[Jana]

Humb 10 mijë fansa
Pavarësisht delirit për veten dhe shifrave të pretenduara të shitjes së albumeve, është këngëtarja që ka më pak fansa në Shqipëri. Refuzimi për të folur shqip gjatë një emisioni në një televizion amerikan, duket se i ka kushtuar shtrenjtë Bleona Qerretit. Në rrjetin social në Facebook, janë me dhjetëra adresa “fan page” të saj, nga të cilat numri i adhuruesve nuk i kalon 46 persona, ndërsa i atyre që e urrejnë mbi 10 mijë. Për më tepër, të gjitha këto faqe kundër saj, janë hapur me tituj fyes dhe sharjet nëpër komente janë nga më ekstremet. Nuk kanë munguar kërcënimet dhe, për të zbutur këtë situatë, duket se nuk po bën gjë ndjesa që ka kërkuar Bleona Qerreti këto ditë dhe as bluzat që po vesh me mbishkrimin “Krenare që jam shqiptare”.

7 deklaratat “boom-boom” të Bleonës

“Jetoj në një pallat me Rihannën, jam më e bukur se femrat e Hollivudit.”
“Ju garantoj se nuk do më shihni në tabloidët amerikanë me çmenduritë që ndodhin në Hollywood.”
“Po regjistroj këngë në studion e Michael Jackson.”
“Si u marros pas meje Pippo Baudo.”
“Unë, Madona shqiptare.”
“Jeta ime në tapetin e kuq.”
“Nuk flas shqip. Jam amerikane.”