[taraku-1]

Reuters: Erdoan, njeriu më i fuqishëm i Turqisë



E mërkure 10 Gusht 2011 10:41
Agjencia e lajmeve Reuters publikoi nën titullin "Njeriu më i fuqishëm i Turqisë" një analizë lidhur me Kryeministrin Rexhep Tajip Erdoan.
Sipas Reuters-it, sekreti i suksesit të Kryeministrit Turk Erdoan është rritja ekonomike dhe transformimi demokratik.
Në artikull thuhet se z. Erdoan ka bërë një marrëveshje të heshtur me zgjedhësit e tij, ndërsa theksohet që bazuar në këtë akordim, kryeministri duhet të sigurojë rritjen e shpejtë ekonomike, hapjen e vendeve të reja të punës dhe thithjen e investimeve, ndërsa zgjedhësit do t'i japin atij mundësinë për t'i dhënë formë demokracisë.
Një tjetër temë, për të cilën flitet në artikullin e Reuters, ka të bëjë me marrëdhëniet ushtri-politikë. Turqit respektojnë ushtrinë, por shumica e popullit kërkon që ushtarakët të mos përzihen në politikë, gjë kjo që Kryeministri Erdoan ka arritur ta bëjë me sukses, sqarohet në vijim të shkrimit.
Në këtë analizë merren në shqyrtim edhe karakteristikat e lagjes Kasëmpasha, ku është rritur z. Erdoan, edhe vetitë e liderit turk, ndërsa përmendet fakti që fjalët e Erdoanit në Davos drejtuar Presidentit izraelit, Shimon Peres, kanë konsoliduar famën dhe reputacionin e kryeqeveritarit turk në botën islame.
Reuters e përfundon këtë vlerësim duke nënvizuar se mundësia që opozita të marrë postin e Erdoanit është mjaft e vogël, për më tepër kryeministri turk nuk ka rivalë të vërtetë as brenda Partisë AK./trt/

Qeshtu Kosova kadal dale duhet me u bo..dite mas dite.