[Arb]

Jahjaga dhe Mustafa, injoruan Bashkësinë Islame, qëndruan në shtëpi
07.11.2011 | 08:44
Presidentja e Kosovës, Atifete Jahjaga ka injoruar pritjet e drejtuesve të Bashkësisë Islame të Kosvoës për festën e Kurban Bajramit.

Ajo nuk e ka parë të arsyeshme të vizitojë BIK-un ashtu siç bëjnë liderët institucional dhe partiak për festat e Bajramit. Njëjtë sikurse Jahjaga ka vepruar edhe kryetari i LDK-së, Isa Mustafa i cili ka preferuar të qëndrojë në shtëpi.

Për dallim nga ta, kryeministri Hashim Thaçi ka vizituar drejtuesit e BIK-ut ashtu siç ka vepruar edhe kryetari i AKR-së, Behgjet Pacolli. Madje ai edhe ka falur namazin e Bajramit. /indeksoline/


Shqipëria vlerëson pozitive heshtjen e Jahjagës e Mustafës për Bajram
07.11.2011 | 12:16
Tashmë jemi mësuar që politikanët tanë të na dalin në televizor për çdo ngjarje, madje dhe për festat fetare. Ata japin mesazhe paqeje, besimi, dashurie, edhe pse shpesh nuk i reflektojnë vetë këto vlera. Me daljet e tyre në publik, siç ka ndodhur edhe për Bajram, ata lënë disi në hije ata që duhet të flasin për festat fetare, duke nisur nga autoritetet fetare, deri tek besimtarët.

Por, shembulli pozitiv vjen nga politikanët kosovarë. Presidentja e këtij vendi, Atifete Jahjaga, nuk është përzierë dje me festën e Bajramit dhe nuk ka dalë për të dhënë deklarata. Të njëjtën gjë ka bërë edhe kreu i opozitës dhe kryebashkiaku i Kosovës, Isa Mustafa, ndryshe nga kryeministri Thaçi, që ka vizituar drejtuesit e Komunitetit Mysliman.

Rasti i Jahjagës dhe Mustafës mund të cilësohet një rast pozitiv dhe një shembull edhe për politikanët tanë, që të paktën për festat fetare të mos na shfaqen në televizor dhe të japin mesazhe. Janë të tepërt. /tema/