[Kercovari]

Postimi origjinal është bërë nga Zanzi/M

Publikuar: 22.07.2011 - 17:08
Oslo, 22 korrik (E plotësuar) - Sipas informatave më të reja nga kryeqyteti i Norvegjisë, Oslo, ku sot pasdreke shpërtheu të paktën një bombë në afërsi të ndërtesës 17 katëshe të qeverisë, kanë vdekur të paktën 2 persona, kurse janë plagosur të paktën 15 të tjerë. Përfaqësuesi i qeverisë norvegjeze tha se në ndërtesat e dëmtuara nga shpërthimi ka ende njerëz të ngujuar. Sekretari shtetëror, Kristian Amundsen nuk dha hollësi, por theksoi se situata është më e keqja që janë përjetuar ndonjëherë në Norvegji.
Reuters raporton se në afërsi që vendit Utoya, që shtrihet afër Oslos, janë dëgjuar të shtna armësh. Thuhet se të shtënat janë dëgjuar në kampin e rinisë të të rinjve të partisë së kryeministrit Stoltenberg. Mediet norvegjeze pohojnë se sulmuesi ka qenë i veshur me uniformë policore. Edhe këtu pohohet të ketë shumë të plagosur, por a ka kjo ngjarje lidhje me sulmin me bombë në Oslo ende nuk dihet. Priten të dhëna të reja.
Rreth orës 15 e 30 minuta kryeqyteti i Norvegjisë është dridhur nga një shpërthim që ndodhi në qendër. Sipas raporteve të para të agjencive të huaja, nga shpërthimi kanë vdekur të paktën dy persona, kurse edhe tetë të tjerë janë plagosur. Policia paralajmëron qytetarët për mundësinë edhe të ndonjë bombe tjetër në kryeqytet.
Sipas BBC-së, shpërthimi ka shkaktuar dëme mjaft të mëdha në ndërtesën prej 17 kateve, ku gjendet edhe zyra e kryeministrit Jens Stoltenberg. Agjencia gazetare norvegjeze NTB raportoi se kryeministri gjendet në të sigurt. Ai më vonë iu drejtua kombit, por nuk tregoi se ku është strehuar.
Për shkak të shpërthimit të fuqishëm janë bërë copë e grimë edhe dritaret në disa ministri përreth, ndër të cilat edhe të Ministrisë së Naftës, të cilën e ka përfshi zjarri, dhe në Ministrinë e Energjetikës. Dëm i madh material është shkaktuar edhe në lokalet e tabloidit më të madh norvegjez VG. “Në ndërtesën e VG dhe të qeverisë janë shkatërruar dritaret. Në rrugë qëndrojnë të shtrirë personat e përgjakur”, raportoi nga vendi i ngjarjes gazetari i radios norvegjeze NRK.
Ushtria ka bllokuar kuartin, kurse policia tërheqë vërejtjen se aty mund të ketë edhe bomba të tjera.
Shkaku i shpërthimit ende nuk dihet, mirëpo agjencia britanike Reuters raporton se ka mundësi që është shkaktuar nga një automobil bombë, pasi para ndërtesës është gjetur një automobil i shkatërruar. Tabloidi Dag Bladet, ndërkaq, raporton se njëherësh kanë shpërthyer disa automobila bombë. Policia ende nuk ka lëshuar asnjë deklaratë.
Për arsye të pjesëmarrjes ushtarake të Norvegjisë në Afganistan, në të kaluarën ka pasur disa herë raste të kërcënimeve drejtuar Norvegjisë nga ana e rrjetit ndërkombëtar terrorist al-Qaeda, ndërsa që pati kërcënime dhe për shkak të pjesëmarrjes së avionëve luftarakë të Norvegjisë në bombardimet kundër regjimit të Muamar Gadafit.
“Është e vështirë të shpjegohet se për ç’arsye ka ndodhur kjo. Këtu nuk ka kurrfarë grupesh terroriste vendore, megjithëse autoritetet norvegjeze disa herë kanë bërë nga ndonjë arrestim të personave të lidhur me al-Qaedan”, deklaroi David Lea nga organizata Control Risks.
“Norvegjesët gjenden në Afganistan dhe Libi, por e gjithë kjo nuk mjafton për të nxjerrë farë përfundimesh të sakta”, shtoi ai.

Auuu,para te gjithve zbulove se nga kush eshte kry sulmi terorist ,ALqaeda na qenka...ah mjeran e mjeran,me vjen keq per ate pupoll s enuk e kan merituar nje terror te tille sepse jan nder popujt me te urte ne bote,e per ty me vjen keq qe fije truri nuk ke me gjithe autorin e shkrimit kur vete shteti Novergjez akoma nuk di dhe mendohet te jene edhe forca radikale vendase,e mnu shqiptaret e krishtere drejte
tek alqaeda,pakistani avgansitani neser ndonje shqiptare musliman duhet te jete..paqsh shnosh koke e familjes nodshta jan ndryshe nga se per koken tende i eshte kende fermani"Hiri ne hi dheu ne dhe-Amen!