[Zero Cool]

Njihni shenjat që të tregojnë se është “ftohur”



Kur jemi të dashuruar në ndokënd, nuk është e lehtë ta pranojmë faktin se atij personi më nuk “ia ndien” për ne. Edhe pse të duket se ato sinjale të cilat tregojnë për fundin e lidhjes lehtë mund të dallohen, shpesh nuk është kështu pasi që shumica janë të prirë për vetëmashtrim. Për këtë mendoni mirë për treguesit e ardhshëm, dhe me siguri i dashuri nuk është interesuar më për ju nëse:

Nuk i kthen thirrjet tuaja

Natyrisht, nuk duhet vetëm djemtë të jenë ata që i mbajnë “dyzginat” në duar dhe gjithmonë të marrin iniciativën. Por, nga djali megjithatë pritet që t’ju thërrasë dhe të marrë shpesh iniciativën. Nëse jeni tashmë së bashku apo lidhja juaj është në vetë fillimin, ndërsa ai kurrsesi nuk lajmërohet, nuk duhet shumë ta lodhni trurin se pse kjo është kështu pasi që përgjigja fshihet në atë se - ai thjeshtë nuk lodhet për ju.

Shpesh ka justifikime për mostakimin me ty

Kur duhet të shiheni, ai ose ka trening, apo duhet diku të shkojë me “pleqtë” apo papritmas duhet ta rregullojë tërë shtëpinë. Ai ndoshta ka vërtet obligime të shumta, por djaloshi i dashuruar tashmë do të gjente mënyra (kohë) që megjithatë të shihet me ju. Nëse këto justifikime zgjasin shumë gjatë dhe duket se nuk kanë fund, me siguri që i dashuri dëshiron ta paralajmërojë fundin, por nuk ka fuqi ta thotë këtë.

Gënjen apo është i pasinqertë ndaj jush

Besimi dhe ndershmëria janë themel i secilës lidhje. Nëse dikush nuk dëshiron të jetë i sinqertë ndaj personit tjetër në lidhje, do të thotë që për të më nuk ka thjesht besim. Të gënjen apo thjesht më nuk ka besim, kjo do të thotë që më nuk sheh te ju atë që e shihte dikur.

I “imponohet” vajzave tjera

Djaloshi i dashuruar nuk ka nevojë, së paku jo vetëdijshëm që të flirtojë me vajzat e tjera. Mendoni se a është kjo vërtet kështu apo vetëm të duket ty? Nëse jeni të sigurta që është duke flirtuar me vajzat tjera dhe atë para hundës tënde, me siguri që nuk dëshiron t’ju bëjë xheloze (pasi që kjo më nuk është taktika që e aplikojnë kundër vajzave), por ndjenjat e tij ndaj jush më nuk janë të fuqishme siç ishin më parë.

Nuk ju njofton më me miqtë e tij

Djemtë dinë të jenë të turpshëm para miqve të tyre kur janë në pyetje vajzat. Derisa vajzat do t’ia pranojnë shpesh shoqeve të tyre diçka sikur: “E adhuroj dhe do të bëja gjithçka për të! Jam aq e lumtur”, ndërsa djali para miqve të tij me siguri do të thotë: “Po, jemi së bashku, është OK”. Po ashtu, ndoshta do të turpërohet para miqve që zyrtarisht t’ju prezantojë apo të shkëmbejë ndonjë fjalë për ju. Por duhet ditur se nëse nuk të prezanton para miqve të tij, diçka nuk është në rregull!

Nuk tregon interesim për gjërat dhe problemet e tua

Nëse përnjëherë nuk “ja ndien” se qeni juaj është i sëmurë apo se gjyshja juaj ka përfunduar në spital, me siguri që nuk është më i interesuar për ju.

Më nuk i pëlqejnë qëndrimet tuaja

Derisa më parë ia kishte lakmi, për shembull kujdesit tuaj për kafshët e braktisura, përnjëherë të thotë se shumë ngarkohesh dhe merresh me këto budallallëqe. Qëndrimet tuaja e nervozojnë dhe bisedat tuaja e lodhin? Bazuar në këtë djali tashmë ju sheh më shumë si mike e jo si të dashurën e tij!