[Legend]

Postimi origjinal është bërë nga LOJETARI

Qy qy , a në të njëjtën sallë a ? Hallall a ? sigurisht që edhe të njëjtën hyrje e kanë përdor !

Hehehehe...

Yll shqiptar që performon përkrah yjeve botërore

Adelina Ismaili më në formë se kurrë

Këngëtarja e cila gjithmonë surprizon fansat dhe publikun shqiptar padyshim është Adelina Ismaili, e cilësuar si diva e muzikës së lehtë shqiptare dhe këngëtare e cila dominon gjithmonë skenën. Ajo e cila para vetëm dy vitesh konsiderohej si një yll që e kishte përfunduar karrieren duke prekur majat e showbiz-it shqiptar dhe duke kaluar nëpër sfida që çdokush i konsideronte të pakalueshme, këto kohë është duke mbajtur një tour me koncerte në diskoteka zvicerane së bashku me Mr P!nk, një ndër DJ më të njohur zviceran, me të cilin realizoi edhe projektin e parë shqiptaro-zviceran.

Zbulohen foto nga vera e kaluar

Në vendin ku yjet e njohura botërore realizojnë koncerte, aty është gjendur edhe Adelina, por ajo që të bën përshtypje tek këngëtarja teksa e takon, janë linjat trupore, të cilat nuk kanë ndryshuar aspak, pavarësisht viteve që kalojnë. Me një trup sirene, me linja natyrale që ekzalton botën mashkullore ajo vazhdon t’i lërë me gojë hapur fansat e saj, ndërkohë që shumë kolege të saj zhduken me muaj nga skena për t’u rikthyer më vonë me ndërhyrje kirurgjikale estetike. Por si e ruan këtë anatomi dhe si qëndron gjithmonë kaq e freskët dhe e bukur Adelina? Ajo përgjigjet kështu: “Adelinën ju e shihni çdo ditë nga interneti, ku çdo 24 orë publikohet një foto e imja. Edhe po të doja të ndryshoja diçka nuk kam kohë si Adelinë, e cila ka më së paku 2 koncerte në muaj, album internacional në përgatitje, videoklipe, intervista, udhëtime, fotosesione dhe shumë komponime, tekste e orkestrime për të bërë këtu në Paris.Nuk kam braktisur skenat shqiptare,thjesht më duhet një sfidë më e madhe.Kam arritur të gjitha që mund të arrihen në Kosovë e Shqipëri,prandaj nuk më duket e arsyeshme të kërkoj dicka që tashme e kam,apo ti jap llogari dikuj.Gjithmonë kam bërë gjëra për qejfin tim,dhe shpesh pa qarë kokën si duken në sytë e tjerëve.E shoh që kam pasur sukses,në momentin që edhe tjerat pas meje bëjnë të njejtën.Sa për linjat trupore,jam unë ajo që bart seksipilitetin tim dhe i jap llogari vetëm njeriut i cili më bën të lumtur në këtë botë përrallash ku po jetoj dhe ku dua të festoj jetën që më dhuroi fati pas shumë sfidash që më montonin qelbanikët,jetë përallash që kam menduar që nuk ekziston një lumturi kaq e madhe.Tjerët?Hahaha.Preferoj të flitet, të thuren këngë, klipe tekste dhe çfarë të duan për anatominë time ata që kalojnë tërë kohën duke më studiuar”, tregon me një buzëqeshje të çiltër këngëtarja e cila arriti që nga personi më i përfolur për skandalet të bëhët shqiptarja e parë e muzikës moderne shqipe që prek majat e sukseseve te show bizzit europian.

Filloi realizimin e "ëndrrës më të madhe"

E teksa ajo shijon suksesin e arritur vetëm për një vit, e të cilin e dëshiron çdo artist ballkanas e më gjerë, gjykuar nga reagimi i komentuesve të shumtë në internet, shqiptarët krenohen me një artiste si Adelina, e cila tashmë po sfidon veten përkrah yjeve botërore. Fillimisht duke realizuar koncerte në diskoteka zvicerane, ku gjithashtu aty ftohen dhe yje të njohur si 50 Cent, Snoop Dog, Ciara, Rihanna etj.. Se ç’ka do të na sjellë Adelina në këtë pranverë-verë të 2011-ës mbetet për t’u parë më vonë. “Nuk dua të zbuloj asgjë momentalisht nga ana profesionale për një arsye të thjeshtë: Nuk po punoj të më vënë notën, por po punoj ekskluzivisht për veten", ka përfunduar këngëtarja për “********”.