[Zero Cool]

Mushkëritë e duhanpirësve si të atyre që vuajnë nga fibroza cistike


Hulumtimi ka treguar se si konsumimi i duhanit ndikon në mënyrë të ngjashme si dhe fibroza cistike.


21 tetor 2011
Te fibroza cistike, qarkullimi jo i duhur i ujit dhe kripës në qelizat e mukozës së mushkërive shkakton formimin e mukozës së dendur dhe të ngjitshme. Bakteret mbesin të robëruara në atë mukozë dhe fillojnë të shumohen, çka çon deri te infeksionet e mushkërive të rrezikshme me jetë

Hulumtimet më të reja tregojnë se si pirja e duhanit në mënyrë të ngjashme ndikon negativisht në mushkëri, çka çon deri te mukoza që shkakton kollitje të thatë, bronkit kronik dhe sëmundjen kronike obstruktive të mushkërive dhe probleme tjera të ngjashme.

Hulumtuesi kryesor dr. Sc. Robert Tarran dhe kolegët nga Universiteti i Karolinës Veriore, kanë kryer disa eksperimente në njerëz dhe qelizat e kultivuara në mënyrë laboratorike, në të cilat kanë testuar ndikimin e tymit të duhanit në funksionet e proteinës (CFTR) e cila i ndihmon mushkëritë që të mbeten të lagështa.

Kanë zbuluar se si njerëzit e ekspozuar ndaj tymit të duhanit kanë pasur zvogëlim të aktivitetit të CFTR për madje 60 për qind, në krahasim me ata që kanë qenë të ekspozuar vetëm në ajër të pastër.

Po ashtu qelizat e mushkërive i kanë ekspozuar ajrit ose tymit të cigareve, dhe pastaj kanë matur nivelin e lëngut që mbulon qelizat e mushkërive. Qelizat të ekspozuara në tym të duhanit kanë pasur nivele të lëngjeve shumë më të ulëta, të cila kanë qëndruar të ulëta të paktën edhe dy orë e gjysmë.

Hulumtimet shtesë kanë treguar se si kjo është shkaktuar nga tymi i cigareve i cili pengon funksionet CFTR.

Dhe për fund hulumtuesit kanë zbuluar se si shtimi i tretjes së njelmët hipertonike (trajtim për fibrozën cistike) në qelizat e ekspozuara tymit të cigareve shkakton rritjen e nivelit të lëngjeve në qelizat e mushkërive drejt nivelit normal. Trajtimi me tretje të njelmët hipertonike po ashtu ka vogëluar edhe sasinë e mukozës apo këlbazës.