[Kosova19]

Martesa e njëkohshme e pejgamberit me nëntë gra ishte thjesht një zbatim i instruksioneve dhe i urtësisë hyjnore. Allahu i patëmeta thotë:


"Kur Zejdi e kreu me të (dmth u shkurorëzua), Ne ta dhamë atë për bashkëshorte, në mënyrë që (në të ardhmen) të mos ketë vështirësi për besimtarët lidhur me gratë e bijve të adoptuar të tyre, kur ata të mos kenë dëshirë t’i mbajnë ato (dmth të shkurorëzohen). Dhe urdhri i Allahut duhet të zbatohet. S’ka faj pejgamberi (alejhi selam) për atë që Allahu e bën të ligjshme për të. Kjo ka qenë mënyra e Allahut me ata që kanë kaluar nga pejgamberët tjerë". (el-Ahzab)

Duke përmendur faktin se është Allahu ai që e ligjësoi për të Dërguarin e Tij të martohej me disa gra, Ai shpalli:

"O pejgamber (O Muhamed), vërtet, Ne t'i kemi lejuar bashkëshortet tua, të cilave ti ua pagove (prikën) dhe ata robër që ke në pronësi, të cilët t’i dha Allahu",

e pastaj e kufizoi numrin e bashkëshorteve të të Dërguarit në nëntë, nga të cilat i ishte ndaluar të shkurorëzohej. Allahu i lartësuar thotë:

"Mbas kësaj, nuk janë të lejueshme për ty gra tjera e as t’i ndërrosh ato për gra tjera, edhe nëse bukuria e tyre të tërheq". (el-Ahzab)

Prandaj, të gjitha martesat e pejgamberit (alejhi selam) ishin kërkuar nga urdhri hyjnor. Nuk bën të krahasohen rastet tjera me atë të pejgamberit (alejhi selam). Kjo çështje qe kufizuar vetëm në të Dërguarin e Allahut. Kurrkujt nga umeti musliman nuk i është lejuar të martohet me më shumë se katër gra me arsyetimin se pejgamberi (alejhi selam) u martua me nëntë gra.

Ata që kritikojnë pejgamberin e Islamit dhe i etiketojnë muslimanët si epshorë, janë qartësisht të gabuar. Çka është edhe më keq është se në gjejmë muslimanë që hedhin akuza sharëse ndaj pejgamberit (alejhi selam) dhe e marrin temën e martesave të tij për shaka. Sikur të hynte besimi i vërtetë në zemrat e tyre, ata nuk do të lejonin që mendimet e tilla të zënin vend në mendjet e tyre. Sikur ata të shqyrtonin me kujdes rrethanat e secilës martesë, do të mendonin ndryshe.

Pejgamberi lidhi martesat ose për të mbrojtur dhe përkujdesur për një vejushë, ose për t’i ngushëlluar familjet zemrat e të cilëve qenë thyer nga vdekja e babait të tyre të dashur, ose për të çimentuar lidhjet e dashurisë me fisin e bashkëshorteve të tij, ose për të nderuar një grua që kishte përmbushur urdhrin e Allahut dhe kundërshtoi traditat e shoqërisë së saj duke u martuar me një rob më parë sesa me një zotëri, duke kërkuar me këtë kënaqësinë e Allahut.

Sikur pejgamberi të ishte epshor, do të zgjidhte të martohej kur ishte në lulen e rinisë së tij, në kulmin e dëshirës seksuale. Mirëpo, ai u martua me disa gra vetëm mbasi u plak, kur dëshira e tij për gruan ishte dobësuar. Në moshën njëzetepesë vjeçare, ai ishte i martuar me vetëm një grua, Hadixha bin Khuwejlid (Allahu qoftë i kënaqur me të), e cila ishte pesëmbëdhjetë vjet më e moçme se ai. Ajo ishte dyzet vjeçe ndërsa ai ishte vetëm 25 vjeç. Ai mbeti me të, derisa ajo vdiq.

Poligamia e pejgamberit
Burimi: www.mburoja.net