[YanYan]

Të pashë në ëndërr dhe u zgjova,
dhe përsëri ndjeva një mall...
Nën kokë duart kryqëzova
me një tronditje të paparë.

Dhe nisa veten ta qetsoja ,
t'i mbushja mendjen se ish ëndërr...
Se ty më kurrë s'do të takoja.
Po hajde që ta bindësh zëmrën.

Kanë kaluar kaq vjetë,
larg e me tjetër dashuri ,
po zëmra nuk të harron lehtë,
i ka mbet mendja si fëmi.

Dhe nis të rrahë me drithërimë,
kur rastësisht të sheh në ëndërr...
Përjetë si gurin e Sizifit,
si peshë të rëndë të mbaj në zemër.

Sulejman Mato