[Lapsi]

Si çdo agim dhe çdo pranverë që vjen, simbolizon një fillim dhe shpresë të re. Edhe një shekull dhe mijëvjeçar i ri e shpreh të njëjtën gjë. Në këtë kontekst, brenda mundësive kohore, mbi të cilat kemi apo nuk kemi mundësi, njeriu kërkon zgjidhje të çështjeve, kërkon shkëndij të re në jetë. Ai lufton kundër të keqes, ngase dëshiron të hedhë një hap në dritë. Mijëvjeçari erdhi. Posa kaloi “dehja”, dita e dytë e janarit ishte ditë e rëndomtë. A thua sistemet e shoqërive tona gjenden para kolapsit? A thua po na përsëriten skenarë që dikur mendonim se kanë ndodhë vetëm në histori. Por, kohëve të fundit shoqërit ballafaqohen me mosiguri, ku shfaqet indeferenca e pajtueshmërisë, se sa ajo optimiste ndaj ngjarjeve që po na ndjekin në çdo hap. Pas vitit 2001 nuk mund të besohet se frika për ardhmërinë është eliminuar. Gjendjen shpirtërore të kohës e karakterizojnë përhapja e koncepteve të ndryshme për botën nën ndikimin politik si dhe rritja e krimit të organizuar. Ndërkohë është e njohur teza e Samuel Huntigtonit për konflikte të qytetërimeve, që vështir mund të evitohet. Dhe gjithë mendojnë se koncepti i rritjes së fanatizmit fetar është shkaktar për krimin e organizuar dhe aktet terroriste. Mirepo, sa është e qëndrueshme kjo teori? Edhe pse ka funksion sinjalizues, është defanzive...