[Jana]

TOKIO- Japonia është goditur sot në mëngjes nga një tërmet me magnitudë 8.9 gradë të shkallës rihter, një ndër 10 tërmetet më të fuqishme në 150 vitet e fundit, ndërsa një cunam dallgët e të cilit arrinin lartësinë 10 metra është përplasur në brigjet e qytetit Sendai, kryeqendra e prefekturës Mijagi, në veri perëndim të Japonisë. 30 minuta me vone nje tjeter termet eshte regjistruar.

Bilanci i viktimave për momentin ka arritur në 1000 të vdekur, dhjetra të tjerë rezultojnë të zhdukur. Bilanci është provizor dhe ndryshohet minute pas minute. Gati të gjithë viktimat kanë gjetur vdekjen nga shembjet e ndërtesave, si shembja e një shtëpie pushimi në Fulushima, ku gjetën vdekjen 5 persona. Ndërsa agjencia e lajmeve Reuters informon se një anije me 100 persona në bord është përfshirë nga Cunami. Sipas kompanisë "Tohoku Electric Power", rreth 4,4 milionë familje kanë mbetur pa energji elektrike në verilindje të Japonisë. Agjencia japoneze e lajmeve njofton zhdukjen e një treni të dytë. Rrezik nga clirimi i avujve radioaktivë pas dëmeve në centalin bërthamor të Fukashimas.

JAPONI, ALARM PËR CUNAM TË RI
Ora 22:45- Një tjetër tërmet ka godituar pak minuta më parë Japoninë. Bëhet fjalë për një tërmet me magnitudë 7,5 ballë shkalla rihter, ndërkohë që agjencia meteorologjike japone ka dhënë alarmin për një cunam të dytë.

TË PAKTËN NJË I VDEKUR NË KALIFORNI
Ora 22:32- Cunami që preku Japoninë arrin edhe në Kaliforni. Të paktën një person ka vdekur, sipas një raporti të përkohshëm pas valëve mbi 2 metra, të cilat goditën në këto momente portin e Gjysmëhënës, në pjesën veriore të Kalifornisë

JAPONI, OBAMA DËRGON NJË AEROPLANMBAJTËSE TË DYTË
Ora 22:25- Presidenti amerikan, Barack Obama vendosi dërgimin e një aeroplanmbajtëseje të dytë, veç asaj ''George Ëashington'' që ndodhet tashmë pranë brigjeve të Japonisë, për të kontribuar në ndihmë të të prekurve të tërmetit dhe cunamit që kanë goditur sot vendin, vendim të cilin e bëri publik vetë Obama gjatë një konference shtypi në Shtëpinë e Bardhë. Aeroplanmbajtësja në fjalë është USS ''Ronald Reagan'', fillimisht ishte nisur drejt një rajoni pranë Koresë së Veriut.


POLICIA: 378 TË VDEKURI TË VERIFIKUAR
Ora 22:15- Rritet numri i viktimave të cunamit në Japoni. Sipas policisë vendase janë rreth 374 viktima të konfirmuara, ndërsa për herë të parë ata deklarojnë se numri real mund të shkojë edhe në 1 mijë.

KATËR TRENA TË HUMBUR
Ora 22:00- Sipas autoritetve japoneze bëhet fjalë për 4 trena që kanë humbur gjurmët pas tërmetit të parë dhe cunamit në Japoni.

CENTRALI NË FUKUSHIMA, RREZIK AVUJSH RADIOAKTIVË
Ora 21:40- Centrali bërthamor në Fukushima, ku tërmeti ka shkaktuar probleme serioze në sistemin e ftohjes së reaktorëve, mund të clirojë avuj radioaktivë. Lajmi u publikua nga agjencia Kyodo. Në orët e fundit, qeveria japoneze urdhëroi evakuimin e 3 mijë njerëzve që jetojnë në zonën afër stacionit.

TËRMETI NË JAPONI UL ÇMIMIN E NAFTËS
Ora 21:20- Tërmeti në Japoni ka shkaktuar rënien e çmimeve të naftës nën 100 dollarë për fuçi, për herë të parë në më shumë se një javë."Çmimi i naftës së papërpunuar ka rënë ndjeshëm pasi pjesë të konsiderueshme të rafinerive në Japoni janë mbyllur për shkak të tërmetit dhe cunamit", citon agjencia Reuters zyrtarët lokalë. Japonia është njëra nga importueset më të mëdha të naftës në botë.

NJË TËRMET TJETËR 6,6 BALLË GODET BREGUN PERËNDIMOR
ORA 20:50- Një tërmet tjetër i fortë 6,6 ballë ra sot rreth orës 4:00 të mëngjesit (e premte 19:00 GMT) në prefekturën Niigata, në veriperëndim të Japonisë, në anën e kundërt të bregdetit të Paqësorit tashmë i shkatëruar nga një tërmet dhe një cunami. Lëkundjet u ndjenë në Tokio si dhe në shumë prefektura të qendrës së Japonisë. Më të fortat u regjistruan në zonën malore Nagano, afër Niigata-s, mësohet nga të dhënat e agjencisë meteorologjike.

PAPA SHPREH NGUSHËLLIME PËR FAMILJET E VIKTIMAVE
Ora 20:30- Papa Benedikti i XVI u shpreh ''thellësisht i tronditur për pasojat tragjike të tërmetit dhe cunamit në Japoni, dhe shpreh një mbështetje dhe solidaritet për familjet e viktimave, thuhej në një telegram të dërguar në emër të Papës nga kardinali Sekretari i Shtetit të Vatikanit, Tarcisio Bertone presidentit të Konferencën Ipeshkvnore të Japonisë.

ZHDUKET NJË TREN TJETËR
Ora 19:00- Një tren i dytë me dy vakona u zhduk pas cunamit në prefekturën Iëate në verilindje të Japonisë. Lajmi është bërë publik nga agjencia vendase e lajmeve Jiji, e cila nuk ka specifikuar nëse bëhet fjalë për një tren mallrash apo pasagjerësh.

AGJENCIA JAPONEZE KYODO: MBI 1000 TË VDEKUR
ORA 18:26- Tërmeti shumë i fortë dhe cunami që goditën sot verilindjen e Japonisë ka të ngjarë të kenë shkaktuar vdekjen e më tepër se 1 000 personave, njoftoi agjencia japoneze e shtypit Kyodo

REGJISTROHEN EDHE 6 GODITJE TË TJERA TËRMETI NË JAPONI
ORA 18:00- Tronditjet e tërmetit vazhdojnë në Japoni. Deri tani raportohen edhe 6 lëkundje të tjera, njëra prej të cilave me magnitudë 6,1, raporton Instituti i Gjeofizikës të Amerikës. (USGS)

TËRMETI GODET KILIN
Ora 17:50- Një tërmet me magnitudë 5,1 tronditi Kili verior në këto momente. Nuk është raportuar për dëme apo të plagosur, por mësohet se epiqendra e tërmetit është regjistruar në rajonin e Antofagasta, 1,300 km në veri të Santiago.

MË SHUMË VIKTIMA NË JAPONI, TV ASHAI: 337 TË VDEKUR
ORA 17:28- Nga ora në orë ndryshojnë edhe të dhënat për numrin e viktimave në Japoni. Sipas Televizionit vendas TV Ashai kanë vdekur rreth 337 përsona, ndërsa 531 të tjerë janë të zhdukur.