asaj mbrëmje,e duartrokitën pa fund.Syri me zuri një grua në mezomoshë qe po e duartrokiste duke e shikuar e buzëqeshur mes lotëve.Mbrëmja mbaroi me shumicën e të rinjëve që pa humbur kohë,ia mësyen të fotografoheshin me Adelinën.

Gazeta “Shekulli” ka bërë një zgjedhje dinjitoze dhe të drejtë
Dinamika në skenë, vallet, këngët e ndonjë fjalim i shkurtër i artistes, e sidomos salla që nuk zbrazej, na bënë që ta harrojmë kohën. Pasi ora iu kishte afruar orës katër të mëngjesit, një zë në tavolinën afër time, u thoshte shokëve që sonte sigurisht Adelina do ta vazhdoj Show-n e saj për një orë, sepse qëlloi nata kur ndërrohet ora. Nuk di, me marrëveshje a pa të, por pas pjesës së tretë të këngëve popullore, me duartrokitje dhe kërkesa të zëshme, sa dukej se mbaronte programin e kthenin prapë në skenë.
Në tri paraqitjet e saj, ajo kapte publikun sikur antenë satelitore duke shkaktuar një gjendje emocionale sipas vallës apo këngës që ekzekutonte në skenë. Përfundimisht, jam shumë i sigurt se gazeta “Shekulli” me plotë të drejtë, para disa dite e shpalli Adelina Ismajlin, artiste numër një me ndikim në Shqipërinë Etnike. Ky gjest i gazetës “Shekulli” sikur i ka kurorëzuar të gjitha epitet e deritashëm, si Divë, Primadonë e Pop-muzikës shqiptare,Themel i Muzikes Moderne,Pop Ikona Shqiptare në Europë etj., që fansat por edhe profesionistët e Muzikës Mbarëshqiptare i kanë dhuruar ndër vite,me plot meritë Adelinës. Dedikimi i vendi të parë: Artistja më me influencë në trojet shqiptare, padyshim, i jep edhe një elan dhe shtytje për ndërmarrjen e saj artistike në Paris,që çdo moment pritet të shpërthejë si një revolucion në artin shqiptar.
Në Paris…atje ku shumë artistë shqiptar ,të pakuptuar në kohën e vet,kanë gjetur atë që i duhet artit,si shqiponjës qielli-lirinë.