Dardania.de - Shiko Postimin Tek

Neferta · 24-10-11, 11:38

Meshari” i Buzukut për 100-vjetorin e Pavarësisë

“Meshari” i Gjon Buzukut që njihet si libri i parë shqip, vitin e ardhshëm mund të ekspozohet në Shqipëri, transmeton Koha.

Ministri i Turizmit, i Kulturës, i Rinisë dhe i Sporteve i Shqipërisë, Aldo Bumçi, në vizitën e tij në Selinë e Shenjtë në Vatikan, me rastin e 20-vjetorit të rivendosjes së marrëdhënieve diplomatike ndërmjet Vatikanit dhe Shqipërisë, ka zhvilluar një takim edhe me drejtuesit e Bibliotekës së Vatikanit, duke u kërkuar zyrtarisht këtyre të fundit që libri i parë i shkruar në gjuhën shqipe, “Meshari” i Gjon Buzukut, që gjendet në këtë bibliotekë, të sillet në Shqipëri vitin e ardhshëm për ekspoze me rastin e 100-vjetorit të Pavarësisë së shtetit shqiptar, raportojnë mediat shqiptare.

Sipas tyre, “kjo kërkesë u mor në konsideratë”. Gjatë vizitës së tij në Selinë e Shenjtë, ministri Bumçi mori pjesë në meshën e zhvilluar me këtë rast, drejtuar nga dekani i Kolegjit të Kardinalëve, një nga figurat më të larta të Selisë së Shenjtë, kardinal Sodano. Të pranishëm në meshë ishin dhe kardinali Ivan Dias, nunsi i parë apostolik në Shqipëri, si dhe arqipeshkvi metropolit, imzot Rrok Mirdita e Ipeshkvi i Sapes, imzot Lucian Avgustini.

Me praninë e tyre nderuan dhe një numër i madh ambasadorësh të akredituar në Vatikan, si dhe figura të njohura të komunitetit arbëresh. Gjatë vizitës në Vatikan, ministri Bumçi u takua me homologun e tij, kardinal Ravasi, i cili vlerësoi marrëdhëniet mes Selisë së Shenjtë dhe Shqipërisë dhe njoftoi se së shpejti do të vizitojë Tiranën si pjesë e një projekti që nxiste dialogun ndërmjet Kishës dhe shoqërisë. Forume të kësaj natyre ishin zhvilluar më parë në qytetet e Parisit, Bolonjës, Bukureshtit dhe Romës.

24-10-11, 11:38	#1
Neferta Anëtarësuar: 22-06-09 Postime: 1,545	Gjon Buzuku Meshari” i Buzukut për 100-vjetorin e Pavarësisë “Meshari” i Gjon Buzukut që njihet si libri i parë shqip, vitin e ardhshëm mund të ekspozohet në Shqipëri, transmeton Koha. Ministri i Turizmit, i Kulturës, i Rinisë dhe i Sporteve i Shqipërisë, Aldo Bumçi, në vizitën e tij në Selinë e Shenjtë në Vatikan, me rastin e 20-vjetorit të rivendosjes së marrëdhënieve diplomatike ndërmjet Vatikanit dhe Shqipërisë, ka zhvilluar një takim edhe me drejtuesit e Bibliotekës së Vatikanit, duke u kërkuar zyrtarisht këtyre të fundit që libri i parë i shkruar në gjuhën shqipe, “Meshari” i Gjon Buzukut, që gjendet në këtë bibliotekë, të sillet në Shqipëri vitin e ardhshëm për ekspoze me rastin e 100-vjetorit të Pavarësisë së shtetit shqiptar, raportojnë mediat shqiptare. Sipas tyre, “kjo kërkesë u mor në konsideratë”. Gjatë vizitës së tij në Selinë e Shenjtë, ministri Bumçi mori pjesë në meshën e zhvilluar me këtë rast, drejtuar nga dekani i Kolegjit të Kardinalëve, një nga figurat më të larta të Selisë së Shenjtë, kardinal Sodano. Të pranishëm në meshë ishin dhe kardinali Ivan Dias, nunsi i parë apostolik në Shqipëri, si dhe arqipeshkvi metropolit, imzot Rrok Mirdita e Ipeshkvi i Sapes, imzot Lucian Avgustini. Me praninë e tyre nderuan dhe një numër i madh ambasadorësh të akredituar në Vatikan, si dhe figura të njohura të komunitetit arbëresh. Gjatë vizitës në Vatikan, ministri Bumçi u takua me homologun e tij, kardinal Ravasi, i cili vlerësoi marrëdhëniet mes Selisë së Shenjtë dhe Shqipërisë dhe njoftoi se së shpejti do të vizitojë Tiranën si pjesë e një projekti që nxiste dialogun ndërmjet Kishës dhe shoqërisë. Forume të kësaj natyre ishin zhvilluar më parë në qytetet e Parisit, Bolonjës, Bukureshtit dhe Romës.