[Domira]

Ndërron jetë redaktori i Radio Kosovës, Mehmet Haziri

Ne moshën 64 vjeçare, pas një sëmundjeje të rëndë, ndërroi jetë Mehmet Haziri, gazetar shumëvjeçarë i Radio Prishtinës dhe redaktor i Radio Kosovës.

...Postuar: 09:06:10 / 15.10.2011

Ai filloi punën ne Radio Prishtinë ne vitin 1977. Pas mbylljes së Radio Prishtinës ne vitin 1990 , Mehmet Haziri bashkë me njё ekip tё gazetarëve tё RTP-sё, nisёn njё emision pesëminutësh informativ nё Radio Zagreb tё Kroacisë. Nga viti 1991, bashkë me disa gazetarë tё RTP-sё u caktua me punё nё Radio Televizionin Shqiptar si koordinator i kësaj redaksie nё Prishtinё. Nё paraqitjet e tij tё përditshme nё RTSH, Mehmeti u angazhua pёr informim tё shpejtё e objektiv pёr mbarё opinionin shqiptar. Nga viti 1999 me tё përfunduar tё luftës, gjatё sё cilës ishte refugjatё nё Maqedoni, Mehmeti bashkё me disa gazetarё tё RTP-sё kthehen nё RTP por me njё emёr tё ri. Fillimisht si Radio Prishtina e Re e nga nëntori i vitit 1999 si Radio Kosova. Nё kёtё institucion informativ Mehmeti punoi si gazetar, redaktor dhe redaktor i redaksisё duke përgatitur dhe redaktuar edicionet qendrore informative. Nё vitin 1995 Mehmet Haziri ёshtё nderuar me çmimin Gazetar i vitit, çmim ky i ndarё nga Lidhja e Gazetarёve tё Kosovёs. Gjatё dy viteve tё fundit Mehmeti, pёr shkaqe shëndetësore, u shtёrngua qё tё vendoset nё Belgjikё e Gjermani. Edhe pse jo me shëndet tё mirё, ai nuk pushoi sё shkruari. Ka nё dorëshkrim edhe katёr vepra tё tjera, tri prej tё cilave tashmё janë nё botim. Me vdekjen e kolegut tonё Mehmet Haziri, familja humbi bashkëshortin, prindin dhe gjyshin e dashur, Radio Tevizioni i Kosovёs, punëtorin e zellshëm dhe tё përkushtuar, kurse gazetaria kosovare njё penё tё mprehtё dhe njё kolegё tё dashur. Varrimi i të ndjerit bëhet nesër ne varrezat e fshatit të tij të lindjes, Leçinë të Skenderajt. Radio Televizioni i Kosovës, familjes Haziri i shpreh ngushllimet më të sinqerta ndërsa nesër duke filluar nga ora 11 ne kinemanë ABC do të organizoj një mbledhje përkujtimore.