[Zero Cool]

Të tejkalohen dallimet etnike dhe fetare





Udhëheqësit e tri bashkësive më të mëdha fetare në Kosovë- myftiu Naim Tërnava nga komuniteti mysliman, peshkopi i Rashkës dhe Prizrenit, Teodosije nga kisha ortodokse serbe, peshkopi Dode Gjergji nga kisha katolike dhe komandanti i KFOR-it, gjenerali Erhard Buehler- të shtunën u takuan në hotelin Gorenje në Prishtinë, për të biseduar në mënyrë joformale për çështjet e interesit të përbashkët.


Udhëheqësit diskutuan për atë se si t’i ruajnë dhe përmirësojnë më tej vlerat fetare, respektin e ndërsjellë të bashkësive fetare dhe kulturën e tolerancës dhe paqes.

Buehler shprehu kënaqësinë e tij për bisedimet të cilat pasqyrojnë frymën e pajtimit në shoqërinë Kosovare. Ndonëse joformal, ai e vlerësoi takimin si historik dhe si rrugë drejt së ardhmes, në të cilën të gjitha dallimet etnike dhe fetare do të tejkalohen.

Komandanti ofroi ndihmën e tij për ngjarje të tilla të rëndësishme, të cilat janë në interes të KFOR-it dhe misionit të tij për paqe.