[Domira]

Në 2011 hapa shpesh ketë dritare sepse është bërë pjesë e jetës (shtëpisë) sime. Ani se nuk kam shkruar shpesh, me rëndësi Dardania ka qenë aty sa herë që kam pas nevojë të hy në te.
Mbajta mbrenda meje edhe gjatë këtij viti, brengat e mia, ato që i pikëllojnë miqt e mi. Nuk ka hije të pikëllosh dike kur hap shtëpinë e miqve. Provoja që të hesht së paku dhe kisha kujdes që mos të vërehen gëlltimat e mia. Qesha kur me qeshte shpirti dhe me dukej sikur jam fare pranë jush që më bëtë të lumtur me shkronjat e dala nga ngrohtësia e zemrës tuaj. Klikoja në të gjitha temat për të takuar fjalën e sinqertë atë të cilën e dëshiroj...dhe gjeta e kalova caste bukura të cilat ma mbushën ndonjë zbrazëti e cila më është kriju aty ktu.

Po, natyrisht, u jam largu orbitrave fiktive të krijuara artificjalisht nga egoizmi dhe interesi i shtrirë deri në pakufi, duke shkelë pamëshirshëm prezencën e të tjerëve. Por kur imponimi i të tillëve bëhet aq absurd saqë shëndrrohet në sjellje ’’normale’’ për rrethin, mbështjellë me sharm të falsifikuar, aty puna ndryshon dhe aty them stop në mënyrën time.

Pa marrë parasysh a kemi të bëjmë me veprime të qëllimshme apo të paqëllimshme, atyre që shkelin vijat e kuqe ju tregoj vendin pa marrë parasysh se cfar mund të pasojë apo kush më jep përkrahje. Dinjiteti i njeriut shkilet edhe atëhere kur dikush me cdo kusht dëshiron të imponojo kinse ’’sigurinë’’ e vetvetes, lumturinë dhe shumë gjana tjera personale duke kërkuar aprovimin e të gjithve! Qesharake, e turpshme, ofenduese!

Sa iu përket temave të fesë, unë nuk hy fare në diskutimet rreth fesë. Arsyeja shumë e thjeshtë: ne shqiptarët gjithmonë kemi qenë mysliman, katolik dhe ortodoks. Urrejtje në mes shqiptarëve për shkak të fesë nuk ka pasë, përkundrazi ka ekzistuar respekti për religjionet tjera. Ashtu janë edukuar shqiptarët ndër shekuj. Kurse këtë far ’’edukate’’ të pantollave të shkurta që na është imponuar viteve të fundit duhet sqaruar dhe trajtuar në mënyrë institucionale sepse vetëm kështu mund të riparohen tendencat eventuale për trazira fetare.

Te temat e dashurisë kam deshirë të relaksohem duke bërë shumë shaka. Sepse ashtu i konsideroj këto tema të netit :D. Ndërsa temat shoqërore po edhe ato të politikës i kam për qejfi, së paku të lexoj, e sa për të postuar hezitoj nga pak, ngase unë dua ti mbetem besnike vetëm këtij niku dhe mundohem që të ia dal kështu si jam. E pranoj se nuk është e lehtë, por vetë kam zgjedhë rrugën e vështirë dhe e bajsha me shëndet!

Nuk jam idhtare e copy/pastit dhe postimet e mia janë të miat!
Më ka mbetë merak sepse nuk arrijta të bëj pak poezi , jo vetëm që më ka mbetë merak por kjo gjë po ma rëndon pakës (spo du me than shumë) një qoshe të zemrës sime.

Miqt e mi të mirë, eh...sa shumë i dua! Aty janë, e di unë! Nuk kam nevojë të luftoj për ti mbajtë pranë. A e dini pse? Sepse më njohin, sepse iu njoh shpirtin. Sepse nuk kam nevojë të lavdërohem e as të frigohem se më braktisin vetëm nëse ata kanë dhe duan edhe miq të tjerë. Unë këto i kuptoj dhe i arësyetoj. Njësoj siq bëjnë ata me mua, më kutpojnë dhe më arsyetojnë.
Dardania.de është një mrekulli të cilën pata mundësinë dhe fatin ta shijoj, ashtu si zgjodha vetë, edhe në vitin që po përfundon, pra në 2011.

Qoftë i gëzuar Viti I Ri 2012 për Dardaninë tonë dhe për anëtarët e saj!