[Zero Cool]

Ku gabojnë femrat në dashuri?







Që nga takimi i parë e deri tek fjala përfundimtare “po”, femrat gjatë një marrëdhënieje bëjnë gabime tipike. Ua prezantojmë disa nga gabimet për të cilat ekspertët ju sugjerojnë t’ju shmangeni.

Të qenit në dispozicion

Keni njohur “njeriut e jetës suaj” dhe dëshironi që secilin çast të lirë ta kaloni me të. Mirëpo, mundoheni të mos përfillni disa gjëra, të cilat deri atëherë keni pëlqyer dhe nuk shkoni tek ai secilën herë që ai ju thërret. Vazhdoni me aktivitetet e përditshme, e për të krijoni një hapësirë aq sa keni nevojë.



Mos kërceni në shtrat

Mos u futni edhe aq shpejt në shtrat me të. Nëse kërkoni një lidhje të gjatë, prisni pak. Meshkujt i pëlqejnë femrat që e respektojnë veten e tyre dhe nuk kanë asgjë kundër që së pari të njiheni mirë. Shkoni ngadalë, pa marrë parasysh a bëhet fjalë për seksin, apo për diçka tjetër, kjo është politika më e mirë.

Mos harroni mirësjelljen

Meshkujt çmojnë fjalët “faleminderit” dhe “më falni”. Ndoshta ju tingëllon pak e dalë mode, por nganjëherë duhet t’jua kujtojmë një diçka si kjo.

Mos e jetoni jetën e tij

Femrat që e lejojnë një mashkull t’ua kontrollojë jetën, në fund përfundojnë të mashtruara dhe të pikëlluara. Jini e mirë aq sa mundeni, por së pari për veten tuaj, e më pas edhe për të. Mbroni qëndrimet tuaja, gjërat dhe njerëzit që i doni. Mos ndërtoni jetën rreth mashkullit tuaj dhe mos jini nga ato femra, që nuk paramendojnë jetën pa të.

Mos prisni tepër

Mos prisni shumë prej partnerit tuaj. Disa femra mendojnë se martesa do t’ua sjellë të gjitha ato që i kanë dëshiruar gjatë jetës. Zgjidhni partnerin, i cili ju kupton, e jo dikë që zgjedh problemet tuaja jetësore.