[Llapjani_HH]

Rrenë ish se kush nuk i kish thirr qeveritart e Kosovës në Vatikan.
Ani qysh nuk po ju vjen marre me rrejt!

Në Vatikan delegacioni i Kosovës shkoi pa ftesë

Vatikani ka reaguar me habi në lajmin e mediave kosovare se Selia e Shenjtë e ka ftuar një delegacion shtetëror të Kosovës për të marrë pjesë në ceremoninë e lumturimit të Papës Gjon Pali II.

Njoftimi zyrtar që u dërgua në Zyra e kryeministrit Hashim Thaçi, e që u botua në media, thoshte se me ftesën zyrtare të shtetit të Vatikanit, kryeministri Thaçi merr pjesë në këtë ceremoni.

Duket se “ftesa” e Vatikanit është një zbulim i Qeverisë së Kosovës, pasi shteti që gjendet brenda hapësirës gjeografik të Romës, nuk dërgon ftesa, as shteteve më të mëdha të botës.

Shefi i programit shqip të Radio Vatikanit, Dom Davidi, nuk mund të besonte se Qeveria e Kosovës mund të ketë bërë një njoftim të tillë, duke shprehur bindjen se janë mediat ato që e kanë transmetuar gabimisht lajmin.

“Nuk ka pasur ftesë për Kosovën e askënd tjetër, në raste të tilla janë përfaqësuesit e qeverive ato që paralajmërojnë vetë me dëshirë pjesëmarrjen”, ka thënë përmes telefonit për Zëri, Dom Davidi.
Telegrafi