[Zero Cool]

Një jetë në skenë e nisur me emocionet e para, kur këndoi për herë të parë në Festivalin Kombëtar të Fëmijëve në Shkodër. Pikërisht sopranoja, që vite më pas do të interpretonte përkrah të madhit tenorit spanjoll, Plaçido Domingo, apo edhe me tenorin e njohur grek, Mario Franguli, e shumë emra të tjerë sot është pa dyshim një nga talentet e skenës operistike. Shfaqja e Invës në çdo skenë provokon menjëherë duartrokitje. Sopranoja shqiptare, që nuk rresht së kënduari në skenat më të mëdha të botës, nga Parisi në Barcelonë, nga Nju Jorku në Milano nuk i harron emocionet që i dha skena shqiptare.Për interpretimin e parë në skenën e festivalit Inva Mula është shprehur: “Kur më erdhi radha për të kënduar, çdo gjë mu errësua dhe nuk ngjitesha dot në skenë. Për një fëmijë ndoshta ishte një lojë, por për një artiste të ardhshme ishte guri i parë i një karriere të pakthim mbrapa”. Që nga ajo kohë dhe deri tani sopranoja shqiptare ka rezultuar e suksesshme në çdo skenë ku ajo ka kënduar. Për të nuk ka limite, nëse jeton në Paris apo në Tiranë. Ajo është e kudogjendur, nga një skenë në tjetrën, nga një shtet në tjetrin. Jeta e saj është një lëvizje nga Italia në Londër, Amerikë etj, dhe në këto shtete ku ajo interpreton prezanton më së miri kulturën shqiptare. E njohur në skenat botërore sopranoja e shqiptare ende vazhdon me suksesin e saj operistik. Këtë verë sopranoja do të japë një koncert në Butrint, ku magjia e zëri të saj do të mrekullojë skenën antike. Inva Mula, është një këngëtare soprano shqiptare. Lindi në Tiranë në vitin 1963. Ajo vjen nga një familje artistësh. I ati saj, Avni Mula është një nga kompozitorët dhe këngëtarët më të talentuar në Shqipëri. Në vitin 2001 ishte e zënë në Itali, ku luajti në teatrin "La Scala", pjesën e Verdit "Falstaff" dhe Riggoleto-n në Arenën e Veronës. Ka marrë pjesë rregullisht në “La Scara” ku luajti “Lucia di Lammermoor”, “La boheme”, “Manon” (2006). Luajti gjithashtu disa herë dhe "La Traviata-n" në qytete të rëndësishme si Tokio, Bilbao, Orange, Trieste and Toronto. Inva Mula ka shkëlqyer kudo, që ka dhënë koncerte. Sopranoja Inva Mula, bijë arti, e filloi shumë e re karrierën lirike. Tashmë e vendosur prej vitesh në Paris, Inva Mula ka performuar në një numër të madh shtetesh si: USA, Itali, Francë, Japoni, Austria, Norvegji, Spanjë, Koreja e Jugut etj.