[Guri i madh]

në institucionet e dhunshme te kosoves esht cek se bisedimet jan teknike nuk ka bisedime per statusin e kosoves e as per rregullimin e mbrendshem te shtetit te kosove

a ne jemi deshmitar qe nderkombtart e votun e zgjedhen qeverin qe ju shkon per shtati per bisedime me shkinin

kto institucione te dhunshme na kan than se nuk po mbahen bisedimet per status special per veriun

--------------------------------------------------------------------------------------------

Nuk ka status special për veriun

Postuar: 15:53 / 13.03.2011

Kryeministri Hashim Thaçi, para nisjes për në Turqi, të dielën, ka thënë se dialogu ndërmjet Kosovës dhe Serbisë për çështje teknike do të përmbyllet me njohjen e Kosovës nga ana e Serbisë dhe integrimin e të dyja shteteve në strukturat euroatlantike, duke i dhënë kështu fund kapitullit të konfliktit në rajon.Lidhur me dialogun, raundi i parë i të cilit është mbajtur më 8 dhe 9 mars në Bruksel me ndërmjetësimin e BE-së, kryeministri Thaçi ka thënë se ky dialog ka nisur mbarë dhe do të përfundojë me njohjen e Kosovës nga ana e Serbisë.
“Bisedimet mes Republikës së Kosovës dhe të Serbisë, apo dialogu për çështje teknike siç e dini ka filluar mbarë. Ky dialog do të përmbyllet me njohjen reciproke të Kosovës për Serbinë dhe Serbisë për Kosovën si dy shtete të pavarura dhe do të përmbyllet me integrimin e Kosovës dhe Serbisë në NATO dhe në BE, dhe përfundimisht do të përmbyllet kapitulli i konflikteve në rajonin tonë, do të ketë paqe, stabilitet dhe frymë euro atlantike”, ka thënë kreu i ekzekutivit, raportoi Express.
Kryeministri Thaçi ka përjashtuar mundësinë që pjesë e dialogut të jetë statusi dhe integriteti territorial i Kosovës.
“Integriteti territorial i Kosovës është i paprekshëm, është i njohur ndërkombëtarisht. Kosova është një, unike dhe për rregullimin tonë të brendshëm vendosim ne në përputhshmëri me Kushtetutën dhe ligjet tona”, ka thënë ai.
Sipas Thaçit, Kosova ka agjendën e saj të ecjes përpara drejt integrimeve euroatlantike, ndërsa ka hedhur poshtë mundësinë që veriu i Kosovës të fitojë status special.
“Nuk do të ketë status special. E theksoj për rregullimin e brendshëm ne në përputhshmëri me Kushtetutën dhe ligjet e Kosovës, dhe nuk do të vinë në shprehje në asnjë rrethanë ide të tilla. Kam theksuar edhe më herët dhe e ritheksoj edhe sot se kjo nuk do të jetë kurrë kjo temë”, ka thënë kryeministri Thaçi.
Ndërsa kryeministri ka thënë se gjatë Samitit Botëror të Liderëve të Ndryshimeve, që do të mbahet nga 14-15 mars në Stamboll, do të prezantojë të arriturat e konsolidimit dhe forcimit të shtetit të Kosovës.
Thaçi ka thënë se në këtë samit pritet të diskutohet për ndryshimet politike, ekonomike dhe sociale në botë, ndërkohë që ai këtë samit do ta shfrytëzojë edhe për takime me kryeministra dhe presidentë të vendeve pjesëmarrëse.
“Do të prezantoj të arriturat e konsolidimit, por edhe të forcimit të shtetit tonë, në të njëjtën kohë do të jetë një mundësi e mirë dhe e re edhe për komunikim bilateral me liderët të tjerë botëror, në mënyrë që të kemi edhe njohje tjera për Republikën e Kosovës, dhe do të kemi takime të tjera zyrtare dhe me kryeministrin Erdogan për thellimin e bashkëpunimit bilateral ne mes të Kosovës dhe Turqisë si partner të besueshëm dhe strategjik”, ka thënë Thaçi.
Samiti Botëror i Liderëve të Ndryshimeve, që mbahet çdo vit në Stamboll, synon të krijojë një platformë të diskutimeve lidhur me ndryshimet globale në fushën e ekonomisë, politikës dhe atë sociale, duke mbledhur në këtë takim akademikë, përfaqësues të biznesit, politikanë dhe liderë nga vende të ndryshme.
Në këtë samit, Thaçi shkon me ftesë të homologut të tij turk, Recep Tayyip Erdogan. /Telegrafi/
-------------------------------------------------------------------------------------
Krasniqi: Propozimi i GNK-së është i papranueshëm Kryetari i Kuvendit të Kosovës, Jakup Krasniqi, tha se propozimi i Grupit Ndërkombëtar të Krizave për dhënien e një statusi special veriut të Mitrovicës, është i papranueshëm për institucionet e Kosovës. ... Postuar: 03:10:18 / 15.03.2011
Ndërkohë, Krasniqi tha se bisedimet me Serbinë kanë vonuar njohjet për Kosovën. Kryetari i Kuvendit këto komente i bëri pas mbledhjes së Kryesisë së Kuvendit.