[Kercovari]

Postimi origjinal është bërë nga Arb

Banorët e fshatit Roganë të Kamenicës, kanë mbetur pa imam. Fehmi Leci, hoxha i tyre, u largua pasi pretendon se “njerëzit me mjekra” ia dogjën veturën dhe shtëpinë afër xhamisë, ku banonte. Fshatarët e Roganës janë të ndarë, disa e duan imamin që u shërbeu për tetëmbëdhjetë vjet, e të tjerë janë të kënaqur me largimin e tij.

Ishte bërë gati për të shkuar që ta falte namazin e Bajramit të Vogël. Por i ka shkuar huq. Fehmi Leci, i cili deri të shtunën ishte imam në xhaminë e fshatit Roganë të Kamenicës, për të parën herë në jetën e tij prej që e kryen këtë punë, nuk ka mundur të dalë para xhematit, ashtu siç ka bërë për shumë vjet.
Në orët e para të së dielës, dikush ia kishte djegur veturën në garazh. Kjo ishte arsye e mjaftueshme që ai mos ta marrë udhën drejt vendit të punës, ku kishte shërbyer për 18 vjet. Por jo vetëm kaq.

Nuk është vetëm djegia e veturës së tij nga persona që ende mbesin të panjohur për të dhe policinë, që e penguan Lecin të vazhdojë ta kryejë punën e tij si imam në xhaminë e Roganës. Të njëjtit, para disa ditësh, i është djegur edhe shtëpia afër xhamisë, në të cilën kishte banuar me familje për 18 vjet. E këto dy veprime që Fehmi Leci i konsideron se arritën kulmin, janë pretekst i fortë që ai të japë dorëheqje nga shërbimi si imam në xhaminë e fshatit Roganë.

Të hënën, Leci priste mysafirë në shtëpinë e tij në Koretin të Kamenicës, derisa mundohet t’i shpjegojë problemet që ka tash së fundi me disa banorë të Roganës. Ai sqaron për Express se problemi ka filluar qysh para tri vjetësh, ku disa banorë të këtij fshati kërkuan largimin e tij nga vendi si imam i xhamisë. “Duke bërë falsifikimin e një dokumenti, ata morën vendim që të më largojnë nga puna si imam”, thotë Leci, derisa tregon një dokument të nënshkruar nga 16 njerëz, që veten e quajnë Këshill i Xhematit dhe të vulosur me një vulë të xhamisë.

Por ky vendim u hodh poshtë nga Bashkësia Islame, Dega në Kamenicë, me ç’rast nuk u aprovua kërkesa e atyre personave, për shkak se siç është thënë nga Bashkësia Islame, nuk ka ndonjë veprim të imamit që bie ndesh me Kushtetutën e Bashkësisë Islame.

E ky refuzim, sipas Lecit, i shtyri ata persona që të përdorin mënyra të tjera që do ta shtynin atë të largohej nga puna. Leci beson se krejt sherri filloi me iniciativën e njerëzve që ai i quan “mjekroshë”. “Unë gjithnjë i kam luftuar ata të atij sekti dhe ende jam kundër tyre. E qëllimi ka qenë që mua të më eliminojnë, në mënyrë që t’i arrijnë qëllimet e veta që të dominojnë në fshat, sepse unë kam qenë pengesë për ta”, ankohet Leci.

Shkrimin e plotë mund ta lexoni në Express...

Si perhere,Express eshte i shkathte ne genjshtra po edhe ne komplote.